انا ماعندي توائم بس اختي مسكينة عندها.. واول ماولدت كان واحد بالشيشة و واحد عندها لمدة اسبوعين فقدرت اول الايام ترتاح شوي خاصة ان اللي عندها هادي عكس اللي بالشيشة فقير بسرعة يبجي.. المهم اول ماطلع الثاني بايام الاستقبال يابت ممرضة وانصحج باستقبالج اتييين ممرضة لان الناس بيولج وامج بتباشرهم.. فمنو يقعد عند البيبيات؟
وعموما لما طلع الثاني انا تعورت فقعدت عند اهلي نفاس وحاولت اساعدهم واخفف عنهم لانها تعتبر مهمة مستحيلة ان شخص واحد يسيطر عليهم للامانة
كل واحد كان بسرير احسن لان نومتهم مو وحدة فاذا قعد واحد يمكن يفزز الثاني ويخرعه وتصير حفلة ههههههه فالافضل السراير المتنقلة مالت المواليد علشان مثلا تخلين واحد عندج و واحد عند امج.. او اللي قاعد تخلينه شوي بالصالة يكون في سهولة بالتنقل..
نصيحة لج.. اذا ان شاء الله يارب كلهم مو بالشيشة ييبي ممرضة من اول يوم علشان لاتتوهقين.. البيبي الواحد يوهق فمابالج الاثنين؟ وانتي شوفي نفسج بعدها اذا تحتاجينها او لا.. وقسمي الوقت بينج وبين امج واذا عندكم خدامة تعرف للبيبيات ممكن تساعدكم اول الايام لكن اذا على ويها لاااا والف لاااا
الله يتمم عليج يارب ويسهل عليج وتولدين بالسلامة من غير تعب وعيالج يكونون بصحة زينة و وزن زين وتكون تربيتهم سهلة والله يجعلهم من الذرية الصالحة يارب
لاتحاتين كله تساهيل وبتلقين اللي يساعدج فيهم ان شاء الله.. الله يسخرلج اللي يخفف عليج يارب
