حـسـبـي يـالله و نعم الوكيل (( على سـفـريـات الـسـيـد ))

[زلابيا]

تصدقين مو اول مره اسمع عنهم هالسالفه!!

الظاهر اهمه مشهورين بسوالف النصب

وعفيه عليج لا تسكتين عنهم ... لأنهم قاعدين يتمادون

وان شاءالله هالسالفه تكون خيره وتعوضونها بسفره احلى منها يااااارب

وقوليلنا شيصير معاج ...

 

[@ دهن العود @]

دبدووووووبه

قولى الحمدلله هذى خييييييييييرا لكم

وعسى ان تكرهوا شيئ وهوا خيرا لكم

 

[الجــادل]

وااااي قهر


صارت لنا سالفه مثلها تقريبا مع حمله الشايجي النخبه


كنا بنروح عمره بعطله العيد الوطني وحجزنا لجدتي درجه اولى لانها مره كبيره

وكنا بنروح الاربعا ونرد الاثنين

قبل السفره بيومين تخيلوا قالوا ماكو درجه اولى الطياره كلها سياحيه
وبتروحون يوم خميس وتردون يوم احد لا وبنفس القيمه ما تتغير

عصبت حدي وادق يقولي المصري كلمي الدكتور عبدالحميد الشايجي

والدكتور ما يرد اخر شي قال مالي شغل كلموا المصري

قام ابوي عصب وراح شخلهم وخذا الفلوس كلها منهم

قال مطاوعه وتنصبون عالعالم

ودبرنا حجز من مكتب بالدوليه ورحنا الحمدالله

بس طبعا بعد حرق اعصاب

 

[جكورة]

والله ماألومـــج متضايقــة قمــة القهــر :eh_s(14): الله يعوضكــــم بسفرة أحلــــى وأونــــس

 

[Berlant]

الله يعوضج خير انشالله يادبدوبه والله عورتي قلبي بس بقولج سالفه
الواحد لاشاف مصيبة غيره تهون عليه مصيبته --------> حكم انا كلي حكم هيهيهي

احنا العام حجزنا مع سفريات الحجي و دفعنا انا و زوجي 890 دينار تذاكر حق تايلند و فنادق و طيران داخلي و يأكد لنا الحجز و يعطينا الفاوشرات و نتوكل و نروح و الا في ترانزين 8 ساعات بسيلان و يبهذلونا اخر بهذله و احنا ماشفنا الفاوشر الا و احنا بالمطار و كملنا قلنا مايخالف سيلان سيلان ووصلنا تايلند و نروح نركظ حق الطيران الداخلي و يقولنا طيارتكم طارت و الا مال المكتب الغبي حاجز لنا الطيران الداخلي عقب 20 دقيقه من موعد وصول طيارتنا !!!! يعني ما يمدينا حتى نبدل طيارات !! و كل اللي معانا نفس الحاله و قعدت بجي بالمطار !! و حالتي حاله !!
و اللي بهذلنا ان احنا رحنا براس السنه يعني هاي سيزن عندهم !! و ماكو فنادق !!! نقعد فيها !!! و ننطر 5 ساعات يالله يالله بالمساحل لقينا كرسيين مفرقين بالطياره الثانيه في ناس صدفه ما يواا و احنا باخر 5 دقايق دخلونا مكانهم !! و في ناس واقفين معانا اللي كانوا يايين بالاصل معانا من الكويت ما ركبوهم !! وعليه كسروا خاطري و الله !!
و تخيلي في واحد بالطياره يقولنا الناس اللي دشيتوا مكانهم يووا عقبكم بثانيتين !!! و مادخلوهم !!! هذا كله بالطيران الداخلي !!
وصلنا بعد رحله مريره حق بوكيت و يودينا التاكسي حق فندقنا ولا يقولون مالكم حجز المكتب اللي بالكويت ما أكد حجزكم !!!! و داز حق الفندق ايميل قايلهم سلموه حق زوجي و لا كاتب انا اسف روح في لك حجز بفندق مادرس شسمه و اقعد ابجي و اروح و لا الفندق هذاك ماكو حجز باسمنا و بوكيت كلها ما فيها غرفه حتى فاضيه !!!
بدون مبالغه قعدنا بالشارع !!!!!!!!! مع اغراضنا و ندقدق على المكتب محد يرد و نطرش اهلنا لهم يطلعون مسكرين اجازة نيو يييير !!!!!
و نفتر طول اليوم بالتكتك( سياره التاكسي مالتهم) ندور فندق و نلقى ليلتين بس و قعدنا بهالليلتين مااستانسنا نحاتي وين بنروح عقب ! و نطلع و نتشرشح بالشوارع و نترجى الفنادق يعطوننا غرفه و نقولهم ندفع لكم تريبل اذا الغرفه ب 30 انا ادفعلك 90 ما يرضون مااكووووووووووو فولي بووووووووكد على قولتهم !! و دبرناها يمين يسار السفره 10 ايام تنقلنا خلالهاب 4 فنادق منهم فندق طلعنا منه و رديناله اخر الرحله !!!!! قاموا يضحكون علينا ملوت الرسبشن !!! و رحنا نبي ندور حجز نرجع فيه الكويت ماكو !!!!!!! و كل هذا قاعدين ندفه من فلوس المصرف لان احنا دافعين لهم من الكويت كللل شي !!!!!!!!


عشنا بعدم استقرار ماقدرنا نستانس كلششش و يوم يينا بنمشي من بوكيد و نرجع بانكوك جان يقولون اساميكم ملغيه لان مكتب الكويت حاجزلكم على رحلتين و القانون المعروف بكل الدنيا اذا حجز نفس الاسامي على رحلتين ينلغون !!!!!!!!!!! و ننطر ببوكيت لين لقينا حجز داخلي باخر يوم ردينا فيه بانكوك و نروح الفندق اللي حاجزين فيه و دافعين فيه 4 ليالي و يقولنا احنا كلمنا الكويت لانكم ما سويتوا جك ان و قالولنا كيفهم الغي حجزهم !!!!
و نطر منه ليله بالغصب يوم شافني تنحرت و قعدت ابجي و نرجه الحمدلله سيلان و عقب سيلان الكويت !!!!!!!!
ردولنا فلوسنا بس عقب شنو عقب ما تعبنا نفسيا و ضاعت سفرتنا ووناستنا و فلوسنا و راحتنا رجعت الدوام بنفسيه العن من اول !!! و هذي اول سفره لي مع زوجي لان مارحت شهر عسل حملت على طول و تعبت !!!!

الحمدلله انتي اهون حالتج مني
حبيت اقولج هالسالفه يمكن تهون عليج شوي و تخفف عنج !!
معوضه خير انشالله انا اقول روحي مع الرحله اللي بتمشي فرق جم يوم بس العوض ولا القطيعه !!!! بس شرشحيهم اول عدل عدل و خليهم يأكدونلج حجوزاتكم انتي و اهلج مليون مره !!!!!!!!!

 

[atooma]

الله يعينج وياخذلج حقج منهم

 

[زيـنـه]

وي وي وي دبدوبه .. مو خوش خبر .. جنج حاسه من امس منقمته !!

اشتكي عليهم .. و انا من جذي ما احب السفريات و لا القروبات .

خططي سفرتكم بروحكم او بمساعدة احد و لاتعتمدون على السفريات زالا القروبات !

و اشتكي عليهم .. و اخذوا فلوسكم كامله ..و لا تتعاملون معاهم .

 

[pretty sarona]

حسبي الله عليهم ... هذول بس إذا بتاخذين منهم شي خو الضحكة شاقه الحلج و الحين تبين فلوسج تتغير معاملتهم
يبه الله عليهم وما يضيع حق وراه مطالب انشالله و معوضين

 

[lolo77]

انالله
صج مو خوش خبر
بس باذن الله يعوضكم بخير

 

[توته احلى بنوته]

انا قلت من قبل ان سفريات السيد مقلب العام شرشحوني انا وريلي.....
وتدرين كذا عائلة رافعة عليهم قضية في الطيران المدني.........
مااقول غير حسبي الله عليهم عشموج عالفاضي والله هالسفريات لازم يشيلونها

 

[*سكون*]

لا حول ولا قوة إلا بالله

 

[*دبدوووبه*]

:eh_s(13):


طبعا انا مو نايمه من امس


والصبح الساعه 8 طلعت ويا امي
ورحنا السفاره خذينا جوازاتنا

وعقب رحنا السفريات

دخلنا
ولا شفنا وحده معصبه
وبيدها اوراق
وقاعده تزف

ودخلوا ورانا
جماعه

تبي تحجز حق اوروبا
لم شافت المره معصبه
سألتها قالت اختي شنو مشكلتج وياهم
جان تقول المره : هالسفريات ماعندهم مصداقيه وكلا مجذبين

المره قاعده وساكته
لم وصل دوري
طبعا انا شابه :eh_s(14): نااااااار

وعطيتهم بالحجي
والزف
والنجره
سويتهم بيزه مايسوون
وفي وحده اسمها : خلود << تشتغل بالسفريات

هذي قبل فتره انا متناجره وياها بالتلفون
لانها قليلة ادب
وفوق هذا مجذبه علي مرتين

:eh_s(14):


المره لم شافت سوالفنا ويا السيد

قالت / انتو جذابين وتنصبون
مالت عليكم

>> وطلعت من السفريات

وانا قلت لهم : احسن شفتوا شلون اقدر انزل سمعتكم
ولا بعد
راح افضحكم في الجرايد والانترنت

وطبعا اهما صم ُ ُ و بكم ُ ُ

مايقدرون يتحجون ولا يقولون كلمة

الحين يالله نبي فلوسنا ؟

نطرنا نطرنا
نطرنا
نطرنا


قال تعالوا العصر
لان المحاسب مو موجود ؟:eh_s(14):

جان اقوله شنو المحاسب مو موجود
قالي يداوم العصر

بس فلوسكم مو كاش ؟ جيك
جان اقول له بعااااااااااااااااااااد
وحلاته يطلع جيك بدون رصيد
جان يضحك
قلت له اي اضحك
لان ان شاء الله بتشوفون شلون بتنصك سفرياتكم


بعدين صدفه ؟
سألت المره الي موجوده

قلت لها انتي وين مسافره ؟
جان تقولي الصين ؟

قلت لها الصين ؟ متى سفرتج
قالت لي: المفروض باجر
بس الحين باخذ فلوسي وبروح احجز بروحي انا واختي

قلت لها وي ترى انا وياج بالقروب وقلت لها السالفه
تخيلوا يابنات ؟

قايلي حق هالمره شي ؟
وقايلين لي اا شي ثاني ؟
يعني جذااااااااااااااااااااااااابين
المره قامت تسولف ويا امي
وهالسوالف
وامي قررت ان نسافر بروحنا الصين
لان حرام كل شي مسوين
وصارفين فلوس
والفيزا
ومزهبين كل شغلنا
اتفقنا ويا المره ان نروح بروحنا
واحنا صرنا 5 اشخاص

المهم
رحنا سفريات ريتز الي في حولي
احنا 22 سنه نتعامل وياهم
بس هالسنه قلنا نبي قروب ومالت على السيد وقروبااااته الفاشله

المهم لحقتنا لي سفريات ريتز

وحجزنا اقرب طياره
والفنادق على كيفنا
ولعبنا لعب بالطيران
وطلع علينا ارخص من السيد ؟+ منطقه خامسه ؟


والحين بروح العصر
اشوف السيد الزززززززفت :eh_s(13):
بناخذ اوراقنا
واروح مره ثانيه سفريات ريتز
استلم التذاكر


وعقب اقول لكم
شنو يصير ويااي

 

[منوووووله]

واااااااااااااااااااااااااااااااااااااااااااااااااااااااااااااي حاااااااااااااااااااااااسه

فييييييييييييييييييييييييييييج ياقلبي وانشالله اتعووضونها بسفره ثاانيه

 

[fozfoz]

لاحول الله

الله يعينكم بعد شتسوون حسبي الله عليهم

 

[أم فرووحة]

برلنت والله قصتج عورت قلبي

عاد اول سفره ويا ريلج المفروض احلى سفره!! يله ربي يعوضكم ان شاء الله بسفرات احلى

دبدوبه زين سويتي فيهم قلتيلهم هالكلام..

ترى ما عليج منهم صم بكم تلقين من كلامج قاعدين يغلون من داخل

اهم شي قوليلنا اشصار عليج خذيتوا فلوسكم ولا طلع ماعندهم رصيد ههههههه

و اول مره اسمع بسفريات رتز..دام تتعاملون معاهم من عمر ان شاء الله بنجربهم..

صج السمعه تسوي شغل

 

[*دبدوووبه*]

أليكم اخر المستجدات


:eh_s(13): وكالعاده يدقون علي سفريات السيد وانا نايمه

كلمني واحد

قالي اختي

اذا القروب اكيد اكيد طالع بتاريخ 27-7
تروحين

جان اقوله والله العظيم :

شوف عاد ذبحتونا بسكم جذب
ملينا منكم ومن كلامكم الي مافيه حتى صراحه
من شهر 6 وانا متبهذله وياكم
بسكم عاد شنو انتوا ؟
تلعبون بالناس ولا تلعبون بأعصابهم :eh_s(14):
قالي على راحتج << طبعا كليته لوووووووووووول
وقالي خلاص تعالي استلمي الفلوس كاااامله
قلت له كاش ولا جيك
قالي لا اختي كاش كاش احنا قلنالكم جيك شوفوا شسويتو فينا
قلت له : تستاهلون

طبعا انا والله يابنات تعبانه والله تعبانه


امي قالت لي تعالي ويانا لان انا ازفهم
قلت لها شوفي ويهي
والله عييني حمررر ومتفوخه ومو نايمه
عملتها بالتفصيل الممل
شنو تسوي

راحت السفريات اخذت الفلوس
طبعا شافوني مو وياها
كانوا يقنعونها انها تكمل بالقروب
بس ماوافقت الحمدالله
وراحت سفريات ريتز

الله يعطيه العافيه الي نعرفه اهناك
سوالنا رحله
وفنادق خمس واربع نجوم
و4 مناطق سياحيه + طيران داخلي
وعلى الاماراتيه
ماطلع علينا 800 دينار


وباجر بروح
استلم التذاكر الأكيده
ومع حجزات الفنادق
واكمل لكم مشواري الحزين

 

[زلابيا]

والله عفيه عليج شاطره

والحمدالله خذيتوا فلوسكم وان شاءالله اتعوضونها بسفرتكم اليايه

بس ليش ليلحينج زعلانه؟؟

 

[*دبدوووبه*]

مشكوره زلابيا

والله يازلابيا خايفه
يعني احنا ما معانا قايد
واهناك ماكو انقليزي


والي مزعلني اكثر واكثر

توحه ماراح تكون وياي
ولا بنت شربت

بس ان شاءالله نعوضها
بسفره ثانيه يارب

 

[Suwi]

3ssaa an takrhoo shy2aan fahow kheroon lakoom

allh y3nech :/ 7bobaa o t3wathonhaa inshllah

bss mshkoraa nabhtena 3ala el ssfrayat el t3bnah

 

[*دبدوووبه*]

الحمدالله يارب
اكتشفنا الخيره الي كانت لنا
ان السفريات نصابين
وفوق هذا
اكبر سفريات طلعت اتجذب
مادري ليش ؟

والحمدالله بروحنا ضبطنا امورنا
اول مره واخر مره نتعامل مع قروب
او سفريات غير سفريات ريتز