حظ الجلايح بالسما لايح وحظ الملايح بالارض طايح

[أستغفرالله]

يااابنااات ترى الجمال والجكر والله ماله شغل المسأله

مسألة نصييييييب ??هذا اولا


ثانيا البنت الي قلتي سالفتهاااا ترى الرياجيل يبونهاا بس عشان لغرضا مااا واذا شبع منهاا بيحذفهاا مثل الكلب يكرم السامع بس هذا السبب
الوحيد مووعشان حظهاا قايم لا والف لا ومهما كان
الرجال مايرضا يعيش ويثق بوحده خفيفه مثل هذي
اعوذب الله الله لا يبلانا


عشان جذي أنا ضد المثل
لانهااا مسألة نصيب

 

[إم بــــرٍآك]

ههههههههههه سسوري بس سالفتج ضحكتني آيه والله صدقتي وزيديه المثل إلي يقول فوق شينها قواة عينها

 

[مس قطريه]

ياحبيبتي :
أنتي وأختج ببساطة لاتطالعون اللي في ايد الناس ،
يعني اهي متحسفة عالريال لأنه ماعطاها ويه ؟ ولي شافها
ولا رقّمها بتستانس؟ ولاحابّه تصرفات رفيجتها أن تخون ريلها
و اللي رايح واللي راد يرقّمها ؟ الحمدلله أنها صاينة نفسها عن
نظراتهم وترقيمهم وسوالفهم اللي ماتخلص ْ..

مقولتج صح أحياناً ، لكن بالأول والتالي هذا قدر ربّج ،
كل شي نصيب ورزق من عنده ، ومتى مابيي رزقج بيي لي
عندج وبأحسن شكل بعدْ ..

الحمدلله دام مب قاصرنكم شي لاتفكرون هالتفكير ، وخلّوا
كل شي يمشي على طبيعته ورزقكم بيوصلكم لين عندكم

هلا اختي سوري بس إحنا مؤ قاعدين نطالع اللي بيدها انتي فاهمه الفكرة غلط إحنا قصدنا ان الناس الشينه

تصفى بالنهائي ع الزينه وأنها هي او غيرها البعض شينه نفس وشكل لكن حظوظ

شاكره لج

 

[مس قطريه]

لوووووول يا جلكن حلواااات لا تزعل وون لوووول



انا مؤ قصدي بس هي انا لو أعطيكم امثال تنتفووووون شعوركم





بس ذي نقطه في بحر




يعني مثلا وحده من أهلنا خابزتها عدل والله لا شكل ولا أخلاق ولا ذوق ولا تربيه ولا ديانه ولا شخصيه ومطيوره وكل شي



متزوجه ٩ مرات ولا هي اللي تطلب الطلاق ويوم نسال ليش تقول ما بقى فيه شي



لانها ما شاء الله الله يعطينا ويعطيكم متزوجه هواااامير الخليج




هذول اللي تشوفوونهم بالجرايد والتي في ولااااا كلهم اصغر منها




وهي فبها ٤٠-٤١



ويوم تجمع خميره وهو يحس انها ع طمع تطلب الطلاق قبل لا يشحططها






وكأهي عايشه من افاهم




حتى وحده ثانيه من الاهل قمر ١٤ وأخلاق وأدب وما شاء الله كنت اتمناها حق اخواني بس ما حبت تتغرب المهم




تزوجت ذيج الزيجه اللي الكل يفكر انها بتعيش سعيده


ثاني شهر مطلقها وغيابي ولا قاص. ع هذي مال الاصلاح ومعطيهم بيت مؤ بيتها



و تطلقت وهي ما تدري وكانت في بيت اهلها ع اساس زعل دخلت البيت لقته متزوج ذيج الشيييييفه


كانها من العصر الحجري ولا درت ان طلقها الا بعد ٣ اسابيييع


وذيج كانت ماخذه ٤ رياييل وعندها ٦ يهال واكبر منه






حظووووظ همممممممم

 

[زينه الفضلي]

حبيبتي معروفه الله ياخذ ويعطي وماكو انسان كامل يعطي جمال و ياخذ غيره يعني ما يصير نكون كاملين مكملين ..وانا عن نفسي و مومدح فيني بس الحمدلله جميله وشهاده ومو ناقصني شي بس مالي حظ
ان شاءالله حظي عند ربي

 

[•ذبحنـے غلـآک•]

هههههههههههههههههههههههههههههه البنت لاجمال ولا اخلاق ولادين وجذي حظهاا (ماششاءالله)
معع وبقوووه
​

 

[أم عبووووودي]

كل اللي قريته ماعجبني لأنه قسمه ونصيب الرازق بالسما والحاسد بالارض ياما شفت جميلات

ومتزوجين جياكر والعكس وفي الزوجين شحلوهم عصافير نشوفهم ماشاالله بالمجمعات وعيالهم

كتاكيت مثلهم اعتقد اللي تفكر هالتفكير الجاهل وتطالع بحظوظ الغير وتحسد بيطيح حظها لوقمر

حسن النيه مع احترامي لج الامثله اللي حطيتيهم مومثال للحظ الطيب مثال لسوء حظ وخلق بعد

الله لايبلانا هالحريم موبس فاسقه فاسقه وتجاهر بالفسق !!! متزوجه وتعطي مجال للرجال لوصف جمالها

ومملجة وتجاهر بمعرفة شباب هذي امثله لحسن الحظ !!!!!

 

[أحلى البشر]

بالعكس الريال لين بغى يتزوج قال لأمه ابي مزيووونةةة والام تييبله احلااا البنات والحلوات اهمه اللي ينخطبون ويتزوجون واهمه المرغوبات

عمركم سمعتوا ريال يقول لامه اخطبيلي جيكرةة !!!
ولو كان هالكلام صح جان ماشفتوا البنات يراكضون بعمليات التفخ والنوادي والتجميل كل وحده تسنع بروحها وتكشخ عشان تنخطب قولوا بعد لا مو صحيح !!!
وبعدين مايجوز نتطنز ع خلقة ربي هذي سوداا وهذي بهاق أولااا قادر ربي يشفيها ويبتليج ! ثانيا هذا حسسسد لاتطالعون بنعمة غيركم ماتدرون ببيوت الناس شنو من هموم ..!

واخيرا : ربي سبحانه عادل مايظلم انسان حاشاه,, كلنا ناخذ حقنا بالدنيا وزياده واذا مو بالدنياا آجرنا موجود بالأخره انتوا بهالطريقة تضيعون الاجر كله وتعترضون على قسمة ربي وهالشي مايجووز

 

[مُخملْ]

هلا اختي سوري بس إحنا مؤ قاعدين نطالع اللي بيدها انتي فاهمه الفكرة غلط إحنا قصدنا ان الناس الشينه

تصفى بالنهائي ع الزينه وأنها هي او غيرها البعض شينه نفس وشكل لكن حظوظ

شاكره لج

حبيبتي ، ماقصدتْ بس من كلامجْ هالشي مبيّنْ
عالعمومْ أنا كان قصدي أن كلّه رزق من اللهْ لا الشكل
ولا أي شي ثاني يغيرونْ من قدر ربّجْ
صَحْ أحياناً يكون الشي نفس اللي تقولينه لكنه يظل رزق
وحكمة من اللهْ مانعرفها

ربّي يحفظجْ حبيبتي

 

[قمر بيت أبوها]

مس هالموضوع حراق بالذات لفئة المتردي حظها
انا بقووووه مع هالمثل من واقع التجربه
ماودي اكتب اخاف احش والله بس باذكر علي سبيل المثال
اعرف وحده حتي قهوه ماتعرف تسوي ووصخه النظافه والنتف وسوالف البنات ماتعرفها الا بالعروس والشهاده ثانويه عامه و الله ان حظها بالسماء ساكنه جنب اهلها وزوجها يدير اعمال خاصه وعندها شغاله وذابحينا فيها كشخه ورزه والله لو شايفين وصاختها اللي انا شفتها كان المدح بح
واعرف بنات نظافه وذرابه ودين ومدرسات وماتقول غير سمي ولبيه وحظوظهم بالارض مع الاهل والازواج
وغير سالفة الخاينه واللي عنده الف علاقه الناس ماتخلي شي ماتمدحه فيها والمسكينه اللي صاينه نفسها مايخلون شي بسمعتها الا قالوه
واللي تكرف عمرها كرف لاهلها وزوجها يقولون ماسويتي خير قط
واللي تنتف اهلها وزوجها وماتحشم لكبر ولا لصغير ولسانها يلوط اذانها ياحبي لها ماشفنا مثل فلانه
قالواه الدنيا ماتعز الا الرخوم

 

[شذونه]

اول شي موضوعك وسالفتك تهبل ضحكت ياقلبي

لووووووووووووووووول


ثاني شي معك وبقوووووه


ياما شفت وشفت


بس كل شي بيد ربي وله حكمه

وبرجع اصوت لان البطاريه بتخلص لووووووووووووول

 

[مس قطريه]

شاااااااااكرة لكم




اب اب

 

[بطوووطة$بيضة]

وييييييييي خبركم عتيج

حبايبي الحين ماكو شي اسمه حظ الحين فيه سحوره يسوووونها

ووايد اعرف بنات يسووون سحورة علشان اييبون احسن الرياييل

 

[عادت ذكرياتي]

سبحان الله حتى آنا ملاحظة جذي لوووووووووووول بس الله أعلم


تلاقينهم حتى لا سنع ولا لبس ولا تعرف حتى اسمها يمكن خخخ وحظها فوق ^_^


وبالاخير هذا نصيب %%%

 

[Patcholli]

نظرة الريال تختلف عن نظرة المرا


وفي بنات على قولتج تكون جيكره بس تصرفاتها وحركاتها ونظراتها ولبسها وتلفتها وكسرة الرقبه تبين اهي شنو نمونتها من جذي تشوفين الرياييل راكظين وراها

 

[مس قطريه]

اي والله اخييييييييه ع الجرح

 

[T R F]

يوووووووووووووووه ... شكثر ... انا كنت مثلك محتاره بالامر ... اقول ليش هم تمشي حظوظهم وهم بالسليم وفوق السحاب ... ماهو حسد لا والله ... بس امر غريب وياكثرها يخلي الواحد بحيره ....

الين اكتشفت شي ماتصدقينه




ترى كل القبيحات .... داعي لهم الرسول ..... وفيه نص لحديث ... لكن للامانه ماني حافظته ....

انا قريته ايقنت بكل شي .... وكلت امري لله هو المدبر

وبزيد عليها ترى نظرة الرجل ومقياسه للجمال يختلف كثير عن نظرتنا احنا البنات لبعض

 

[nour el denya]

أنه ضد إلي قلتيه هذا نصيب و ترى يعتمد على شخصيه المراه
يعني مثلا إذا وحده خذت ريال مو زين ماتذكر عيوبه و تصبر عليه و تلقينها من النوع المتفائل إلي مايعرفها يحسها سعيده معاه و أن اهو معيشها أحسن عيشه
و في حريم بالعكس لو شنو يسوي الريال ماتقول و تشوف إلا عيوبه هذي تحسينها تعبانة و شقيانه

 

[فتومآ]

اممممم بس مو شرط جيكررة يعني الله ماعطاها اخلاق وذرابة !! ياما جياكر بس سنعات وذربببات واخلاق :eh_s(7):

اي والله بهذي صاجه

صج حرام
انا احس ان الطيبة والمحترمة والثقيلة ما ياخذها الا الطيب حتى لو كان تعامله مو حلو وياها
والملوسنة والحسودة واخلاقها منحطه مع احترامي بياخذها الخبيث والوصخ و"الخروف" @@

 

[ضــمــاد]

من تجربه أحب أفيدج وأفيد البنات .. اللي صوتوا وقالوا ( مع )


من الناحيه الزواج .. فهذا رزق .. وكل وحده الله كاتب رزقها ..



الجمال رزق / الأسلوب الحلو رزق / الزواج رزق / الذريه رزق الخ ..



هالشي خالصين منه .. فكون فلانه الجلحه على قولتج خذت ذاك المزيون .. فهذا رزقها ونصيبها



لكن شلون خلت هالمزيون يتعلق فيها .. اهني مربط الفرس



الجلايح على قولتج .. أغلبهم يملكون شي الملايح مايملكونه


ألا وهو ( الأسلـــوب ) ما أقصد ان الملايح ماعندهم أسلوب .. لالا



أقصد بعض البنات ياخذون القلب بأسلوبهم ..



اعرف وحده متينه وسمره .. وموظفه بوزاره .. تبارك الرحمن لا اله الا الله عليها اسلوب ياخذ القلب من حلاته


تدرين اشصار بالنهايه .. تززوجة واحد منصبه كبير بالوزاره ..