" أعَرْفِك ..!! "
إيهـ أنا أذكِـر
لقيتك مرَّه في جرحي
نِبَشت بـ سلَّة أوجاعي
وسرقت القلب بـ طعونك
أمانه لا تذكرني بـ وجهك يستحي : فرحي
تروح الراحه من عيني .. إذا .. لاقيتها عيونك
كتبت إسمك على قلبي ولكن حضرتك / تمحي
عقل .. ذاك الغلا فينـي .. أنا ما عدت مجنونك
تظن تستاهل أرجع لك وعشانك .. عيني تضحِّي
أنا ما أظن تستاهـل .. يكون اللـه في عونك
تعال إحسب خساراتي بـ وصلك وإحسبه , ربحي
وبلاش تعد فـي سرعـه خساراتي .. على هونك
فهمت الدرس وإلا لأ ..؟! أعيده لو تبي شرحي
مدامك عشت من دوني .. أنا ما مِت من دونك
