حكه في.......؟؟؟؟

[~LiBrA~]

السلام عليكم بنات يعطيكم العافيه

بنات في مشكله محرجه وابيكم تساعدوني


ااتييني حكه ورا في فتحة الشرج حيل قويه تكرمون

وللعلم انا حامل

ماتدرون شنو منه وشنو علاجه ولذا بروح الطبيب استفسر

اروح حق طبيبة نسا؟ تعرف بهالشي ولا منو

لان حدي منحرجه

ومشكورين

 

[زعفرانة]

مادري والله بس روحي للطبيبة نسا بما انج حامل
يمكن تعطيج كريمات او شي يخفف الحكة

 

[عيون السعودية]

اهتمي بنظافتها وغسليها بعد كل حمام بالديتول وغيري ملابسك باستمرار وازيلي الشعروحطي عليه فازلين عشان الفازلين يبعد الحكه وماقدامك غير العافيه

 

[NODA 2]

مممممممممممممممم يمكن من الامساك روحي حق الصيدليه او طريشي ريلج وراح يعطونج كريم و تحاميل وراح ترتاحين بس اهم شي الماااااااااااااااااااااااااااااااااي و وخري عن الاكل الي يسوي امساك كنت مثلج و استخدمت تحاميل مع كريم والحمدالله
وماتشوفين شر وسلامتج

 

[~LiBrA~]

حبايبي مشكورين ماقصرتو

بس ابصراحه انا خفت لما سويت بحث بقوقل يطلعلي يقولون دود!!!

امبيه لاعت جبدي وحدي خايفه

مع اني اغسل عدل عقب الحمام ولازم بغسول مادري من شنو جذي

 

[الخاتم الذهبي]

يمكن يكون عندك بواسير داخليه سببتلك حكه

 

[MiiMoo]

البواسير تسبب الحكه حاشتني من قبل بس قبل لا احمل وراح استخدمي ادوية البواسير

 

[أنشودة المطر]

حبيبتي بغيت أقول لج فعلا احتمال يكون دود .. ما أعرف شنو اسمه بس يصيد الأطفال وايد
والعلاج عبارة عن حبة وحدة يعطونج اياها المستشفى تاخذينها ويموت الدود

بس حسب علمي الحوامل مو زينة لهم هالحبة ....


الأحسن تراجعين دكتور وان شاءالله ما عليج الا العافية

 

[عيون القرناس]

حبيبتي عاادي
خذي مره اصليه ونقعيها فبطل ماي صحه وعلى طووول اخذي كلينكس او شاش وحطي عليه من منقوع المره وحطيها على المكان بس حاولي تدخلينها شوي وخليها عليج لين تنشف وكرري هالشي اكثر ورا بعض من تنشف الكلنكسه او الشاش حطي بدالها وبليل نشفي المنطقه عدل وغرقيهاا فازلين وماتشوفين شر ان شاء الله

 

[(أم نونو)]

الله يشافيج