الــــبـــارت الـــتــــاســــع عـــشــــر
بـــعـــــــد 3 اسابيع
رنت الساعه ..
وكــــانــــــــت
الساعه : 8:00 am
المكان : غرفة صبا ..
صبا مدت اديها من تحت الكنبل و مسكت ايفونها و صكرت المنبه ..
شالت الكفر .. و تمغطت بعدها مسكت الايفون قعدت تشوف شواصلها ..
فيه مسج بالواتس آب ..
Msharii :
صباح النور ..
صبا : ياربي عل عله .. سكب ..
وقامت دشت الحمام .. بدلت و نزلت تتريق مع امها
ام صبا : ها يما اسويلج صمون و احط فيه جبن او زعتر
صبا : لا يما بس ابي كوب جاي ..
ام صبا : مايصير بس تشربين
صبا: اروح اتريق اهناك مع البنات ..
ام صبا : يالله على راحتج ..
صبا : الا يما وين ... رن تلفونها شافت المتصل ولا مشاري !!!!
بقلبها ( نــعـــم شكوو يتصل ؟؟ )
صكرته بويها وكملت كلامها مع امها : اي يما وين فهود موجود ..
ام صبا : لا من امس رايح الشاليه مع ربعه ..
صبا : ممم
ام صبا : ليش ..
صبا : ماكو كنت ابي منه شغله .. يالله خلاص .. عادي و خذت كوب الجاي من امها و قعدت تشربه بسرعه بسرعه ( طبعاً مشاري دق مو مره ولا مرتين اكثر و كانت صبا تصكره بويهه ) ..
ام صبا : منو الي يتصل عليج من الصبح !!
صبا : مادري يما رقم غريب ..
ام صبا : اييه احسن لا تردين .. طنشيهم
صبا : وهذا الي قاعد يصير .. يالله خل اروح ..
ام صبا : ما كملتي الجاي ..
صبا : لا بس يما شربت .. يالله بباي ..
ام صبا : بحفظ الله .. مع السلامه ..
طلعت صبا و ركبت سيارتها و للحين تلفونها يرن ..
عصبت ..
صبا شالته : اووووووووووووووووه بس عاد انت مااااااااااا تفهمم خلاص بس بس .. الله ياخذ اليوم الي شرييت منك البلوووفر .. الله ياخذ اليوم الي عطيتك فيه رقمي ..
مشاري بكل برود : و بعد .. الله ياخذ منو ..
صبا : الله ياخــ.. يت بتقول ياخذك بس سكتت
مشاري : شفيج سكتي ..
صبا : ---- ساكته
مشاري: كملي و ياخذ منو ؟؟
صبا : محد .. و لو سمحت لا ادق مره ثانيه .. جم مره اقولك مو انا البنيه الي ادور عليها
مشاري: ممم مو على كيفيج تقررين اذا انتي او لا
صبا : نععم
مشاري : اي والله انتي تشوفيني مو انا الصبي الي تبينه اوكي على راحتج .. بس انا اشوف انه انتي البنت الي قاعد ادور عليها
صبا : اهووو يبا انا الغلطانه اني شلت التلفون يالله باي .
مشاري : تصدقين .. و انا اكثر شي صح سويته بحياتي اني سويتلج هالبلوفر و منه قدرت احصل رقمج .. تدرين جم سنه ناطر اكلمج .. من اول ما دشيت الجامعه 3 سنييين ..
صبا سكتتت
مشاري : 3 سنين .. اول سنه لفتي انتباهي بادبج .. ثاني سنه كبرتي اكثر بعيني لمن شفتج تصدين كذا صبي و ما تعطين اي صبي مجال انه يتعرضلج .. ثالث سنه .. حسيت اني ما اقدر استغنى عنج و انه انتي البنيه الي ادور عليها و ابيها تكون شريكة حياتي ..
صبا NO COMMENT
مشاري شافها ساكته كمل اكثر ما سكت معنه كان خايف انه تسده بويهها : واني وغلاة امي مو لعب .. و اذا ما تبين تكلميني راضي .. بس ابيج تنطريني باقيلي سنه و اخلص وبعدها اقدر اخطبج .. تنطريني بس و بعدها بخطبج بس كنت بشوف يمكن مرتبطه او شي فمابي اعلق روحي بامل و بالنهايه ما اقدر اتزوجج .. وهذا كل الموضوع الي كنت بكملج عنه المره الي طافت و صديتيني و خليتيني اطلع من طوري و اسوي الي سويته ذاك اليوم معنه مو من عواييدي اسوي ببنت جذي بس طبيعتي عصبي و انتي فورتي دمي باسلوبج معنه ما كنت بسوي شي بس بسالج مرتبطه ولا لا .. بس حتى ما خليتيني اقول هالجمله سديتي كل شي بويهي فعشان جذي سويت الي سويته .. و ادري انه لو آي بنت بمكانج بتسوي الي سويتيه ..بس بعد لا عصبت انسى نفسي .. و اعتذر علي سويته .. معنه الاسف يه متاخر بس اتمنى انج تقبلين اسفي و تردين على سؤالي .. ؟؟
صبا : ماكو رد كلش بس صوت تنفسها مو عارفه شترد عليه ولا شتقوله .. اول مره تنحط بهالموقف ..
مشاري : زين ادري احرجتج .. بس شسوي يعني ما كنت ابي الامور تصير جذي بينا و اقولها لج بهالطريقه بس انتي الي حديتيني بس قوليلي الحين اي ولا لا .. مرتبطه ولا لا ..
صبا بعد مده : لـ ا
مشاري : اوكي راضيه تنطريني لين اخلص .. جامعه ..
صبا : م مادري ..
مشاري : اوكي متى تدرين ..
صبا: والله يعني ..
مشاري : خلاص اخليج انا الحين .. و بعطيج مهله تفكرين .. و اتمنى تردين عليً بأسرع وقت .. و فكري بكلامي عدل .. و ارد و اكرر والله اني يا بننت الناس شاااااااااااريج .. والله شاريج ..
صبا استحت من كلامه ما تدري شتقوله
مشاري : و يالله تامريني على شي ..
صبا : لا ..
مشاري : اوكي الله يسلمج بباي ..
صبا ابتسمت ( على كلمه الله يسلمج ) : باي ..
سدت التلفون و للحينها مصدومه من كلامه .. و طريقه كلامه و ليش ما صكرت التلفون معنها معصبه .. بس قدر يخليها تسكت و تسمعه ..
صبا : غريب هالانسان .. شلون قدر يسكني باسلوبه .. مممم مادري شرد عليه .. خل اقول حق ليون وروون و اشوف شقولولي.. اووووووف ما احب انحط بجذي مواقف ..
و كملت طريجها ليه الجامعه ..
--
بـــعــــد فتره ..
الــمــكان : الجامعه
كانت توها داشه من بوابة الجامعه .. جان تشوف مشاري طالع من البوابه ..
اهوا ابتسملها ..
صدته و كملت مشي .. و قلبها كان يرقع .. ارتبكت معنها كانت تشوفه ماكان يصير فيها جذي ..
كملت طريجها ليييه السكوير كانوا ليان و روان قاعدين ينطرونها ..
ليان : شفيه ويهج منصفق جذي ...
روان : ايه والله .. شايفه روحج شلون تمشين .. تركضين
صبا : مادري ما حسيت بروحي .. زين دنولي خل اقولكم شصار معاي
روان وليان : قولي :/
وقعدت تقولهم صبا الي صار معاها بضبط .. كل شي قالته ..
و كان ردهم ..
روان : يااااااااااااا بقررررررررره حرام عليج الولد شاريج .. ارضي فييه
ليان : اييييييييييييييه والله حرام خذينه عنه فكره و طلع يبيج .. و مايبي يلعب على راسج ..
صبا : مادري .. كنت بسده بويهه بس مادري ليش سكتت و قعدت اسمعه ..
روان : اييه عادي تصير فيج لقافه بتعرفين شقول ..
ليان : زين و شبتقوليله
صبا : مادري والله اول مره انحط بهالموقف .. عشان جذي قاعده اسالكم ..
ليان : كلميه ..
صبا : ماراح اكلمه .. الي يبي يعرفه هل ارضى اني انطره سنه و بعدها يخطبني ..
ليان :اييييييييييه ارضيي
روان : صبووووووووو بذبحج بعد الصبي بييكم من الباب مو من الدريشه .. على قولتكم .. خلاص وافقي ..
صبا : مممممممممممممممممممممممممممممممم
ليان : شفيج يمه شنو مم .. ها شقلتي
صبا : ا ا وكي ..
روان وليان : هياااااااااااااا بناخذهم ثلاثثتهم ..
ليان : خلاص عرسنا بوقت واحد والله وناسه
روان : كاااااااااااااااااااااااااااااك ااحتلينه على الشله بكبرها
صبا : خبولل حمدالله والشكر ..
ليان : يالله يالله دزيله
صبا : خوو مو الحين بنطره اسبوع بعدها بقوله ..
ليان سحبت منها تلفونها وطلعت اسمه ..
صبا حاولت تمسك تلفونها و تاخذه بس ليان كتبت بسرعه اوكي و دزتله ..
ليان : نيايهاهاهاهاهاهاها دزيتله
صبا : اووووووووووف شكو شكو ادزييين مككلمني انا ولا انتي .. وااااااااااااي شدزيتي .. عطيني اشوف
ليان : دزيتله حبيبييي موافقه
صبا : نععععععععععم ( و قامت تبطل المسجات تشوف بس ارتاحت لمن شافت انها بس كاتبه اوكي بدون حبيبي و مادري شنو ) .. جلبه ..
شوي جان يوصلها مسج ..
MSHARI :
أكيد
صبا : يا الجلبه وهقتيني يقولي اكيد
ليان و روان : اييييييييييه قولي اكيد شفيج ..
صبا : مابي ما كنت برد الحين .. فشله يقول هذي ما صدقت على الله
ليان : ذلفي زين .. يبي اكتب انا
صبا : خرا فيكم .. و كتبتله اييه اكيد ..
MASHARI :
ما تصدقين شكثر استانست من ردج و انشاءالله ما تشوفين الا كل الي يسرج .. و بس في طلب آخيير
9ba :
شنو؟؟
MSHARE :
مممممم صج قلت ماراح اكلمج ولا شي .. بس كافي لو تكون بينه مسجات اسأل عنج و اطمن عليج .. بس
صبا : اووووووووف شنو كل مره يغير اقواله .. يقولي ما ترضين يكون بينا مسجات بس ..
روان : قوليله اي خو الولد ما يبي يكلمج بالتلفون كلها مسج .. يطمن علليج
صبا : مممممادري ..
ليان : يبا ارضي ذليتي امه ..
صبا : كااااك ..
لليان : والله الله يعينه عليج ... عنيده راسج يابس
صبا : يالله بس اوش .. و بعد فترررررررررررره طويله دزتله اوكي .. بس مسجات مو تقولي بعد تلفونات
دزلها
MSHARI :
زين رديتي عليَ والله قلت هونتي خلاص .. اوكي الي يريحج المهم اني اطمن عليج
9ba :
اوكي .. بدش محاظرتي الحين اخليك .. مع السلامه
Mshari :
Bbye ..
--
صوب مشاري و ربعه
صقر: شفيك متشقق اليوم ..
مشاري: ههههههههههه .. مومصدق والله الي احبها رضت تكلمني بس بعد مصارعه
احمد و صقر : مصااااااااااارعه
مشاري : ايه والله انذلييت ذل .. عشان بس ترضى تكلمني ..
احمد : شلون قول السالفه
مشاري قعد يقولهم .. و آخر شي ردهم كان..
صقر : من صجكككككككككك كل هذا سويته و احنا ما ندري
احمد : ليش انت حمار ما تقول و احنا لو ندش الحمام نقولك ..
مشاري : ما حبيت اقول قبل لا يصير كل شي .. قلت اخلص من السالفه و بعدها اقولكم الي صار معاي ..
صقر: لا بس فلم هندي هذي صبا .. غير رفيجاتها
مشاري : والله عجبتني اكثر بتصرفها و شلون رفضت .. احب البنيه الي جذي ما تعطيه ويه
احمد : تحب البنيه الي جذي ما تعطيه ويه ها .. مو توك تقولينه طلعتك من طورك و وريتها ويهك الثاني الي يلوع الجبد ..
مشاري : صج تنرفزني بصدها ليي .. بس احبها اكثر .. تخليني اثق فيها و بأخلاقها اكثر و انه محد يقدر يتعرضلها لو شنو ..
صقر : مالت عليك ..
مشاري : و عليك حبيبي ..
صقر: ولك بنت اذلك .. والله لو بنت اذلني ما افكر فيها اعطيها اكبر سكب
مشاري : انذليت بس بنهايه خذيت الي ابيه ..
صقر : اذلف زين
احمد : يبا شفيك انت كيفه يحبها .. االواحد لا حب ما عنده والله هذا يذلني هذا يمصخرني .. اذا حبيت الشخص الي جدامك لو شسوي فيك بنظرك ما سوا شي ..
صقر : هذيل انتو .. كاني انا اوكي صرت احب رووون بسس لو اذلني ولك والله اذل امها ..
مشاري : حمار شسوي فيك ..
صقر: بس زين اهيا ما اذل ولا شي .. خوش بنيه فديتها ..
احمد : تفداااااااااااااااك روحيييييييييييي
صقر : كااااااااااااااااااااااااااك كل تبنن .. يالله امشوا ندش الكلاس
مشاري : مالي خلق امشوا نروح ناخذلنا فره بالافنيوزز .. و نقعدلنا بمطعم
صقر و احمد : ما نقول لا طبعا اي فوقه ..
---
--: زين حبيبي آسفه آخر مره ؟؟
--: ولككك فديتج و فدييييت مفاجآتج آحلا مفاجئه؟؟
--: زين خلاص بس يردون اهلي من السفر بعد اسبوعين اكلمهم و انييييكم؟؟
--- : بروح انتحر ؟؟
منو الي قاعده تتأسف ليش اهيا أصلاً شسوت عشان تتأسف !!!
و شسالفه المفاجئه !!
منووووووووو بيخطب منووووووو؟؟
يمه تتوقعون منو بينتحر !!
باجر تعرفون كل شي بالبارت 20 .. تابعوني ومشكوورين كلكم على الردود .. ما اقدر ارد عليكم وحده وحده بس قريت كل ردودكم و استانست والله من ردودكم ما تقصرون والله فدييييييييييييييييييييييييييييتككككككككككككمممممم
