نصيحــــة بن فطيس ..
إضحك وفلّ حجاجك اشفيك محزون
دنـيـاك ماتسوى وخذها نصـيـحـه..
مادام مـالك ميت ولا انـت مـديون
ارم الهـموم وخل نـفسك مريحه..
لو كانوا اصحابك يضـاهـون مليـون
نق الكـفو منهـم وخـل السطيـحـه..
ولا تشتـكي للـناس لوكـنت مطعون
(والذم من بعض الخلايـق مديحه).
ولا تنحنـي للهم وتـعـيـش مـغبون
ترا المريح اهل العقول الصحيـحـه..
لاصرت صادق قالوا الناس مجنـون
مايـمدحـون الا الـنفـوس القـبـيحـه..
وخلك صـمود بوجـه الايـام و موزون
ومـا حـرم الله إثــم لا تستـبـيـحـه..
والكـبـر لو بـه فـايده فـاد فـرعون
ومـن ذاع سـرّه بـشّره بالفضيحـه..
والله لو يعطون لـك مـال قـارون
ماشـفت نفـسـك بالغـنـى مستريحـه..
انفض هموم القلب وابليـس ملعون
وان ضاق صدرك ارض ربي فسيحـه.
صــــح لساانكـ ......:eh_s(15):
