حق مـــلــــجــــه ..... ساعدوني ترى ماعرف كوعي من بوعي

[الزين يفرض نفسه]

السلام عليكم ورحمة الله وبركاته


بنات ما عليكم امر احنا بيتنا من زمان ما عرسنا :eh_s(3):


فمانعرف شي عن سوالف العرس ولااااااا شي

البدلات رحنا الاسطوره والبوشيه ماعرف غيرهم + افترينا شويه الصالحيه وليلى غاليري ومجمع زهره ما لقيت شي ما عجبها شي

نبي شي راقي وكشخه حده

واهم شي ابي اعرف احسن الاماكن حق السوفونيرات والهدايا والكاكاوات ابي افكار يديده وغريبه

وابي افكار يديده وغريبه حق التقديم او البوفيه وجذي ... مثل نافورة الكاكاو وغيرها ولا قديمه ؟؟؟ واشيا ثانيه مادري ماعرف شنو عندكم قولولي

واماكن حلو قهوه حلوه سواء بيوت ولا محلات

عطوني ارقام وعناوين بلييييييززززز واسعار كل شي قولولي سعره


ناطره ردودكم الحلوه اللي تبرد القلب ياااارب :eh_s(6)::eh_s(22):

 

[الزين يفرض نفسه]

محل الدزه والبرجوازي واديبا المحبوب وين اماكنهم ؟؟؟؟


وشلون بدلاتهم ؟؟ على مستوى البوشيه مثلا ؟؟؟؟

 

[" أضـــــوى "]

مبـــــــــــــــــــــــــــــــــروك يالغلا









انا بحاول اساعدج وكل ماذكرت شي بقولج





بالنسبه للبدله ارقى شي (الفاتنه) بزهره

وفي محل بليلى جاليري يمدحووووووووووووووونه حيل
يقولون تختارين بدله بكتالوج وياخذون مقاساتج ويرسلونها لمصمم لبناني وتوصل بعد اسبوعين تقريبا
يقولون نفس استايل ايلي صعب



وبخصوص الكاكاو ارقى محل (اوبرا)

واذا ذكرت شي بقولج ...اسمحيلي عالقصور

 

[" أضـــــوى "]

نسيت اقــــــــــــــــــولج

تسريحتج سويها عند صالون لامود باليرموك عند راضيه=>>> رهيييييييييييب

ومكياجج عند منيره الفرج ..تخليج جمييييييييييييييييييله بدون ماتلطخ الوان..يعني تلعب بالملامح وترسمها والوانها راقيه...

 

[ماريمار]

الله يهنيكم يارب

شوفي انا من اللي اشوفه افضل اماكن حق الحلو وذرب وكشخه امبررس واوبرا بس امبرس احلى وذايب ورززززززه وهم عندهم الفطاير الصغار فنتق وحلو

وبالنسبه حق اديبا المحبوب اتينن انا شايفه نفنوف عرس بنت عمي وااااااااااااااااااااااااااااد ذرب ورزه وناعم حيل

اما الباجي والله ماعندي فكره
والككاو عندج باتشي او لاكادو اللي ببنيد القار يم فندق كويت كونتينانتال

وفيه محل ككاو حيل يمدحونه جبال مجمع بيروت يم باتشي حولي فيه محل ككاو مادري شسمه

واتمنى افدج بشي

 

[ريفيل]

اذا تقصدين البدله البيضة امس رحت عند عواطف الحاي .. هيا الحوطي .. ناديه بوشهري موووووووووووووووشي

 

[كاكاوة سايحة]

شوفي آنا ما تزوجت بس رايي من راي أضوى و ماريمار.. حق نفنوف الملجة أحلا شي عندج الفاتنة و بعد عندج المحلات بمجمع الثريا صج إنها ماركات و غالية بس صدقيني سعرها فيها و تطلع زهوتج حتى العثمان و الله ساعات إييب بدلات حلوة
أما البوشية بصراحة ما أشوف إن عندهم شي زاهي حق الملجة ....غلا على الفاضي و البدلة بالإنترنت تلقينها بنص السعر

حق التوزيعات مثل ما قالت ماريمار آنا أشوف إن تقديم إمبرس وايد حلو .... وصج مثل ما قالت أضوى أوبرا كاكاوهم و حلوياتهم وايد راقية بس آنا أقول خليه حق العرس أكشخ لأن الملجة عادة تكون محفوفة و بين الاهل
...فإخذي لج من باتشي أو لاكادو ..وفي محل بعد وايد حلو الكاكاو ماله إذا تعرفينه إسمه ريبيل....الكاكاو مالهم لذيذ و تغليفة وايد نزاكة محلهم بالجابرية
عن التسريحة و المكياج والله وايد أسمع عن منيرة الفرج إن مكياجها وايد راقي بس ما قط مرة آنا جربته فإذا بتسوين مكياج عندها يتراوالي أسهل لج إنج تسوين بعد التسريحة عندها بعد مرة وحدة ...آنا مرة شفت عروس مسوية تسريحة بصالون منيرة الفرج وااااااااااااااااايد حلوة

البوفيهات عندج موفينبيك يمدحونه ....عندج (الشيراتون أو الماريوت أو لانوتر)
أو دام إن بس ملجة ييبي السلطات والحلو من فندق و الحار سووه إنتوا شغل بيت

الكوشه خليها بسيطة و إخذي بوكيهات الورد من محل بوكيه أو نيكولاس

و الله يوفقج ويتمم عليج إن شاء الله

 

[الزين يفرض نفسه]

مشكورين حبايب قلبي تسلمون

والله ما قصرتوا

بالنسبه حق اوبرا انا ودي اغير لان العايله ما شاءالله كل ما رحنا عروسهم دايما ايبون من اوبرا وتجهزي ملجات بنات خالاتي وخوالي كله اوبرا فودي نغير شي حلو وراقي

ونيكولاس قلت حق امي عنه تقولي خليه حق العرس مدام الملجه بالبيت ومحفوفه مو لازم فمادري شسوي بالكوشه ؟؟؟؟ اخليها حلوه وبسيه ولا بس كراسي وورد ؟؟؟

وبالنسبه للفاتنه رحتله ما عندها شي كله بدلات سهره قلتلها ابي لون اخضر اطلعلي اشيا بيسطه وناعمه وما تصلح جنها بدلات سهره

ومشكورين بانتظار المزيد منكم



ادعوولي الله يتمم علي

 

[الزين يفرض نفسه]

البدله قررت على وحده من الاسطوره معنها غاليه وسعرها مو مبين فيها بس تعبت وانا ادور وابي اشوف الكاكاوات والسوفونيرات بس خلاص عطيت البدله وقتها من التدور وخلصت المجمعات كلها

المهم


الحين الكاكاوات ...... امي راحت باتشي بس طلت على السريع ما شافت شي
يعني يصير طلب خاص حق الموديلات للملجات ؟ ولا بس الموجود ناخذه ونغير الالوان ؟

رحت كافاريل مافيه تنويع .... لاكادو مادري محد ياخذ منه حق الحفلات احسه مو برقي الباجي ... اما اوبرا فبروحله باجر حق حلو القهوه يعني يكون عندهم كاكاو وسوفونيرات ؟؟؟


والكوشه ليلحين مادري شسوي بالكوشه الملجه في بيت يدي وصالتنا وسيعه بس الاهل وايد واخاف مع الكوشه والكراسي مايصير حتى مكان للرقص والشسمه



وووووو .... مادري اقولكم بعدين مليت وانا افكر بروح اتعشى يوعاااااانه

 

[yam_yam]

مكياج منيرة الفرج بدون تفكير و تسريحة راضية

أما البدل عندج البوشية مو شي ماحب ستايلهم
شوفي الفاتنة و الاسطورة و اذا حبيتي أنا عندي بدل ناعمة و جدا حلوة اذا تبين تشترين أو تأجرين
و اذا حبيتي الكاكاو أسوي لج اللون اللي تبينه مع صواني الحلو و العلب كله لون واحد
و اذا تحبين اتصلي علينا

تحياتي

 

[الزين يفرض نفسه]

انزين عطوني رقم منيره الفررررررررررررج بليييييز الله يخليكم

يقولون مواعديها مو شي .... شنو يعني زحمه ولا تتاخر عليج ؟


يلا بدق عليها


يم يم .... شنو الانواع اللي تسوينها كاكاوات وصواني حلو؟ اقدر اجرب او اشوف ؟ يعني عندج محل ولا بيت امرج ولا تقدرين اطرشيلنا بيتنا ؟؟؟

 

[كاكاوة سايحة]

هذا رقم منيرة الفرج
6676300


لا تختبون وايد حق الملجة ...خلوا الفناتق كلها تطلع بالعرس بما أن العرس دايماً على أهل العروس.
بصراحة آنا ما قط مرة رحت ملجة وزعوا فيها بمبونيرات و سيفونيرات لأن الملجة محفوفة ...أصلا حتى ألحين بالعروس إلي كلش كلش باااااااااااااااااااذخة ماوزعوا سيفونيرات...خليج على كاكاو مغلف تغليفة حلوة و نازكة وخلاص.
بالنسبة حق البدلة زين سويتي ...لا تترددين إذا لقيتي بدلة حلوة ولا تتعسرين لا تتعبين و تضيعين وقتج على الفاضي.

بالنسبة للكوشة بصراحة آنا بالنسبة لي رتبوا لكم إنتوا مكان بالبيت و حطوا فيه بوكيهات ورد و ماله داعي للكوشة خاصة إنج ماراح تقعدين إلا شوية و بعدين بيي ريلج ياخذج....و إذا كلش كلش تبين كوشة ترى محل بوكية يسوي كوش وايد حلوة آنا كنت مرة قاعدة أتطمش على كاتالوج عندهم علىما سووا لي بوكية ورد ... حتى مرة وحدة سوت عنده كوشة ناعمة حق الملجة و وايد مدحت شغلهم.
ومثل ما قالت امج خلي نيكولاس حق العرس.
هذا رقم محل بوكيه إلي يم أوبرا 2414234
وهذا رقمهم إلي داخل الصالحية2418867 2418868

و الله يوفقج و يسعدج و يتمم عليج و تصير الملجة و العرس مثل ما تبون و تستانسون:eh_s(7):

 

[كاكاوة سايحة]

حبيبتي الزين دزيت لج رسالة على الخاص شوفيها

 

[الزين يفرض نفسه]

وااااااااااااااي فديتج كاكاوه صايحه << لووووووووووووووووووووووووووووووووووووووووووووووووووووووووووووووووووووووووووووول البدليه ماني معدلتها عجبتني لووووووووووووول



ايييييييييييييييي محل الورد رحتله مره شريت بوكيه ورد بس ماشفت البوم الصور


ان شاء الله اذا رحت اوبرا << مردي له مالي غيره الله يخليه ذخر لنا

بمر عليه واشوف البوم الصور


ومشكوره اقين افدتيني وايد


بس ليلحين محد قالي عن الدزه والبرجوازي ؟ خالتي تقول هذيله خياييط ؟؟؟


بس مالي خلق خلاص حجزت اللي بالبوشيه


بقى حلويات القهوه ابي طعم حلو وشكل مرتب


اي وصلتني رسالتج الخاصه ودزيت رساله حق اختج ابي اذوق واجرب الحلويات

 

[بنات حواء2]

لا تحاتين معاج اختج بنات حواء ماراح تضيعين بنسبه حق حلو القهوه و بنسبه حق بضاعه ارخيصه و كلها ماركات راح اساعدج فيها وايد بس تواصلي معاي على ايميلي لأني أعرف وايد ناس يبيعون حلو قهوه حلو وو حده منهم انا راح يعجبج متأكده و زوري موضوع زيارة مهمه للعروسه راح تستفيدين اكثر تواصلي معاي على ايميلي
[email protected]

 

[@Miss Dio@]

حبوبه في محل بالبستان فوق شغلهم من ايطاليا وايد راقي انا من زمان شايفته بس حلو وايد
وبعد جنا البدر ممكن تحصلين عندها حق الملجه اذا بالبيت فرنسي وايطالي مميز بس ان شاء الله منزله يطيرون بسرعه
وحق الحلو والتوزيعات روحي سلفرينا اللي بالسالميه عند السجاد الايراني وقولي لهم ابي حق حفله اشياء مميزه وافكار ومو مهم عندي السعر عشان اتطلع اللي عندها
واذا تبين كوشه حق حفله بيت شئ بسيط سعره مناسب روحي دايموند فلا ور في السالميه عند عياده بوحمرا روحي السرداب تفاهمي مع الهندي مال الكوش
هذا اللي يحضرني
اي نسيت حلو تيستي لا يطوفج

 

[الجــادل]

انا توني جهزت حفله تخرج اخوي فمعلوماتي فريش



البدله ارقا شي الاسطوره والفاتنه واس ستايل اللي بزهره هم تلقين عنده مرات


الحلو امبرس عجبني بس دارج ححيللل عند اهلنا واوبرا حلو القهوه احسن يسحن الجبد وفاطمه الروضان مو منزله شي جديد كله قديم فحجزت من محل قبال امبرس اسمه لا روا عجييييب وكل من جانا سال عنه

صواني الحلو اخذتهم من الدريعي خشب ارابيسك ونازل منه الكريستال كلبته يصبغه لي سلفر لان انا اخترت ديكور الحفله اورنج مع سلفر

بالنسبه للسوفينيرات انا سويتهم بحفله اخوي بس لانها كانت كبيره وبالهلتون لكن لو حفله في بيت ماله داعي عندج ريبيل وباتشي شغلهم حلو

وعندنا بالمنتدى شغل احلى الجياكر وساره ستايل حلو حيل يسوون لج شي على ذوقج

بالنسبه للمكياج انا وخواتي وامي حجزنا جيزيل مكياج وتجي معاها رفيجتها حق الشعر بس المكياج حيييل روووعه تبرز ملامحج من غير تلطخ وسوالف زري وسيرك


بالنسبه للورد انا حجزت عند زهور سلطان بحولي بوكيه كبير وبوكيهين وسط و19 سنتر بيس كلف على 350 دينار بس شغل حلو وراقي

واللي احلااا منه الدريعي يعطيج افكار ويصمم لج الحفله من الى

بس انا ما حجزته لان الحفله كانت حفله تخرج مو عرس فما تسوى الخساير خصوصا الفندق قطينا عليه ميزانيه معتبره

وبالنسبه للديجي حجزنا البدر عجييييييييب وراقي طلبت الاغاني كلها تكون للقصار والردهان والطراروه ما بغيت سوالف الهشك بشك واغاني الكواوله مالت خلييجيه و نجوم

شنو بعد خلني اتذكر

الحمام سويت فيه ديكور حطيت كريستالات شفافه واورنج وشموع على شكل ورق شجر لونها اورنج وكلينكسات اورنج

نفس اللي على طاوله المدخل وطاوله صواني الحلو

وحفلتنا كانت طاولات فحطيت قدام كل صحن عالطاوله علبه اوف وايت على شريطه اوف وايت وكريستاله اورنج ومكتوب بالفضه مبروك التخرج وداخلها بيض الصعو ومكسرات

وعموما اي استفستار انا بالخدمه لا يردج الا كيبورج

 

[الجــادل]

اي نسيت امدح لج اللي تسوي التسريحات انا كنت خايفه منها بس طلعت رووووعه

سيشوارها يعجيب يبين الشعر كثيف وبفاتها وتسريحاتها روووعه

 

[^^ام ميمي^^]

اذا تبين فستاااان لملجتج ترى عندي وراااقي حيل في عندي واحد لونه ذهبي يصلح لمجة او صباحية عروووس وفي اذا يبون خواتج واي شي تامرين فيه انا حاظره تواصلي معاي على الخاص ..

 

[الزين يفرض نفسه]

واي افتر راسي كل وحده تقول الزود عندي مادري اكلم منو ولا منو

خلاص قررت على البدله والكاكاو من سلفرينا بالصدفه يالجادل طلعت خالتي تعرفه ويايبه منه الكويت صغيره ههههههه

وشنوووووو بعد ؟!!!!

الكوشه اليوم اتفقنا مع واحد بيي بيتنا بيشوف الصاله بس مادري منو هذا من خالتي تعرفه

وبدلات خواتي وامي خلصوا

المكياج عند زهراء القاسم شرايكم فيها ؟؟؟؟؟؟ ولا اروح الشيراتون ؟؟؟؟