حكم اللي ياخذون معاش دعم العماله واهم في بيوتهم

[LuLiTa]

 

[الحنونهـ]

حتى انا رفضت هالمعاااش لاني حسيت انه حرام...

 

[ذهب الروقي]

والله الانسان يفكر مليون مره بأي شي يبي يدخله حتى لو من حلاله الخاص ويبي يدخل تجاره يقعد يسأل ويستفسر مليون مره حتى يعرف اذا يتأكد انه الشغله حلال ومافيها حرام
فمابالك بالراتب الاساسي الي هو بيدش بجيب هالشخص اول شي واقل شي يفكر باللقمه اللي بياكلها والله اذا هو قدر يبلع هاللقمه وهو عنده شك لو واحد بالميه بانه فيها شبهه اعتقد هذا انسان ممكن يسوي ويحلل اشياء اكثر من جذي

وتظل نقطه مهمه جدا كل شي مو حلال مهما طال الزمن عمره صاحبه مايتهنا فيه ولو بعد حين

الله يحفظنا ويبعدنا عن الرزق الحرام

 

[روح آلمشآعر]

ـآي صح ـآنآ سآلت ـآلنجدي قآل ـآذآ بدون عمل حرآم ..
مع ـآن صآحب ـآلشركة مآعنده مشكلة ..
لكن ـآلوآحد يخآف من ـآلحلآل وـآلحرآم ..


,

 

[حياتي لله]

بنات مو جنه قالوا بيوقفون هالمعاش بالجرايد من جم فتره ولا انا غلطانه ؟؟؟؟؟؟

 

[FRuiT ZaBaDi]

حرااااااااااااااااااااااااااااااااااااااااااااااااااااااااااام ومليون مره حرام
شلون يحللون معاشاتهم هذيله لا حول ولا قوة الا بالله

والاخت اللي تقول يجوز اذا صاحب الشركه راضي,, فأقولها شكووووو صاحب الشركه! ليش اهو قاعد يدفع راتب دعم العماله من جيبه ولا من جيب الحكومه؟؟؟!!!


الله يهديهم ويتوبون الى الله

 

[كرامتى تهمنى]

الله يهديهم يارب ويعتمدون على عرقهم بالحلال

 

[جوري وبنفسج]

السلام عليكم

سمعنا من أهل العلم أن من يأخذ مال بغير وجه حق فهو حرام

طيب دعم العمالة منو اللي يدفعه صاحب العمل أو الحكومة ؟

طيب الحين اللي ما يلتزم بساعات الدوام الرسمي ويروح لعمله متأخر فمعاشه حرام لأنه أقتطع من وقته بغير وجه حق وهذا سامعته من الشيخ خالد بن جبير في محاضرة وقال أنه المعاش الحرام راح يأثر على الموظف وزوجته وأولاده بأن يكون جسدهم نبت من الحرام ومن نبت من الحرام النار أولى به ,

طيب بعد كل هالكلام هل للحين عندكم شك بحرمة أخذ دعم العمالة وأنتوا قاعدين في بيتكم !!!!!

اللهم أكفنا بحلالك عن حرامك وأغننا بفضلك عن سواك ... آمين .​

 

[baby soul]

بنات وبدل البطالة حلال ولا حرام ؟

 

[محبوبه25]

رد : حكم اللي ياخذون معاش دعم العماله واهم في بيوتهم

لووو الحكومه موفره شغل لناا
جان ما دورنا عن الحرام

وبصراحه انا وحده من الناس معاش الزوجه ما يكفيني

 

[law love]

رد: رد : حكم اللي ياخذون معاش دعم العماله واهم في بيوتهم

لووو الحكومه موفره شغل لناا
جان ما دورنا عن الحرام

وبصراحه انا وحده من الناس معاش الزوجه ما يكفيني

يعنيييي الي ما يكفيه معاشه عااادي عندج ياخذ فلوس حرام

و يوم القيامه شبتقولين حق الله سبحانه ما كانت فلوسي تكفيني !!!!

عيل لاتلومين الحراميه و النصابين لانهم محتاجين :rgewrg:

استغفر الله من ذمتكم الوسيعه


ربي لاتعاقبنا بما فعل السفهاء منا

 

[نملة حوله]

انا ما افتي بس حتى لو بعلم صاحب الشركة اهوه ماله شغل الفلوس مو قاعدة تنوخذ منه .. الفلوس فلوس الحكومة ..
وصاحب الشركة مستفيد حتى لو مايعطي معاش لأنه ملزم بتعيين نسبة من الكويتيين فجذي صاحب الشركة + الشخص اللي متعين تعيين وهمي مستفيدين ..
والمتضرر طبعا الحكومة لأنه تحايل عليها ..

بالعقل ما يصير .. وانا اقول استفت قلبك ولو أفتوك ..

يزاااج الله كل الخير
هذا الي بغيات اقوله بالظبط
مره صار عندي ظرف ماقدرت اداوم يومن ورا بعض ... مسؤولي قالي مومشكله غيبي ونوقع لج
ومارظيت .. مع انه مسؤولي ..
بس هم هالشي مومعناته ان خلاص حلال اسجل حظور وانا موموجوده ..
لان المعاش مو منه ..
الا اذا شخص له دخل بهالشي واخذ معاشي منه .. هني ممكن لو عطاني يوم يومين انشالله شهر عادي​

 

[نملة حوله]

رد: رد : حكم اللي ياخذون معاش دعم العماله واهم في بيوتهم

لووو الحكومه موفره شغل لناا
جان ما دورنا عن الحرام

وبصراحه انا وحده من الناس معاش الزوجه ما يكفيني

سبحان الله ..ناس ماتنام الليل اذا بذمتها فلس متسلفته ..
وناس تعيش شهور وسنين على الحرام وحاسه انه شي عااادي .
لو ساكته ابرك
ردج حيل وقح الصراحة ,, جنج تكابرين وتتحدين حكم ربج
اذا الله حرم هالشي تيين انتي تقولي جان مادورنا عن الحرام .؟

خافي ربج وراج حساب باجر .. شوفي جم فلس خذيتيه وربى جسمج عليه ؟
جم فلس حرام دش جيبج وكليتي منه وشريتي منه ويمكن صرفتي على اهلج وعيالج منه؟

لاتستهينين بالموظوع

واذا انتي كوووول وايد وعلى قوولتج معاش الزوجة مايكفيني ... تلحلحي واشتغلي .. او ارظي بالي تحصلينه من ريلج

الواحد يعيش الشهر كله على خبزه وماي بالحلال ولا ملايين تدخل جيبه وباجر كلها نار تشب بقبره

الله يهديج ويصلحج ويصحي ظميرج ​

 

[ماكنتوشه بنفسجيه 12]

رد : حكم اللي ياخذون معاش دعم العماله واهم في بيوتهم

الله يرزقنا الرزق الحلال

سبحان الله وبحمده

سبحان الله العظيم

 

[miss_math]

رد : حكم اللي ياخذون معاش دعم العماله واهم في بيوتهم

حرام أكيد

 

[جنان2006]

رد : حكم اللي ياخذون معاش دعم العماله واهم في بيوتهم

يزاكم الله خير بارك الله فيكم على ذكر الفتوى

اللهم اكفنا بحلالك عن حرامك واغننا بفضلك عمن سواك