الـــجـــزء الـــخــــامــس
*****************
شهد في غرفة ساره مع بدور ..
شهد .. ساره ياهبله سوي شعرك عدل وش التسريحه البايخه ..
بدور .. يا شهد وش اللي تقولينه حلووه تسريحتك وما بها شي ..
ساره .. والله انا الهبله اللي اخذ رايكم
بدور .. ياقلبي يا ساارونه شعرك طوويل ومو حلو تنزلينه كله حلاته ترفعين خصله منه وتحطين ذي الشبااصه الناعمه
شهد .. الصرااحه انا ضد بدوور حلاته ترفعينه عشاان يبين جسمك ملكاان ..
سااره .. راسي يا راسي انا وش قردني عند ثنتين ما يعرفوون ...
بدور .. يالهبله شهد ناويه تفشلك وين قاعدين عشاان ترفعين شعرك منتي في عرس عشاان ترفعينه .. خليه طاايح احلا
واخذي نصيحتي وماراح تخسرين ..
ساره .. وش عاد انا ابيه الحين ولا ميته عليه ابي اليوم يمر بسرعه ..
شهد .. اصدق يا ساره انك ما تبينه!!!و لا تخليني افتح قلبك ولقااه قاعد فيه ..
بدوور .. والله هذا الكلام الصح ولا تجاملين ياسااره تراني ماره في التجربه هذي ..
شهد .. يالله رووحي عشاان يجي دوري يالهبله ابي اعرس وافتك من البيت ..
ساره .. والله انا الهبله اللي ساكته عنك يا شهد ما تقولين لي وين الاحتراام .. وليه انا اصغر اعيالك تقولين عني هبله
بدوور .. ياابناات الحين مو وقته خلصني ساره شعرك الحين زين بااقي بس الروج (حمره احمر شفاه ) ..
ساره .. ازين يا بدوور وش احط في اصبعي الخااتم ..
بدوور ... بدوون شك هذا حلو على يدك ..
ساره .. اي واحد تقصدين ..
بدوور .. اللي لوونه ابيض على رصااصي رووعه وكرستااله نااعم ..
ساره .. حلو ذووقك ..
شهد .. لا مو حلو هذا حلاته تاخذين الوردي ابو ريشه ..
بدور .. يالعووبه انتي لو تسكتين مو احسن وين قاعدين ابو ريشه اياام قبل ريشه .. اقول ساره الحين مو باقي غير
الكعب تلبسينه وتنزلين تحت والله الله لا تستحين خليك طبيعيه ادري فيك راح تخلين راسك بين ارجولك ..
ساره .. والله يا بدور خاايفه حدي وما ادري وش اسوي ..
شهد .. عادي وشي طبيعي ادخلي الصاله وسلمي عليه وارفعي عيوونك له وقولي له اشلوونك حبيبي فهد ..
وبكل بساطه تنتهي المساله ويحي ويملك عليج ..
ساره .. العن ذا الوجه اقوول قوومي ولا توريني وجهك ..خووش نصيحه تبيني اسلم عليه واقوول له حبيبي وين قاعدين
في مصر ولا في سوريا .. اقوول شهد انا غنيه عن خدمااتج اذلفي برى ولا توريني وجهك ..
شهد .. وش بااقي .. مو باقي شي .. واصلا محد سنعك غيري صح بدوور ..
بدور وهي تضحك .. وانا اشهد ياساره محد سسنعك غير شهد والله واختك فيها الخير و والبركه الصرااحه انا ما سويت
شي ..
سساره .. وربي راح يجيني الضغط والسكر الليله منكم .. اقول ثنتينكم برى انا اعرف اعدل شغلي ..
بدور مع شهد بوقت واحد .. يا مداام كل شي سوينا وش بقى شي تعدلينه .. ؟؟؟
ساره .. بدوور تكفين نادي امي وربي احسن اني تعباانه وما خلق انزل خليها يووم ثااني ..
بدور .. اقول يا حلوه مو بكيفك الحين راح يجوون وانتي تقولين خلوها وقت ثااني .. ياماما انتي نسيتي
نفسسج انك خليجيه والعصمه مو بيدك ...
ساره .. ااااااااهاااااااااا ياربي على البلوى هذي ..
شهد .. البناات يتمنون احد يطق باابهم وانتي لا والله انك غريبه اقوول يا ساره اذا ما تبينه من
الحين قوولي لي عشاان امي تحطني مكانك ..
بدور .. والله البنت هذي جنيه تلمووني لو قلت ما اتمنى بنتي تصير مثلها ..
شهد .. يؤيؤ اقوول بدوور لا تعيبين ترى اللي في بطنك نسخه مني تدرين ليه ..
بدور .. ليه يا جنيه ..
شهد .. بكل بسااطه انا متعااونه معه في الحلم هع هع هع
بدور .. ههههههههههه تلمووني يا نااس
ساره .. انتوا وين وانا ويين .......
تدخل عليهم كانتي الخدامه ..
كانتي .. مدام بدور ماما قولي خلي ساره ينزل تحت ..
بدور .. خلاص يا كانتي رووحي والحين بدور تنزل تحت ..
شهد .. الله ودي اشووف ساره وهي تشووف فهد ..بس حساافه امي موصيتني ما اطلع من الغرفه
بدور .. عادي يا شهد رووحي تحت الدرج واسمعي اللي يقلونه ..وزين خالتي تسوي فيك كذا
شهد .. واخيرا راح تذلفين يا سارونا ..
ساره ..اماانه يا بدور انزلي معي استحي انزل برووحي ..
بدور .. هو بياخذك او بياخذني عشاان انزل معك ..
ساره..والله مستحيه انزل برووحي ..
شهد بالقاافه .. انزل انا يا ساره بدالك ..
ساره من دون شعور .. لا انتي لا ..
شهد .. ما قلت لك يا بدور انها تحبه بس انتي ما صدقتيني ..
بدور.. لا تعلميني يا شهد باين من كلامها ..
ساره . يؤيؤه منكم .. انا نازله تحت .. دعواتك يا بدور ..
شهد .. وليه ما تبين دعواتي ..
ساره .. انا قلت لك اليوم انا غنيه عن خدماتج ..
شهد .. عدال انا ابي اخدمكِ اقوول رووحي قبل لا يغير رايه الرجال ..
ساره .. اخر مره يا بدوور شكلي زين ..
بدور .. يا بنت الحلال كلك حلوه يالله امشي ..
وتنزل ساره تحت .. وقبل لا تدخل الغرفه تجيها امها وطبعا توصيها انها ترفع راسها عشان يقدر فهد يشوفها
عدل ..
ساره .. يمه انا مستحيه ..
ام خالد .. ما عليك انا معك ..
وتدخل ساره الغرفه وهي منزله راسها وتقعد بعيد عن فهد ..
خالد ... ساره وين السلام ..
ساره بصووت خفيف .. السلام عليكم ..
خالد .. ساره تعالي جدام فهد وش فيك بعيده عنه تره هو جااي يشوفك يعني لا تستحين ..
ساره .. بقلبها .. انت وجهك يا خالد الحين وقت تضحك ولا تبيني اجي جداامه والله فشله .
خالد فهم انها ما تقدر ومسك خالد كتف ساره وقومها من مكانها وجابها جدام فهد .. وهي كلها مستحيه ووجها
احمر .. ومازالت ساره منزله راسها ..
ام خالد .. يا بنتي ساره ارفعي راسك ..
ساره منزلته ولا اسمعت الكلام ..
خالد .. ساره شووفي الصقف فوووق فيه صرصوور .. ساره ما تدري انها لعبه من اخووها عشان ترفع راسها
ساره من دون شعور .. وين يا خالد
فهد .. من دون شعوور ضحك
ساره عصبت لمى اعرفت انها لعبه ..
ام فهد وام خالد... يا عيال حنا في الصاله وراح اخليكم بروحكم ..
خالد حتى انا راح امشي معكم واذا تبي شي يا فهد انا في الصاله .. والله الله في ساره واخذ راحتك ..
ساره في قلبها راحت رووحك يا خالد تخليني برووحي لا اقعد وهي تسوي برقبتها يعني اقعد ..
خالد .. ههههه يا حلو شكلك يا ساره اقوول لا تهزين راسك كانك الهنديه تراني ماني قاعد ...
فهد .. وليه تخااف ماني وحش عشاان اكلها ..
ويطلع خالد من الحجره .. وما بقى غير فهد وساره ..
فهد .. حيالله ساره بنت خالي ..
ساره .. ساكته .
فهد .. الله وش هالزين والله ما ادري انه خالي عنده بنت قمر مثلك ..
ساره ..منزله راسها وهي متشققه لانه في احد مدحها ..
فهد .. من حقك تنبسطي الانك فعلا حلوه .. يالله يا ساره تكلمي تراني مو متعود اسوالف بروحي ..واذا انتي خجلانه
انا اكثر منك بس ابي اكسر الخجل مالك ..
ساره ..وهي ترفع راسها .. وش اقول
فهد .. واخيرا تكلمتي .. سوالفي عن اي شي .. عاد تصدقين عهد اختي دايما تتكلم عنك وتقول انك عسل وان دمك خفيف مره
وانا الصراحه ما اشووف اللي تقوله عهد الحين فيك ..
ساره في قلبها .. بعد عهد تتكلم عندك عني والله ماراح اخليج يا عهد ..
فهد .. انتي اي سنه يا ساره في الكليه << يعني مخلي نفسه ما يعرف ..
ساره .. انا مثل سنة عهد وبنفس تخصصها ..
فهد .. حلو يعني انتي شااطره
الا يدق الباب ,,, خالد يدخل عليهم ..
فهد في قلبه .. ليه تدخل الحين مو وقته يا خالد ..
خالد .. ها عساك اخذت راحتك وشفتها ..
فهد .. اي والله شفتها وماشاءالله توني ادري انه خالي عنده غزال مثل ساره .. ويطلع من الغرفه ..
خالد يتكلم مع فهد ..
وام فهد وام خالد راحوا حق ساره ..
خالد.. ها يابو الشبااب نقوول مبرووك ..
فهد .. انا من ناحيتي مواافق والبنت اعجبتني .. بس ما قلت لي يا خالد متى تبون موعد الملكه ..
خالد ... انا ما عندي اي كلام معك الحين .. الكلام انطر لمى يرجع الوالد من السفر وملك عليها .. المهم اخذ رايها واسالها ..
عن رايها فيك ..
فهد ..لازوم تاخذ رايها .. وباجر انا انطرك على احر من الجمر ابي الرد لا تنسى واذا ما سمعت سوتك باجر اسسمع ان الجواب
النهي ..
خالد .. يكتب الله اللي في الخير ..
فهد .. يالله يام فهد خلصينا نبي نمشي ..
ام فهد .. يالله جاايه ..
ويمشووون ...
ام خالد .. ساره ساره يا بنتي وش فيك .. ساره ما عطتها وجه
ساره تمشي بسررعه ترووح لغرفتها وتغفل الباب عليها وتقووم تبكي ..
شهد .. يمه راحوا ..
ام خالد .. اي راحوا ..
شهد .. وش فيها ساره تبكي ..
بدور .. خاله خلي ساره بروحها .. انا ماره بهذا الموقف والموقف هذا صعب حييل في حيااة كل بنت ..
ام خالد .. بس فهميني ليه تبكي الحين هي ما تبيه ولا شنو ...
بدور .. خاله روحي لها وقولي لها انه كل بنت هذا مصيرها الزواج ..
ام خالد ترووح لغرفة ساره وتدق البااب .ساره يا قلبي افتحي الباب ..
ساره تفتح الباب وترووح لسريرها ..
ام خالد تمسح بشعر بنتها يا قلبي يا سارونه هذي حال الدنيا ولازم كل بنت راح يجي يوم وتروح عن بيت اهلها ..
ولا انتي ما تبين فهد ..
ساره بحضن امها ... يمه انا خاايفه
ام خالد .. ليه خايفه يا سارونه من فهد ...هو قال لك حااجه لمى كنتي معه
ساره .. لا ما قال شي بس انا خاايفه ..
ام خالد .. ياقلبي سارونه ليه خاايفه طيب .. اذا ما تبينه خلاص مو لازم تاخذينه ..وانا راح اكلم ابوك عنه
ساره .. يمه خاايفه .. خاايفه اصير مثل اختي نور ..
ام خالد .. ليه مثل نور .. نور ما عليها متزوجه صحيح زوجها رافض يجيبها عندنا كل اسبووع بس شوفيها هي سعيده معه
ساره .. يمه نور زوجها يضربها وهي ما تحب تعلم احد بس نور تحب زوجها رغم ضربه لها .. يمه انا مو عارفه
كيف اعيش مع انساان ما اعرف اطبااعه ولا نفسه وانا خاايفه من التجربه هذي ..
ام خالد .. يا بنتي حنا تزوجنا كذا في البدايه لكن فهد انا اعرفه ولد طيب وشغله زين وانتي تعرفين امه وخوااته .. احسن
من نور اللي عمتها ما نعرف عنها شي داايم تفشلها في الطالعه والنازله ..ساره يا بنتي ادري ان هذا قرارج وهذي حياتكِ
بس يا بنتي القريب احسن من البعيد في كل شي .. واذا تبين نصيحتي فهد ولد حلال ونعرفه احسن من اللي
ما نعرف طبعه وسوالفه .. وانتي الحين شفته وقعدي معه وادري انك ما عرفتي اللي تبينه لكن انا راح اخليج
تاخذين قرارج بنفسك وراجعي اللي انا قلته لج .. ويالله انزلي تحت عشاان تتعشين ...
ساره .. يمه انا ما ابي اتعشى .. ابي اقعد في داري ..
ام خالد .. على راحتج يا بنتي .. << بس ام خالد ما طاوعها قلبها تخليها من غير اكل طبعا طرشة مع كانتي اكل حق ساره
في غرفتها ..
