حفلة التخرج .. الفاشله جدا جدا

[باونتى]

بنات .. تسلمووون لى على المرور .. وأخذوا العظه والعبره من سالفتى وأحسنوا الاختيار حق عيالكم ولا تغركم أشكال الحضانات وبهرجتها .. وبعدين فى شغله مهمه واااايد اذا بتسجلون عيالكم فى الحضانه لازم تشوفون المدرسات لان انا بصراحه يوم الحفله لمن شفت المدرسات انصدمت !!! قلت هذولى يدرسون اليهال !!!! ووحده من المدرسات كان لسانها شطوووله حتى السكرتيره قالت لى اليوم ان كل أولياء الامور اشتكوا عليها لقلة أدبها ... عشان جذى أقول لكم قبل لاتسجلون عيالكم شوفوا الحضانه عدل وقعدوا مع المدرسات عشان تعرفون عند منو بتخلووون عيالكم ..

 

[الامييره]

مشكورة اختي على هالموضوع فدتينا والله يعينج اصلا حفلة التخرج اهم شي بحياة عيالنا وحفلتهم بالحضانة والروضة هي اروع لحظات حياتهم اذكر حفلة بنتي السنة اللي طافت صج لويا مو كنت اعارفه شنو اشتري وشكثر كنت فرحانه والحمد لله الله تمم فرحتي وكانت حفلة روعه صج كانت بسرداب حضانتهم بس كانت الادارة والابلات عسل ومسوين شغل روعه الله يعينج وانشاء الله الله يعوضها لج بالروضة

 

[{aqua}]

وولدى المسكين اول ما شافنى قال ماما انا يوعان وريولى تعورنى ..

واااي عورني قلبي على هالجمله اسم الله عليه

 

[داريني]

وي علي حفله ولدي اهووون

بس ولدي تعب واستمرض ما سوت عليه

ساعه 2 الظهر وديته الحضانه
واهم كانو بودونهم المسرح
والحفله قالو بتبدي ساعه 4 وتخلص ساعه 8
انا قلت جنه وايد شدعووه جم فقره بيسوون ويهال اكيد بيتعبووون

وصج تعبووو واخر شي ولدي قام يبجي بالمسرح يقولي ماما ريولي تعورني بطني يعورني
وكان وقت التكريم عشتووو
قلت خلاص ما يسوى باخذه ولا لما اشوفه ولا خشمه يصبصب و ويها محقون احمر وله ريحه مو طبيعيه
جان تقولي ابله عفيه خليه الحين بينادونه
وعقب ما نادوه ابووه خذاه ولا ولدي ضوووووو حراره وريحه بلاعيمه
والله وديته ما فيه شي شحليله وحتى لما طلعت فقرته ردح ردحه ومستانس

حقله كانت طويله وكل فقره بينهم ربع ساعه
وكانو حاطين عرض بروجكتر وصور مو واضحه كلش
واخر شي اولياء امور سوو فوضى يقوفون عند المسرح جنهم اول مره يشوفون عيالهم

بعدهاااااااا قلت تووووووووووبه بالحضانه اشرك احد من عيالي بتخرج

صج مبلغ كان معقول12 دينار بس

 

[زيـنـه]

ليش ياخذون فلوس حق تخرج اليهال ؟
بعد من ضمن الرسوم .. كافي اللي يكونون ماخذينه .

الحمدلله حفله تخرج ولدي في روضته شزينها و مرتبه و مستواها حلو .

و باونتي .. الحمدلله على جذي .. و شكرا على التنبيه .

 

[3nona]

بنات .. اليوم دقوا على الحضانه وقالوا تعالى استلمى الشيك .. ورحت وخذيت روب ولدى عشان أرجعه .. وقعدت مع السكرتيره .. تقول كل اولياء الامور يتهاوشون معاى وانا مالى ذنب .. صج عاد اهي مالها ذنب المسكينه بس لانها بالوجه .. وقالت لى ان الاداره حجزت الكراسى قبل الحفله بيوم وما كان فى استعداد للحفله .. بعدين عطتنى شهاده ولدى وهديه من المديره كنوع من الاعتذار على اللى صار ..

زين الحمدالله ردوا فلوسج :ggdw::ggdw:
ان شاء الله حفل تخرج الروضه يطلع اسنع وعقبال تخرج الجامعه :tek:

 

[3nona]

دارينى

سلامته دارينى مايشوف شر حبيبتى :tek:

 

[داريني]

صراحه ما يسوى يسون كل هالخبه
لو مسوين حفله بسيطه حق اليهال مثلا يايبين شخصيات ودي جي ورسم على وجوه ومسابقات

وقبلها بفتره يلبسونهم روب ويصورنهم وخلاااص

 

[الكادي 1981]

أستغفـــر لله