حـقـد الـحريم

[شلة بنات وبس]

:eh_s(17):السلام عليكم كويتيات والجميع , موضوعي هو شرايكم بحقد البنات والحريم على بعض واللى تكون نتايجها جدآ سيئه وتغضب الله عز وجل مثل تشويه السمعه أو التشهير أو الإفتراء والتبلي والإدعاء بما هو ليس بصحيح على الأخريات والظلم بجميع انواعه واشكاله بدافع النقص والغيره والحقد , رسالتي لهؤلاء الفئه اتقوا الله فيما تقولون وتدعون وتظلمون وتغتابون ان الله عليكم حسيب رقيب سبحانه وتعالى وكما تدين تدان البنت اللى تشوه سمعة بنت غيرها بدافع الغيره والحقد شنو استفدتى غير الذنوب وفوق هذا ظلمتى نفسج لان الله سبحانه راح ياخذ حق اللى تكلمتى عنها منج سبحانه يمهل ولايهمل وسامحونى يالغاليات وابي رايكم

 

[روان المطيري]

حبيبتي هذيله يعانون من نقص * وامراض نفسيه ,
الاحسن والافضل الابتعاد عنهم ولا نعطيهم اكبر من حجمهم ,
اما المناقشات والكلام معاهم ما ينفع معاهم ابداً واتمنى
محد يضيق خلقه عشانهم او يكدرون عليه حياته هذيلا ولاشي*

 

[خجل انثى]

هذولا الناس الرحمه معدومه من قلبهم
والله اعرف وحده أذت بنيه وتكلمت عنها وصارت مشكله للبنت بسبتها بس وش نسوي الي قلوبهم ضعيفه
وازيدكم من شعر بيت الي خربت ع البنت حياتها
عايشه حياه عاديه ومتوفقه في حياتها
غريبه والله :eh_s(2): يمهل ولا يهمل
والبنت البريئه حياتها صعبه شوي وهي مظلومه يارب فك عنها ويسر لها امورها​

 

[PuPa^^SWeeT]

اللي مايخاف من الله يسوي اكثر



اللي علييج تدعيين ربج يوفقج و يبعدهم عنج

وتحاشي الاخذ و العطا معاهم

الا بالسطحية



اللي ترمي المحصنات و تفتري و اتزود من عندها ربج فووقها



و عقااابها ناطرها اذا مو الحيين بعديين

 

[* ليــــدي *]

الدنيا دوارهـ

 

[تحت ظلك]

الي بترضي عدم ثقتها بنفسها أو حسد من نفسها باأعراض غيرها والله انها بتندم على كل شئ

ياكثر ضعاف النفوس بهالزمن
تجيك التهايم وأنت نايم

 

[شلة بنات وبس]

ربكم لهم بالمرصاد​

 

[طعنـــة غـــدر]

تصدقين احسه عاادي ، لكن المصيبة الرياال والله صاروا العن من الحريم يمكن المرة تكون صفة فيها لكن الرياال احس مصيبة فالموضوع اساسا متعودين عليه