حق منو اتقولين اذا بتسوين تلقيح والا طفل انابيب؟

[Amory]

من حقه اتقولين اذا بتسوين تلقيح والا طفل انابيب؟

بنات عندي سؤال مهم وابي استفيد من خبراتكم.
اهو للي سوو طفل انابيب والا تلقيح: حق منو قلتي لما سويتي هالعمليه؟

يعني عادي قلتلي للي معاج بالدوام؟ لأن اكيد راح اتغيبين فتره اطويله واذا اسألوج من الفضول اللي فيهم شتردين عليهم هل اتقولين لهم اشكره انج سويتي طفل انابيب أو بتسوين؟

حق منو اتقولين من اقاربج؟ بس القريبين كلش والا ما اتقولين حق احد ابد؟

صديقاتج يدرون والا لأ؟

هل تعتقدين ان لما يدرون الناس هالشي راح يأثر ابنجاح العملية وانها ماراح تنجح اذا دروا والا شي عادي انهم يدرون وهالشي ما يأثر وماله شغل؟

تفضلوا عطونا آرائكم وتجاربكم علنا نستفيد.:eh_s(8):

 

[شمسه]

السلام عليكم

حبيبتي موضوعج وايد مهم وبصراحة ودي أعرف آراء البنات في الموضوع


أنا عن نفسي سويت تلقيح 5 مرات وما قل حق أحد تقولين لي ليش أنا أقولج .....

ما أحب أضيق خلق أهلي إذا طلعت النتيجة سلبيه وأصير أنا شغلهم الشاغل ويحاوتوني وحالتهم لله .... فهذا من ناحية أهلي

أما في جم وحده من رفيجاتي يدرون .... بس للأسف وحده منهم قالت حق كل أهلها واهني أنا انقهرت صراحة لأني قلت لها بيني وبينج .......

وبعدين الرسول صلى الله عليه وسلم يقول بما معناه اقضوا حوائجكم في الكتمان ....

وبالنسبه لرفيجات الدوام أنا أقول لا تقولين لهم لان نظرة الناس تختلف ترى ما يدرون شنو تلقيح وشنو أطفال أنابيب ... يعني بعدين إذا حملتي إن شاء الله بيقولون اي يمكن هذوله مو عيالها .....

تخيلي حبيبتي وحده في إحدى المنتديات تقول دروو أهل ريلها انها مسويه حقن مجهري وانجحت من فضل الله بعد الولاده شيقولون لها ....(( الولد ما يشبه أبوه )) تخيلي يعني حتن شكو بشرفها أو انهم ملقحينها بشخص ثاني ولعياذ بالله

أنا ما أقولج سكتي لا تقولين حق أحد لا بالعكس شاوري وتكلمي بس وقت لمن تسوين لا تقولين حق أحد مو عشان شي بالعكس لان احتمال ما تنجح وكل شخص ما تعرفين تفكيره .... عرفتي شلون حبيبتي

وبعدين عيالج إن شاء الله في المستقبل اذا كنتي يايبتهم عن طريق وسائل مساعدة الانجاب ووصلهم هالشي راح يصيرون منبوذين نوعا ما وهذا مو لشي بل لجهل الناس في هذه العمليات

وهذا رايي من كل قلبي ترى وجني أنصح فيه اختي

والله ولي التوفيق ....

وانتظر معاج ردود البنات ​

 

[-Bello-]

الله يسهل عليج انشاءالله ..
ماعندي خبره بس اللي اقدر افيدج فيه ..اتوقع لاتقولين حق احد كلش بس امج عشان تحتاجين احد يوقف معاج وبس ..الله يوفقج انشاءالله

 

[bnt_kwt]

انا سويت تلقيح مره وحده وما صار
وما قلت الا حق امي واختي وخالتي ام ريلي

وبعد اذا بسوي مره ثانيه ودي ما اقول حتى حق امي وخالتي
لانه لما طلعت نتيجتي اول مره وايد تعبت نفسيا وتعبتهم معاي

فخليني بروحي اعاني ليش اخلي الناس يعانون معاي بس المشكله مو جذي المشكله اني اذا بسوي يعني راح اقطع الزواره واذا قطعت الكل بيشك ليش وبيت اهلي لازم اروح لهم كل يوم وترك فاذا ما رحت راح يسئلون اهني المشكله شقول لهم اتعذر لهم بشنو الله العالم

 

[bnt q8 in usa]

اختي ماله داعي احد يعرف خلي هالشي بينج وبين ريلج بس
الرسول عليه افضل الصلاة والسلام يقول استعينوا علي قضاء حوائجكم بالكتمان................

 

[Amory]

شمسه يزاج الله خير حبيبتي على كلامج و على رايج اللي قلتيه من القلب ان شاء الله ربي يرزقج الذرية الصالحه، بس بقولج شغله آنا اللي وياي بالدوام راح يدرون راح يدرون لأن اهمه يدرون اني صارلي اسنين متزوجه ومافي شي ثاني شي تقاريري الطبيه اتمر على موظفة وابصراحه هالموظفه فظيييحه كل ما يمر عليها كتاب اتحجى فيه ولازم بعد العمليه يسئلون ها امسويه عمليه ليش ما قلتيلنا والسؤال الثاني : اشصار ما حملتي؟ واشسوولج ؟ومن هالكلام ( الله يعيني عليهم بس ).
وبالنسبه حق اللي اتقولين عنهم ان راح يقولون هذيله مو اعيالها ابصراحه هذيله ناس اعقولهم اصغيره الله يعافينا بما ابتلاهم لو آنا مكانها ما اهتم لهم كلش.

بالنسبه لاهلي آنا لازم اقول لامي لأني راح ارتاح فتره طويله بعد العمليه وحتى خواتي لازم يدرون وصديقتي اللي علطول آنا معاها اشلون اغبي عليها مو معقوله راح اغبي عليها كل هالفتره.

احس شي صعب علي ، عاد تدرون والله وحده اعرفها سوت انابيب وكل العايله يدرون القريب والبعيد خالتها أم زوجها قالت حق خواتها وخواتها قالو حق بناتهم جناينهم وكل ما اتسوي يروحون يزورونها بالمستشفى لما اسدحوها و آنا استغربت شنو هذا ليش جذي المفروض محد يدري بعدين مو حلوه يزورونها بالمستشفى ابروحها نفسيتها تعبانه وقاعده اتحاتي ابهالفتره.
طبعا شي اكيد خالتي ابتدري لأن زوجي يقولها لكن آنا بوصيها انها ما اتقول لأحد كلش.

 

[Amory]

البنوته اي هذا اللي المفروض يصير بس في شغلات خارجه عن ارادتنا ، مشكوره يا عمري عالمشاركه.

bnt_kwt اختي انتي بتسوين تلقيح صناعي والا حقن مجهري اوطفل انابيب؟ لأن اذا تقصدين التلقيح الصناعي ترى شي عادي وطبيعي انه يفشل لأن نسبة نجاحه فقط 20 % وقليل ما ينجح. بس اذا تقصدين طفل انابيب او حقن مجهري آنا اقول قولي حق امج احسن علشان تدعيلج و ما في احسن من دعاء الأم ، وعقب العمليه اذا ما نجحت لا سمح الله اذا ضاق خلقج ونفسيتج اتعبت لا اتبينين لأمج هالشي اذا بجيتي ابجي ابروحج واذا كلمتي امج بينيلها انج عادي ومو مهتمه وقوليلها الحمدلله على كل حال ومو شرط انها تنجح في كل مره في ناس سووها 6 و7 مرات بعدين انجحت.
ان شاء الله تنجح معاج بالمره اليايه ونسمع عنج كل خير ومشكوره على الرد.

bnt q8 in usa هذا اللي احنا انحاول انسويه لكن في اشياء خارجه عن ارادتنا لأن العملية تحتاج راحه اسبوعين والمشكله ان مو متعودين انخشش شي الله يكون بالعون. مشكوره اختي على مشاركتج.

 

[ألوي الكويت]

انا مع شمسه
ملا داعي احد يعرف
انا سويت مرتين تلقيح صناعي محد يدري غيري وغير زوجي
حتي اقرب الناس لي ماقتلهم

 

[bnt_kwt]

اطفال انابيب شي اكيد بقول حق امي بس اللي بسويه تلقيح صناعي انشالله
وكله بيد رب العالمين ترا حتى اطفال الانابيب ما يضبط من اول مره
يعني نفس الشي سواء تلقيح ولا انابيب انا عندي نفس الشي بالضبط النتيجه
يعني يا تصيب ويا تخيب وربي ما يضيع تعبنا

 

[bnt q8 in usa]

الله لايضيع تعبكم يارب ويهنيكم ويبرد علي قلبكم ويرزقكم انشالله

 

[رماديه]

bnt_kwt

بس التليح الصناعي نسبة نجاحه 20%

لكن طفل الانابيب توصل 40% وفوق وفي مراكز توصل عندهم نسبة النجاح 70% على حسب المركز. هذا الكلام اللي قالوه لي الدكاتره وقريته بعد كذا مره.

الله يرزقج اختي ولا يضيع اتعبج.

 

[رماديه]

bnt_kwt

بس التلقيح الصناعي نسبة نجاحه 20%

لكن طفل الانابيب توصل 40% وفوق وفي مراكز توصل عندهم نسبة النجاح 70% على حسب المركز. هذا الكلام اللي قالوه لي الدكاتره وقريته بعد كذا مره.

الله يرزقج اختي ولا يضيع اتعبج.

 

[قمر ضاوي33]

انا لمن اسوي لقيح صناعي م اقول حق اي احد ... لا خواتي ولا امي ولا خالتي محد يدري ... اصلاً ما له داعي يدرون اكيد امك تحاتي ...


الأفضل محد يدري ...


حتى مراجعاتي بالدوام يدرون اني اراجع بس محد يتجرأ يسأل ليش؟؟؟


من خبرتي اول ما سويت تلقيح صناعي ما بقى احد ما درى خالتي وحمواتي وخواتي ورفيجاتي ... وانا عليمية اصلاً ما اعرف شنو التلقيح وتعالي عاد سمعي التحليلات والتحبط ... الي تكسرين خاطره ويقول وي مسكينة ما حملت ... وال ينطر دورتك ها يت ولا لأ ..احبااااااااااااااااااط

لا والسالفة البايخة الي صارت لي اني وانا اعالج اختي يالها التهاب من اللولب وشالته وقامت تاخذ ابر مضاد قوية وانا ويايها نروح المستوصف اهي تاخذ ابر المضاد وانا ابر التنشيط ...

انا ما حملت فشلت العملية واهي تبارك ارحمن حملت حتى الدكتور مستغرب اشلون احملت بالإلتهاب القوي الي عندها ... وخاف على الجنين من التشوه وقال لها الله يستر والحمد لله يابن نبت سليمة ...

تخيلي تعبي النفسي وضغط الناس ونظرة العطف ان وعليه اهي الي تبير العيال ما حملت واختها حملت ... وااااااااااااااااااي ما تتخيلين


حبيبتي لا تقولين حق احد ... استعيني بقضاء حوائجك بالكتمان ...

بالتوفيق ان شاء الله

 

[رماديه]

bnt_kwt

التلقيح الصناعي مثل ما قالت الاخت Amory نسبة نجاحه 20% وطفل الانابيب 40% وفي مراكز توصل عندهم النسبة 70% على حسب المركز طبعا.

وأولا وآخرا كل شي بيد الله سواء تلقيح والا غيره

 

[شوق ومها]

مع كلام اختي شمه والله يجزيكم كل الخير

 

[blakdalia]

حبيبتي أنا أول مره سويت تلقيح صناعي قلت حق كل اللي أعرفهم
ولمن فشلت صرت لمن أسوي تلقيح ماعلم حتى أمي وخواتي

 

[^DanaH^]

اختي رماديه اصحح معلوماتج .... التلقيح المجهري نسبته 25-30% ماتعدا هالنسبه واللي يقولج اكثر من جذيه يبيع لج كلام هذا وفق لدراسات واحصائيات .... يعني من بين 4 اناث يسون لهم عملية حقن مجهري وحدة تحمل ......

 

[^DanaH^]

وبالنسبه لموضوع منو اقول له ............

نصيحه ....... لاتقولون لحد ......... غير امج وزوجج ...... تبين موضوعج يمشي لاتقولين لحد ........ وحتى لو موضوعج مامشى وانتي مومعلمه فمحد يرد ويزيد ويعيد بالموضوع واهو مسبب لج اكتئاب ...
نصيحة من مجرب

 

[الغــ مرت ــالي]

انا مااقول الا حق امي وخواتي

مع ان ولا مره سويت لي الحين

 

[bint_looda]

احس الي تقدر تخليها بينها وبين ريلها احسن والي مضطره اتقول حق امها بس