حقن البوتكس (علاج مشكلة تعرق الابط واليد)

[** الحب كله **]

مشاركة: حقن البوتكس (علاج مشكلة تعرق الابط واليد)

يعني زين لي شهر 5 الياي نسويي البوتكس وانشالله تكون مدتها اكثر من 6 شهور

 

[** الحب كله **]

مشاركة: حقن البوتكس (علاج مشكلة تعرق الابط واليد)

اخت ترتر ما تحسين ان زاد التعرق بمناطق ثانيه او التبول زاد عندج

 

[دكتوراة بالذوق]

...للرفع

 

[روزالكويت]

معقوله اخاف يزيد العرق بالبطن والظهر الريول
امبيه هنى شنسوى؟؟؟؟؟؟

 

[supermarket]

ياريت اللي غزتهم تقولنا عن تجربتها

نسبة العرق خف كليا ولا نسبيا

ومازاد التعرق باماكن ثانية؟؟

ومنو احسن دكتور جربتوا عنده

 

[يارب ارحمني]

اي والله ياليت اللي جربوا يقولون لنا تجربتهم بعد مرور فتره من قز الابر

 

[روزالكويت]

بنات اللي قزوا من قبل ابرة البوتكس بشروا انشالله احسن وشنو صار على كثرةالبول مكرم القارئ والعرق بمناطق ثانيه عندكم عفيه فيدونا يزاكم الله خير..

 

[روزالكويت]

:eh_s(13):

 

[Mi$$ Parby]

نفس السؤال؟؟؟؟؟؟

 

[تعب-قلبي]

نفس السؤال

 

[دكتوراة بالذوق]

للرفع

 

[nandeny]

وربي ماخلو شي هالاطباء انا اعاني من تعرق ماي طبعا والحمدلله ماكو ريحه ماخليت شي ماجربته وماكو فايده بس اخذ ابر البوتكس مادري ماطرى علي !!!! شكلي بسويها بس لازم استفسر عنها اخاف فيها خطوره

 

[موزة ام فارس]

بنات انا ودي اسوي البوتكس
بس اخاف من عوار الابرة
العيادات الخاصة تحط بنج موضعي قبل العملية والا انتي وحظج ؟؟
فكرت اسويها بالمواساة لأنهم اقرب واضمن لي من اي عيادة ثانية
بس ماني عارفة تقريبا جم تكلفتها حاليا ؟؟؟؟

اللي عنده فكرة عن السعر وعن د هشام لطفي الخطيب يعلمني عفية
اشلون تعاملة مع المرضى وايده خفيفة والا لا
ويفضل عيادة فيها " امرأة " يكون احسن بعد

 

[أم حمد =)]

انا اخوي مسويها بالهادي عند اسامه سرور واستفاد .. بس ترا اهي ماتمنع العرق 100% لا جذي بتكون خطيره ..

يعني اكيد اذا سويتي رياضه بيطلع عرق ..

ويختلف من شخص لشخص يعني في ناس مفعولها يقعد اسابيع وفيه ناس شهور وفيه ناس سنه سنتين ..

انا ودي اسويها حق ايدي وايد تعرق بس شوي اصعب من الابط .. الابط تحطين كريم ايملا وبعدين يغزونج الابره .. اما الايد ماينفع كريم لازم اروح غرفة التخدير يغزوني 3 4 ابر بإيدي علشان تتخدر بعدين انطر ويغزوني ابر البوتكس .. بصراحه ترددت لما قالي جذي حسيت الابط اسهل ..

 

[موزة ام فارس]

اختي ام حمد ماتدرين تقرييبا تكلفة البوتكس جم يسوونها ؟؟؟

 

[bbleu]

ابببب بناات انااا مفكره اسويييهاا الي سوتها عندي سؤال العرق ويين يرووح ؟؟؟ شنو يصيرله يتخزن ولا يطلع بمنطقه ثاانيه ؟؟ ويين احسن عياده وجم الاسعاار بلييييييييييييز

 

[موزة ام فارس]

ابببب بناات انااا مفكره اسويييهاا الي سوتها عندي سؤال العرق ويين يرووح ؟؟؟ شنو يصيرله يتخزن ولا يطلع بمنطقه ثاانيه ؟؟ ويين احسن عياده وجم الاسعاار بلييييييييييييز

سويها وتوكلي على الله مافيها مضار ابد
وانا شخصيا رحت المواساة عند د هشام لطفي وشرح لي بالضبط عن منافعها ولا فيها اضرار
واخذ مني تقريبا 250 دينار :denya:

وصدقيني بترتاحيييييييييييييييييييييييييييييين

 

[حصووونه]

ودي اسويها وارتاح بس شحقه ماعندي مناسبات ابد بالصيف خلها للصيف الجاي

 

[angelic-.-eyes]

السلام عليكم
هاذي اول مشاركة لي والموضوع شدني وايد لاني اعاني من نفس المشكلة و الحمدلله اخذت الابر في منطقة الابط و النتيجة كانت عجيبة و الالم كان بس وقت الابر و بعدها صار الوضع عادي
و اخذت الابر من 10 شهور و للحين مفعولها مبين و مافي تعرق و اقدر البس بحرية و انصح كل وحدة تاخذ الابر لاني حاسة بالمعاناة

بس حبيت استفسر عن منطقة اليدين لان هالمنطقة عندي فيها تعرق زايد و مضايقتني وايد و حابة اخذ الابر .. اذا في اي احد اخذ ابر اليدين بلييز فيدوني وين و اي دكتور و جم التكلفة ؟ و شلون الالم معاج لان سمعت ان منطقة الكفين مؤلمة اكثر
و شكرا :**

 

[bbleu]

ويين سويتها للابط وبجم ؟؟ angelic-.-eyes