حفل الاستقبال ؟؟؟؟

[zaina]

ودي اعرف يا بنات

شنو اهوا حفل الاستقبال ...

شنو نظامه و شنو المناسبه الي سوون فيها ؟؟؟

يعني مثلا العروس الي بسوونلها حفل الاستقبال شنو المنسبه ؟؟ و شتلبس فيها العروس و في صفقه و غناوي و لالاء ؟؟و وين يسوونه

يعني عطوني وصف دقيق له لاني و لا حضرت حفل استقبال

 

[عنابه]

مشاركة: حفل الاستقبال ؟؟؟؟

عروس يسون لها حفل أستقبال أعتقد قصدج برد عرسها مثل مانقول يعني يكون بعد عرسها باسبوع عشى للعروس في بيت اهلها في ناس يحطون طقطقه ورقص وفي ناس بس عشى , وطبعا المفروض تكون العروس أكثر وحده كاشخه يعني تكون متمكيجه بالصالون وتكون كاشخه ببدله غاليه وغريبه يعني تكون مميزه الخ ...

 

[zaina]

مشاركة: حفل الاستقبال ؟؟؟؟

مشكورة عنابه عالرد

و و ين باجي الاعضاء يا كافي بس وحده ردت ؟؟

 

[طوق البنفسج]

مشاركة: حفل الاستقبال ؟؟؟؟

اختي الحين صار في نوعين الاستقبال واحد انه العروس تملج و تسافر من غير حفله او تسوي حفله بسيطه جدا اهلها و اهلا وتسافر ولما ترجع اتسوي استقبال ويكون فيه بس بوفيه عشى هذا الي انا اشوفه عندنا

النوع الثاني الحين هبه يديده انه الوحده اتقولج استقبال بس ترى بدلات سهره و اكو زفه حق العروس و ديجي وكوشه و كل شي بس الاختلاف الوحيد انه المعرس مايدخل يعني العروس بروحها تدخل و بروحها تطلع هذا الي انا اعرفه انشالله البنات يفيدونا

 

[jolie_q8]

مشاركة: حفل الاستقبال ؟؟؟؟

بالنسبه للاستقبال

يعني العزيمه اللي يباركون للعروس على زواجها

ويكون طبعا بعد العرس بشهر تقريبا..بعد ما ترد من شهر العسل

وطبعا تسوي فيه بوفيه (اما بوفيه... سلطات ومعجنات ومقبلات ..مع حلويات خفيفه .. وجاي وقهوه وعصيرات )

وبالنسبه للبوفيه هذا .... يكون مفتوح طول الاستقبال اللي يعني المعازيم يدشون يباركون للعروس واهلها ويقدمون لها الهديه ...ويقعدون شويه.. ويقومون للبوفيه .. ويطلعون يعني قعدتهم ما اتعدى الساعه على اكثر تقدير << وهذا الدارج

والبوفيه الثاني يكون عباره عن عشاء كامل من سلطات ومقبلات واطباق رئيسيه ... ويفتحونه وقت العشاء مع بعض

والهدف من الاستقبال ..علشان يباركون للعروس ويعطونها هديه العرس

انشالله اوضحت الفكره

 

[توتة]

مشاركة: حفل الاستقبال ؟؟؟؟

هاى زينة حبيبتى حفل الاستقبال اهى حق العروس الى توها رادة من شهر العسل او حق الوحدة الوالدة الى توها طالعة من الاربعين تكون كاشخة ورايحة صالون عشان يباركون لها الناس ابعرسها او ولادتها وتكون فيها اهلها ورفيجاتها ويكون بوفية خفيف سلطات معجنات وحلويات وجاى وقهوة وعصاير وبس وانشاء اللة اوصلت لج المعلومة عن موضوع الاستقبال وانشاء اللة تسوين استقبال عرسج واللة يوفقج ويوفق بنات المنتدى

 

[HASB_83]

مشاركة: حفل الاستقبال ؟؟؟؟

مشاءالله ماقصروا البناات
وانا اشووف فكره الاستقبال واايد حلوه
يعني اذا كان العرس محفوف وموعازمين ناس وايد
تقدرين بعد العرس او عقب ماترد العروس من شهر العسل تسوي استقبال مثل ماقالوا البنات
واهني الكل ايي اهل العروس واهل المعرس....... والصراحه انا حابه هالفكره ههه

 

[الصابره]

مشاركة: حفل الاستقبال ؟؟؟؟

حفل الاستقبال الناس يسوونه علشان يرتاحون من كثرة الزيارات من المباركين للعروس بعد العرس علشان اييبون هدايا للعروس ...... فبدال لا كليوم العروس تكشخ وايونلها ناس غير وهالناس ماراح يخلصون ....فإتسوي حفل استقبال علشان كل معارفها ايونها مره وحده ويباركونلها ويعطونها هداياهم وبس.

وطبعا حفلات الاستقبالات انواع في منها البسيط يعني العروس كاشخه ببدله عاديه مو وايد خبه ومكياج عادي وبدون طقطقه ولا شي وبوفيه موالح مع حلو وبس.

في نوع ثاني يكون حق عروس معرسها مو راضي يدخل العرس فإتسوي حفة مثل العرس بالضبط بس من غير معرس وتلبس اللي تبي حتى لو تبي ابيض مع طرحه عادي والا اي بدله خبه مالت عروس .

النوع الثالث وحده توها والده اتسوي استقبال بالمستشفى ثاني يوم من ولادتها طبعا تحجز جناح امبراطوري والا ملكي فاخر وتكشخ بالغميص والكفر ويحطون انواع من الحلو والكاكاو والموالح.

في استقبال يسوونه بعد الاربعين في ناس يسوون طقطقه ابفندق والا ابصاله والا في البيت وفي ناس يسوونه بدون طقطقه عادي.

في استقبال يسوونه للي يايين من الحج.

 

[شهدQ]

مشاركة: حفل الاستقبال ؟؟؟؟

اعتقد البنات كفو ووفو وانا افضل ان العروس بالاستقبال تلبس بدله فنتك وفخمه جدا بس ماتكون بدلة سهررره واحب تتفنتك بصبغة الشعر والقصه لاني ماافضل التسريحات