حظي مع صديقاتي

[جوك احلى جو]

يا حبيبتي الدنيا تلاهي والاصدقاء الحقيقيين ماتعدون اصابع الايد الوحده

 

[Lemon Juice]

الحين محد لحد , الخوات اللي اهم خوات شوفيهم كل وحده بوادي .. فما بالج الرفيجات !
انا ماقول الكل.. بس هذا اللي منتشر هالايام
والدنيا وايد اتلهي.. انا أهلي ماشوفهم الا من عيد لعيد ( خوالي عمامي ....الخ )
ما أستغرب من شي.. وموضوعج جدا ً عادي وسايد بشكل كبير

ما لنا غير الدعاء وعسى الله يرزقنا على قد نيتنا إن شاء الله

ولا تاخذين بخاطرج حبيبتي انتي.. هذا حال الدنيا

 

[dl3 q8]

صراحة انا عندي رفيجات شكثر و احبهم و يحبوني بس ما ندق على بعض علشان نقول مشتاقلج و احبجو ما ادري شنو

اتوقع الرفيجات كلهم جذي خصوصا اذا كاان معاج بالمدرسة او الجامعة على طول متواصلين كل يوموجيهنا بوجيه بعض ما ندق على بعض الا اذا بغينا شي


حبيتي عادي بس انتي حساسه

 

[غربــــة اِحساس]

عادي عندي وعندج خير

المعارف بشكل عام مو بس الصديقات مايعرفونا الا وقت الحاجه

والدنيا مشاغل وكل من يركض ورا شغله ومصالحه

وسعي بالج ولاتتضايقين ابد خلي الصديقه الوفيه لج (انتى ) وبس : )

ورفيجاتج واصليهم واخدميهم بالمعقول لا يكلف الله نفسا الا وسعها ولاتجاملين على حساب نفسج

وحطي لكل وحده منهم عذر ولا تتشرهين ابد وحاولي تعاملين بالمثل الي يوصلج اوصليه

ولاتفكرين فيهم دايما يعني خلى بالج مشغول باشياء وناس اكثر اهميه منهم ..

موفقه لكل خير : )

 

[*بسبوسه*]

الدنيا فيها الشين والزين
احنا مرات ما نشوف شغلات بنفسنا ونعتقد اننا افضل الناس واحسن 00معن يمكن فينا عيوب محد يقدر يتحملها
انتي اسلي اقرب الناس لج مثل بنات خالتج او خواتج قولي لهم شنو اكثر شي يغثكم فيني000لا تضحكين بالعكس انا اسوي هالشغله عشان لا أأذي غيري بتصرفاتي
بعدين اذا بترافجين ديري بالج من الاستغلال 00انا فيني عيب اني ارافج ناس واجد بس اقدر انقي بعدين منهم الزين واطرد الشين00بس مع هذا ما اعطي احد اكثر من الازم
يعني سالفت الرصيد قويه شنو هذي شحاذه
خليج حذره بالتعامل اهم شي لا تعطين احد اكثر من قدره ومع الايام راح تلاقين وحده ترتاحين لها
وانتي اثرتي نقطه مهمه انه يمكن العيب منج000صحيح يمكن هالشي بس لا تزعلين من نفسك وكلامي
اخذي هالمثال عندي وحده من رفايجي قالت لي مششكله مرت فيها وهي:
في وحده من رفايجها دايم تقول انا البنات يتهربون مني وما يذكروني الا اذا بغو شي ولا بالمناسبات00 رفيجتي تعرفها بعد يعني ضمن المجموعه تقول هالبنت واجد تتشكى وماكو شي مريحها سوالفها اتعبنا نفسيا بس اربعه وعشرين ساعه نعطيها حلول لمشاكلها مع امها بس مع هذا مسيكنه تكسر خاطرنا وطيبه على نياتها عشان جذي الكل مستغلها او بالاصح راكنها لوقت الفراغ والعازه

انتي يمكن ما فيج شي ويمكن فيج عيب وترى محد خالي من العيوب بس مثل ما قلت لج اسلئي اللي حولج واذا رفايجج صج ماخذينها مصلحه طنشيهم ودوري غيرهم الدنيا كبيره والمنتدى مشالله متروس بنات فيهم الخير والبركه

اتمنى كلامي يكون خفيف وعسل على قلبج

 

[نيران]

انا بعد مثل حالتج اتمنى اسمع رنة التلفون بس بناتى 24 ساعة يدقون على اذا طلعت مشوار لو للفرع اللى ورا بيتنا بس انا صراحة اعانى من مشكلة انى ما احب اشيل التلفون وادق على احد تلقينى اذا ابى شى ضرورى من اى وحدة ادق وقبل لا اكمل الرقم اسدة بص ر ا ح ة احسد اي وحدة القاها ماسكة التلفون بالسووووق بالجمعية باى مكا ن ومانى عارفة احل هالمشكلة يا لييييت تسااااااااااعددددونى

 

[ام نوني]

الصراحه انا بعد اعاني من هالمشكله ....
بس انا عن نفسي والله يابنات مومدح فيني بس الصراحه هذا طبع فيني اني اذا رافجت اعطي وقتي لرفيجتي معن اني متزوجه وعندي بنت عمرها 4اشهر بس اعرف انظم وقتي بينهم حتى مرات البنات يقووولون لي انتي شكلج مو متزوجه
وعندي الصديقه الي تعاملني مثل معاملتي لها اقسم بالله اني ماأبخل عليها بشي كل شي فدوه لها بس وين الي يقدر

 

[chupa chups]

بالزمن هذا صاار الكل يركض ورى مصاالحة انتي بدااام عرفيتهم جذي لا تنفذيلهم كل طلب يطلبووون ترى جذي راااح يزييدون طلاب عليييج خلي يحسوون فييج وبقوتج انج تقدرين تردينهم عارفة انهم قااعدين يتمصلحوون

 

[صدى الاشواق]

واي حالتج من حالتي

انا تعبت من الوحده

 

[نينا ريتشي]

وانا بعد رفيجاتي جذي حق المصلحه يدقون اشكررررررره فقمت اطنشهم وارتحت منهم وشغلي نفسج باي هوايه ثانيه وخليهم اهم يفقدووونج اذا طنشتيهم

 

[$نسيم الصباح$]

أشكركم علي مشاركاتكم ,,,,
بصراحة غيرتو قناعاتي كنت اظن إني الوحيده إلي تعاني من هل مشكله,بس أكتشفت إن كثيرين مثلي
غيرتو نظرتي لهم أول علي بالي هم أسوء رفيجات بس ألحين أقتنعت فيهم . علي الأقل عذرتهم

 

[درر_مضيئة]

واي حالتج من حالتي

انا تعبت من الوحده

 

[اطياب طيبه.أم عبدالله]

حبيبتي كلنا جذيه الدنيا تلاهي مثل مايقولون
الكل لاهي بحياته
جان زين الوحده منا يكون لها صديقه يوميا تحاجيها

 

[الخ ـير]

لوخُليت خُربت ..
صدقيني في صديقات لكن هو يكون على اختيارنا
يعني الصداقه كلمه موسهله ولا اي شخص يستحقها
فعشان جذي لازم يكون اختيارنا صح
فأنتي مع العشره بتعرفينهم صج ااذا صديقات او لا ..


واذا تبين شيء انا حاضره يالغالية

الله يكتب لج الرفقه الصالحه يارب ويسر عيونج فيهم

 

[pineapple]

عطي الدنيا والي فيها طاف حتى لا تكونين آخر المطاف

من صجك اعور قلبي هذا ضحك معاي ولا سلم علي


عادي عادي عادي انسي وخليج مرنه

 

[كويتيه مذهله 87]

لا حبيبتي مو منج

هالزمن بنات اكثرهم ييحبون المصلحه

 

[shayma]

إنج تلقين صديقة تسأل عنج على طول وأخت دنيا صعب جدااااااااااااا

أنا كنت على طول اتصل وأسأل على رفيجاتي واركض وراهم

الحين بس بالمناسبات

لأني اكتشفت إني إذا ما أسأل ما يسألون وما يهتمون للأمور المهمه عندي مثل ما اهتم فيهم

قلت أسوي مثلهم

بس بصراحه واااااااااايد ضايق خلقي لأني اتعودت عليهم واعتبرهم خواتي بس......

الله كريم