حقوق الحيوان في الكويت - الى من يهمه الامر !!

[jawaa]

حبيبتي انا مستعده اكون اول وحده باي شي يخص هالموضوع الحيوانات قطعه مني ووايد يعورون قلبي ومارضى عليهم وعلى فكره انا موظفه بوزارة الاعلام ومستعده اسوي فكرة برنامج اذاعي عن هالموضوع او حتى تلفزيوني اذا في احد حاب يطوع ويبلش كلموني عاخاص وممكن نجتمع ونتفق على الخير وهذا مو مجرد كلام وانا من صغري قلت ودي اصير بيطريه او اشتغل بمكان في محافظة على حقوق الحيوان بس للاسف هالشي موموجود ومحتاج ماده او قروب حتى لو نسوي مشروع تبرعات من الناس ونسوي شي لان جد عندنا ناس متخلفه متحجره القلب يلعبون بالحيوان جنه جماد ولا شي له احساس لاحول الله شي يعور والله وانا دايمن لما اشوف يهال ياذون القطاوه ازفهم او اكلمهم اقولهم حرام الله بيعاقبكم على هذا واااي شقول شخلي انا مرات اروح مركز سلطان اشتري علب اكل وماي واروح واجهات البحر وايمعهم حولي واوكلهم على مدى البحر والله شكلهم يعور القلب والناس اطالعني مستغربين والله لو اقط ماوراي ودوني لو دينار عندي وشفت قطوه اركظ البقاله اشتري علب لحم وحليب احطه لهم يريت تهتمون بالموظوع وصج نسوي شي

 

[Le-Touch]

حبايبي ووالله استانست وايد من ردودكم والحمدالله ان للحين في ناس بقلوبها رحمه على هالمخلوقات البريئة

بنات انا حاليا عندي 3 اشخاص بالتيم مالي واحنا كلنا من جامعة الخليج باجر اول يوم رمضان راح انسوي قروب بالفيس بوك وتويتر
بليز سجلو فيه وراح نحط اعلان ان نبي متطوعين,, فكرتنا نبي نسوي ندوات وتوعيه للناس عن حقوق الحيوان


وبليز الي تعرف شلون نقدر نوصل حق الشيخ محمد العوضي او نبيل العوضي بلييييييييييز تراسلني عالخاص ظروري

 

[أحلى البشر]

جزاج الله خير شي طيب

 

[Qـويتية]

اي والله يبيلنا غروبات جذي وتجمعات والله حرام بنات كله في ميزان حسناتكم وحرام هالمساكين المحذوفين في الشارع يالله بنات حبايبي وأنا انشالله أطبع بعد بوسترات وكروت وبروشورات يارب الناس تفتح مخها على هالأشياء وهالمساكين، جزاج الله ألف خير Le-Touch​

 

[jawaa]

وينكم بنات شصار معاكم

 

[Le-Touch]

هلا حبوبة, حاليا شغاله مع 3 اشخاص
عشان نحط الاساسيات

وان شاءالله خلال هالاسبوع رح نفتح قروب الفيس بوك وتويتر وراح يكون عندنا تشانل على اليوتيوب

 

[tnkora]

اقسم بالله حراام

ليش ما ناخذ. هذولي الي يعذبوون الحيواان. ونسوي فيهم. مثل. ماا

يسوون. ودي. اسوي فيهم. علشاان. بس يحسوون ان. هذي. يحس يا مالهم الحسه ههههه

 

[batooly]

اي والله صح السانج ^^

عيل انا مرة رايحة بيت خالتي ., و لا اسمع صوت قطاوة تصارخ ., اقول ياربي شنو هذا >.<
جان بنت خالتي تقول انه جيرانهم بعض المرات يصيدون قطاوة بالشارع و يروحون يقطونهاا من السطح !! الدووور الثااالث تخيلي
صج انهم جهله

قهر

ماكو بالكويت ملجأ حيوانات ؟
انا جني مرة سامعة انه مرة افتحوا

تانكورا< اخييييه ليش تذكريني :"(

 

[Dare to challenge]

مشكوووره حبيبتي وما قصرتي وهذا يدل على رحمتج وعطفج واحساسج
بس بالنسبه لعيد الاضحى ليش مجازر اكيد مره ينذبح وفيه دم اكيد مجره ولا شنو قصدج ؟
بالعكس اول ما يبدون بذبح الخروف علطول يموت وياخذ وقت شووي على ما تطلع الروح والله اعلم وشي طبيعي
وحتى الفريج القطاوه اصلا حتى لو واحد مو مهتم بالقطاو اصلا يخاف بالفريج في يهال في أوادم
انا مره اسووق بالفريج امشي شوي شوي بس القطووه ثووله بعض مرات لوووووووووول والله تلعب علينا تروح وترجع متردده تعبر ولا لأ بالله شسوي لها كل مره انطرهم
ههههههه
واشكرج على احساسج الحلوووه والمرهف بالحيواان
بميزان حسناتج يارب

 

[سارونات]

اب اب

 

[سارونات]

هاج لقيتيلج صفحت الشيخ نبيل العوضي بالفيس
http://ar-ar.facebook.com/people/نبيل-علي-العوضي/100001268794703

 

[Fruitya]

مساااااااااااكين يكسرون الخاطر صج حسبي الله على الناس الظالمه اللي ماعندها رحمه خصوصا بالقطاوه ................ لو قدرت في السمتقبل راح اسوي جمعية لحماية القطاوه