حظي مع صديقاتي

[$نسيم الصباح$]

شلونكم يا بنات ياحلوات​

ودي أطرح عليكم مشكلتي مادري إذا في أحد يعاني من نفس المشكله
أنا مالي حظ برفيجات سبحان الله
رفيجات مايسألون عني إلا إذا بغوا شي مني محد يدق علي لأنه مشتاقلي أويبي يسمع صوتي
مع إني والله ماقصرت مع ولا وحده فيهم دايمن أوقف معاهم بس هم إذا أحتجتهم ما ألاقيهم أيام طويله
تلفون يظل صامت محد يدق عليه ولاحتي بمسج أستغرب أقول لنفسي ليش حظي مع الناس إلي أحبهم جذي صدقون من فترة طرشتلي وحده من رفيجاتي مسج تبي من رصيد لما طرشتلها رصيد طرشتلي بمسج شكرا وبس بعدها ماسألة عني . وأنا عارفه حظي برفيجات حتي لو أتعرف علي وحده جديده راح تعاملني نفسهم . سعات أشك بنفسي أقول يمكن أنا دمي ثقيل أو يمكن أكون مليقه من وجهة نظرهم
ماري ليش يعاملوني والله أنا دايمن أدق وأسال عنهم وأعطيهم أخلص لهم من كل قلبي.
ودي تشاركوني بمشكلتي في أحد يعانيها مثلي .
لا تبخلون علي بمشاركاتكممممممممممممممممممممممممممم.

 

[دلـٍ Dl3 ـٍع]

عادي حبيبتي يمكن الناس تنشغل عنج شويه
ولاتصيرين حساسه زياده عن اللزوم بعض البنات جذي
مايتفرغون لصديقاتهم بعض الاوقات
بس انتي لاتصيرين حساسه يمكن مايدرون انج تعانين من هالشي وتقدرين تصارحين وحده فيهم

 

[الاسطورية]

هذي معاناه الكل موبس انتي ماعمري شفت بنت ماتشتكي هالشكوا الدنيا تلاهي صارت خلاص الاهل ماقامو يسالون عن بعض تبين رفيجه تسال

 

[$نسيم الصباح$]

هذي معاناه الكل موبس انتي ماعمري شفت بنت ماتشتكي هالشكوا الدنيا تلاهي صارت خلاص الاهل ماقامو يسالون عن بعض تبين رفيجه تسال

عزيزتي الأسطورية أشكرج علي مشاركتج
بس الإنسان بطبعه يحب يعطي وياخذ يتعب إذا عطا علي طول
وأنا عطيتهم وكان ودي يردون لي الجميل ,ويمكن يكون كلامج صحيح الأهل ألحين مايسألون عن بعض

 

[الاسطورية]

اي انا مثلج عطيت لين قلت بس يمكن اهمه يحبونج ويعزونج بس صار طبع الناس ماتسال ومايشوفون بعض الا بالمناسبات

 

[مرتاحه وآكل تفاحه]

حبوبه حاولي تكثفين صداقاتج
تصيرين اجتماعيه
اي مكان تروحين له حاولي تسولفون فيه دخلي مع الناس
اذا كنتي موظفه راح تكون عندج صداقات واااااااااااااااااااايد
وحتى اذا كنتي غير موظفه
هم تقدرين تتعرفين
اذا رحتي عرس او انعزمتي على عشى او حفل استقبال راح تشوفين بنات وايد حاولي تتعرفين من السوالف والضحك تبدي التعارف
مو شرط بتقين مع ناس معينين
حاولي وجربي راح ترتاحين اذا كثفتي صداقاتج
وترى الناس مو مثل اول
صارو الحين بس يجوفون بعض في المناسبات
الناس تغيرت والنفوس تغيرت والله يكفينا الشر
واتمى لج الخير من كل قلبي
وبالتوفيق يا رب

 

[معكرونه أسبكتى يم يم]

ياقلبي قلبج صارت الدنيا تلاهى ومع هاليهال صار الواحد ينسي نفسه فاكيد الناس تنشغل .........

انا من اقعد من النوم وانا مراكض ورا هاليهال وزين منى القا وقت احاجى امى فيه .... وخواتى يالله كل يومين اصيد وحده ورفايجى بالشهر يالله اذكرهم..........وكلهم ترى احبهم بس والله الواحد يضيع مع المدارس وهالجمعيه غير دوانيه المعزب غير هذى عليها حراره وذيج تكح يعنى لووووويه طول الوقت

فلا تزعلين لاتاخرو عليج خليج احسن منهم ودقي وسالى عادى

 

[moooon]

ماكو بهالزمن صداقة عدله نادر ماتلقين صديقة على قلبج

انا توني هاده رفيجتي والسبة اني اسولف لها كل شي وهي ماغير ساكته ولاتعطي من قلب

شلي حادني اعاشر صديقة قلبها مو على قلبي

فا طنشتها وصكيت بابي ولا عاد ابي اكلمها ودقت علي بس مارديت
الحين انا مرتاحة الحمد لله ولامنة احد

 

[نداوي]

نفس الحاله الشكوى لله بس مو رفيجاتي خواتي

 

[lala2]

والله ياختي انا همن مرات احس بهالاحساس الكل لما يحتاجني يلقاني ولما اكون بحاجة ما القى احد واتعذب نفسيا واقول بقاطع الكل بس لما تمر فترة اندم وارجع واقول يمكن انا ظروفي احسن من ظروفهم وهم لاهين بظروفهم فاحط لهم العذر وارجع اتصل مع اني انا بنفسي مرات الهى ويمر وقت ما اقدر اتصل وانحرج لما تجي وحدة من صديقاتي تعتب علي
فعرفت ان كل واحد وله عذرة وماقمت ادقق بهالشغلات اللي يتصل حياه الله واللي يصد مايشوف شر الواحد مو ناقص عوار راس....

 

[الهما]

اسمحيلي حبيبتي
بس مادري ليش حسيت من كلامج ان رفيجاتج ماخذينج مصلحة
يعني انا عن نفسي مهما كانت الميانه مع رفيجتي ما اطلب منها رصيد....اي شي... في ب بدينار و نص و تقدر من البنك تعبي تلفونها .... اخاف انهم ماخذينج مصلحة .... جربي قوليلها علة يوم ماقدر عندي ظروف ما عندي رصيد شوفي شنو ردة فعلها ... اهني يبين الصديق اللي يسوى تستمرين معاه او انج تتركينه بالمرة
و افا عليج احنا اهني بالمنتدى كلنا صديقاتج سولفي معانا انا اقعد على المنتدى اكثر من قعدتي مع صديقاتي

 

["النووور"]

الكل لاهي بنفسه وبشغله وبعياله
الكل لاهي بهالدنيا عادي حبيبتي انا أعاني نفس معاناتج بس موبالضبط
انا يمكن عندي أحد يدق علي بين فتره وفتره بعيد يعني مودايما لمن ماعندي صديقه كلوز تسأل عني دايم !!
مرات والله أقول نفس كلامج بالضبط أقول يمكن دمي ثقيل عليهم !!
والله مادري تعبت وانا أفكر وأدور صديقه بس ماكو

خلج عادي لا تتأثرين ومشي حياتج واستانسي ترى هذي الدنيا الكل لاهي بنفسه

 

[brettey]

ويه انتي جنج انا مايبوني الا للمصلحه

 

[& دلوعه حمد&]

لا انا بلعكس والله بعضهم عسل وبعضهم انا امل منهم بصراحه

بيس على العموم اقوللكم واقول لنفسي لا تثقين في احد

مهما كاانت مخلصه مستحيييل من قلب صدقوني

وتكذب عليك الي تقولللك افلانه انتي صديقتي المقربه وانتي صندوق اسرااااااااي

هذا كله باطل وادعااااا لكن مثل ماااااااقلت الله فوق الجممميع

ويعلم خااااااااائنه الأعيين ما تخفي الصدور***

 

[شندوخه]

ليش ماتبادرين بالسؤال عشان تبادر الناس بالسؤال والاتصال والمسجات

 

[العجيبة]

نفس الوضع والله :dddds: بعضهم يدقون يبون كرت اعبي لهم وبعدها لا يدقون ولا شي وبعضهم وربي ادري فيهم يتمصلحون عشان يبون شي مو لله ، والله مليت ودي بصديقة صرت شكبري وللحين ما حصلت صديقة ههههههههه شكلة ماكو الظاهر :dddds: . الله كريم الله يوفقنا كلنا .

سلام .

 

[اشواق2008]

الناس كلها جذيه الخوات وهم الخوات مايسئلون عن بعض والجيران الكل جذيه الحياه كلها جذيه اذا احد يبي شي يعرفونج ويسئلون عنج
نصيحه لاتشيلين بقلبج وخليهم عنج الي يتصل يبي شي طنشي فيه ولا تعطينهم وجه والي يسئل عنج سئلي عنه والي مايسئل طنشي عاملي الناس بالمثل

 

[سويس رول]

انا ماعندى صديقات بس وحده معاى بالدوام ابى صديقات ابى تلفونى يرن احد يتصل يسأل يفقد ريلى لاهى بشغله وخواتى بعيالهم وانا بس البيت وساعات من ضيقة الخلق أقعد اسولف مع بنتى عمرها سنه وبعد قلبى اكلمها تبوسملى وتسويلى باباى

 

[Eng.shosha]

حبيبتي انتي كسري عينها .. كل جم يوم دزي لها مسج حلوو .. آنا جذي اذا رفيجتاتي نسوني أدز لهم مسج كشخه عشان يذكروني ويسألون عني

ويمكن عندها ظروف هالفترة !

 

[عاشقة الرشاقة]

نفوس الناس تغيرت ............