حكم صور البنت وهي صغيرة

[فيونكة قطرية]

السلام عليكم ورحمة الله وبركاته..
بنات حبيباتي اشوووف وايد بنات في الكثير من المواقع ويمكن مو ف هالموقع.. يحطون صورهم وهم صغار.. يعني اللي ابي افهمه اذا كانت البنت متحجبة.. هل نشر صوتها وهي صغيرة حرام؟؟
عفست قوقل وانا ادوووور ومالقيت شي عن هالموضوع.. بس انا احس ان مايجوز لانه لون شعر البنت وشكله وبعض الخواص ف البنت تبقى مثل ما هي حتى لما تكبر.. بس مادري قلت اسألكم واستفيد.. وغيري يستفيد..

جزاكم الله خير :aha:​

 

[\ بدوية ذووق /]

والله ماعندي علم بهالموضوع للاسف واتمنى تحصلين الاجابة

 

[CANDLES]

مابي افتي بس حسب علمي عاااااادي

لان البنت شعرها يتغير يطول يقصر يخشن لونه يتغير واتوقع كل هذا ماله شغل بهالشغله

جان حجبوها واهيا اصغيره دام عارفين ان شعرها مثل مااهوا من خواص وغيره ويدرون مثلا اهلها ان اذا اكبرت بتتحجب وفي رياييل بتذكرون شعرها واهيا اصغيره !!

ماله دخل كلش عادي ماشوف فيها شي

 

[فيونكة قطرية]

مشكورين حبيباتي على المرور.. وأحلى حلاوة.. حسيت كلامج صح .. ريحتي بالي الله يريح بالج :aha:

 

[أوطان]

مشكورة اختي .. لان فعلا في ملامح ماتتغير والواحد يقدر يخمن شلون يصير شكل هالياهل واهو كبير.

 

[Om eL-3a9aGeeL]

اعتقد انه عادي

لأنه صورنا واحنا يهال مافيها اغراء ولا شي

والله اعلم

 

[لامـــــار]

@@

مادري - بس ماا اعتقد يعني لو حرام على البنت الصغيره كان ماشفتي البناااات الصغار اللي بالسعوديه كااشفين

بعدين ماااعتقد حرااام لان الرجل او الشااااب لمن يطااالع صورة البنت الصغيره ماتحرك مشاعره الجنسيه او تحفز شهوته مثل صور الكبااار
انا هذااا رايي - الطفولة براءه يعني حتى لو بيشوفها الريال يمكن يضحك ويقول ماشالله تهبل - او اسم الله عليها

والله اعلم

 

[عالي مستواها]

وليش ينشرون البنات صورهم وهم صغار ؟

سؤال محتاج إجابة

هو شرعـًا البنت صغيرة ما تتحجب ولا هي مأموره بتغطية شعرها أو وجهها ليما تبلغ

لكن مو معناته البنات يحطون صورهم وهم صغار بالنت أو تعرضها لشباب لانه ممكن تنعرف من ملامحها او حتى يقدر يخمن شكلها الحين شلون صاير

هذا تحايل على الدين وأشوف ماله داعي

 

[فيونكة قطرية]

عالي مستواها.. أنا هذي النقطة اللي كانت محيرتني.. قلبي يعورني على وايد بنات اشوفهم حاطين صورهم بالنت.. وهم اانا اشوف ماله دااعي لان حتى لو مو حرام بس كان قصدي ان الشكل ممكن يتخمن.. على العموم الله يهدي الجمييع ويستر عليهم.. ​