حفلة الباربيكيو بالصور (شكر خاص لـ nero )

[اوركيدا]

السلام عليكم ..

شلووووووونكم ..
اول شي حبيت اشكر Nero بعد عمري ..
اللي صج اخجلتني بكرمها .. او تشرفت بمعرفتها ولو لدقائق قليله ..
مع انها ماتعرفني ولابيني وبينها اي احتكاك بأي شكل من الاشكال ..
وصيتها على 30 حبة من البيبسي اللي بالعلب لصغيره ..
وبعد عمري يابت لي 5 كوارتين!!
مشكووووووووووره بعد عمري .. انعم الله عليج .. ونردها لج ان شاءلله فالافراح ..

او حبيت اشكر بعد .. كل البنات اللي دخلو على موضوعي وعطوني نصايحهم القيمه ..

محتاجتكم .. لحفلة باربيكيو ..

يزاكم الله خير ..
كل البنات استانسو الحمدلله .. وماطلعو الا اخر الليل ..
وكل شي نصحتوني فيه كان عجيب ..
فالبدايه لما بتدو البنات يوصلون كنا قاعدين بالشاليه ..
طبقت فكرة حبيبتي بطااطي

سوي فوندو بيصير ضغط عليه و وزعي ناتشوز بعد

كنت طالبه من مطعم يرتبون لي كل شي .. ويروحون ونقعد احنا نشوي ..
والحمدلله كلشي مشى تمام ..

هذي الحلاوه اللي سويتها وطريقتها بهالموضوع ..

محتاجتكم .. لحفلة باربيكيو ..

تعمدت اسوي شي يناسب الحديقه ..

المهم دلوعة زوجها بعد عمري ماقصرت عطتني طريقة عصير عجيب ..
هذي طريقته . .
عصير الليمون والنعناع نفس طريقة كافيه بلان المرينا بالضبط.


وهذي صورته لكني شلت من الخلطه النعناع .. مااحبه او ماء الزهر سوى طعم مميز مع الليمون و كان عجييييييب

وجيبي اسياخ خشب صغار وحطي فيهم طماط بيبي صغار وفلفل الوان مقطع مربعات وجبن كرافت العلبه الحديد بطليها وقصصي الجبن مربعات صغار وخليهم بصحن فوق بعض شكلهم روعه والكل يحب الفلفل الملون والطماط والجبن
وتقدرين تسوين عصير ليمون ونعناع المثلج مع ماي الورد واذا تبين راح احط طريقته بقسم العصائر
ولاتنسين تحطين مسجله صغيره وتشغلين فيروز راح تعطيكم جوو حلوو جنكم بمطعم

حطيت المسجله وصج سوت جو حلو ..
وهذي صورة الاسياخ ..

ام خالد سويت الحلو اللي على بلو بيري .. طلع عجيــــــــــــــــــــــــب بس للأسف مع اللويه نسيت اصوره صوره واضحه ومالقيت له غير صورة الصحن بعد ماقضو البنات على ثلاثة ارباعه .. وحبيت اشكرج وايد صج لذيذ ..

وفالليل برد الجو واااااااااااايد فختمناها بجاي حليب

وفالنهايه هذي صوره حق كل شي ..

نيرو بعد عمري مشكوره مره ثانيه .. :e3:

 

[فطووومة]

عليكم بالعافية حبيبتي

ومع اني ما شفت الموضوعات السابقة لكني استمتعت بقراءتها مع هذا الموضوع

ويعطيم العافية البنات ما قصروا

وبالافراح ان شالله

 

[بنت من الكويت]

روووعه حبيبتي

بالعافية

 

[اوركيدا]

عليكم بالعافية حبيبتي

ومع اني ما شفت الموضوعات السابقة لكني استمتعت بقراءتها مع هذا الموضوع

ويعطيم العافية البنات ما قصروا

وبالافراح ان شالله

الله يعافيج حبيبتي ..
مشكووووووووره .

روووعه حبيبتي

بالعافية

الله يعافيج .. مشكوره

 

[سمسميه]

ماشاءالله شغل عدل ومرتب عليكم بالعافيه

 

[~ام خالد~]

احس صج كان ونااااسه
عليكم بألف ألف ألف ألف عافيه حبيبتي
وان شاء الله دايماً تتجمعون بالافراح

 

[كشوخه]

الصراحه الحفلة شكلها وااايد حلوة وما شاء الله مرتبه ومسنعه ، وعليكم بالعافية وان شاء الله دووم مستانسين ....

 

[.]

خوش حفله ماشاءالله..

ونيرو ماتقصر

ترا البيبسي بنحول وكالته عليها خخ..

وعليكم بالعافيه يارب..

 

[هنـــد]

عليكم بالعافيه

الحمدالله حصلتي البيبسي الصغير

 

[أمواج البحر]

شغل عدل ماشاء الله

وموغريبه على نيرو ماشاء الله ما تقصر

عليكم بالعافيه يارب

 

[سبائك]

ماشاءالله لاقوة الا بالله شغل سنع

 

[زلابيا]

ماشاءالله عليكم بالعافيه

خوش حفله شكلها وخوش تصوير ..

وماقصرت نيرو

 

[منورة الكويتية]

ماشاء الله تبارك الرحمن تمنيتني وياكم بهالباربكيو والجو البديع
عليكم بالف عافية
ونيرو مو غريبه عليها هالحركات صج ذهبه

 

[nero]

اخجلتيني بالكلام الي كاتبته شدعوه ما سويت شي اخت وعزيزه

وشحلات قعدتكم وشغلكم عليكم بألف عافيه


رونه

يبيله اودي وكالته البحرين

 

[katko0ota]

عاااد انا مفكره الويييك اند الياي اسوي BBQ Gathering

 

[اوركيدا]

ماشاءالله شغل عدل ومرتب عليكم بالعافيه

الله يعافيج بعد عمري مشكوره

احس صج كان ونااااسه
عليكم بألف ألف ألف ألف عافيه حبيبتي
وان شاء الله دايماً تتجمعون بالافراح

وااااااايد الجو الحمدلله ساعفنا .. وبس خلصنا وقمنا نتمشى قطر المطر ..
محد كان وده يمشي الحمدلله

الصراحه الحفلة شكلها وااايد حلوة وما شاء الله مرتبه ومسنعه ، وعليكم بالعافية وان شاء الله دووم مستانسين ....

الحمدلله طلع كل شي مرتب .. الله يعافيج حبيبتي مشكوره ..

خوش حفله ماشاءالله..

ونيرو ماتقصر

ترا البيبسي بنحول وكالته عليها خخ..

وعليكم بالعافيه يارب..

ايه عليها والله ماقصرت حبيبتي ..
الله يعافيج .. مشكوره

عليكم بالعافيه

الحمدالله حصلتي البيبسي الصغير

الله يعافيج .. مشكوره حبيبتي

شغل عدل ماشاء الله

وموغريبه على نيرو ماشاء الله ما تقصر

عليكم بالعافيه يارب

ايه عليها .. الله يعافيج مشكوره حبيبتي ..

ماشاءالله عليكم بالعافيه

خوش حفله شكلها وخوش تصوير ..

وماقصرت نيرو

الله يعافيج حبيبتي .. مشكوره

ماشاء الله تبارك الرحمن تمنيتني وياكم بهالباربكيو والجو البديع
عليكم بالف عافية
ونيرو مو غريبه عليها هالحركات صج ذهبه

ان شاءلله بس تيين ارتب لج واحد احلى ..
الله يعافيج .. مشكوره حبيبتي .. او صاجه صج انها ذهبه

 

[اوركيدا]

اخجلتيني بالكلام الي كاتبته شدعوه ما سويت شي اخت وعزيزه

وشحلات قعدتكم وشغلكم عليكم بألف عافيه

رونه

يبيله اودي وكالته البحرين

بعد عمري والله انتي .. الحمدلله على السلامه وان شاءلله استانستو ..
ماقصرتي او صج احرجتيني بطيبتج .. سامحيني كلفت عليج مره ثانيه او مشكووووووووره ..
ومثل ماتواعدنا المره اليايه ييتكم لي ان شاءلله ..

:eh_s(7)::eh_s(7)::eh_s(7):

عاااد انا مفكره الويييك اند الياي اسوي BBQ Gathering

يالله سوي قبل لايزيد البرد وان شاءلله تستفيدين من موضوعي :wqedqw:

 

[nero]

الله يسلمج من الشر .. ما علييييج زوود اوكيدا وانتي بعد تهبلين

ان شاء الله على الوعد المره اليايه

 

[nice-girl]

وناسسسسه ودي اسوي بس نو واي
واليهال لوول
اشدعوه جان عزمتينا
lool just kidding
عليكم بالعافيه وشغلج حلو ومرتب

 

[أسـيـل]

مشاءالله تبارك الرحمن عليكم بألف عافيه