حط لي منوم عشان يطلع لأصدقائه

[سارووونه22]

حبيبتي اغلب ردودج قاعده تبررين له خلاص اذا انتي حاسبتها شي عادي ولا كنه صاير شي بس انتبهي ممكن كان يصير فيج شي قوي حزتها شنو كنتي بتسوين ممكن البيت يحترق لا سمح الله يمكن ولدج يمرض شي من مناك الله لايقدر بلنهايه الله يهديه لانه صج يخرع ريلج

 

[*Pink Girl*]

انا مو قاعده أبرر له ومين قال لك ان انا أشوفه شي عادي
بالعكس انا مره متضايقه منه وهو اعتذر لي مره ثانيه لكن ما قدر أنسى حركته بسهوله
لاني منصدمه

 

[مـوعــوده]

رومانسية ابوسروال وفنيله مصيبه هههههههههههههه

الله المستعان بس

 

[Royof]

صراحه حركته غريبه ينومج وممكن فيه ضرر عليج عشااان ربعه !!!!!

لي هالدرجه خايف منج ولا شنو ؟؟؟ جم عمره ! لايكون قبلتي اعتذاره ؟؟؟

حتى لو يبي راضيج لازم تعصبين وتبينين له انه مو شي عادي اللي سواه فيج والله الله يعينج

 

[*Pink Girl*]

الله يعين
انا عمري ٢٦ وزوجي ٢٩
لا ما قبلت اعتذاره الى الان زعلانه

 

[الغريقه]

هلا أختي

اول شيء تعوذي من ابليس وماله داعي تزعلين بس قولي له ان الشي اللي سواه ضايقج

... وتذكري قول الرسول صلى الله عليه وسلم ( ما كان الرفق في شيء إلا زانه ، ولا نزع الرفق من شيء إلا شانه ) ...


وسعي صدرج على ريلج والله يسهل عليج حبيبتي

 

[NFoOLEe]

الله يهديكم على بعض ويسعدكم ..
انا من رايي عاتبيه قوليله فرضا صار شي لا سمح الله او انا اتضرر من مفعول الدوا مع الكولا وحركتك كانت غلط بس الحمدلله الله ستر وماصار شي ..
عاتبيه وفهميه بس لا اطولين الزعل عشان الريال مايقول انا لمن اراضيها ماترضاا وبجذي ماتفرق معاه اذا راضاج او لا

 

[NFoOLEe]

الله يهديكم على بعض ويسعدكم ..
انا من رايي عاتبيه قوليله فرضا صار شي لا سمح الله او انا اتضرر من مفعول الدوا مع الكولا وحركتك كانت غلط بس الحمدلله الله ستر وماصار شي ..
عاتبيه وفهميه بس لا اطولين الزعل عشان الريال مايقول انا لمن اراضيها ماترضاا وبجذي ماتفرق معاه اذا راضاج او لا

 

[نُوف~]

ياااه بصرااحه زوجك غبي مع اعتذاااري

طب هو مشتاااق لاصحاابه و انتي اي يوم يمديك تسهرين وياااه < اوكك لين هنااا ماغلط

تدرين وين غلطته انه كذب عليك و قال لك بسهر معاك وهو بيطلع

قولي له انا مايهمني نسهر ولا لا و لاتطلع مع اصحابك وتتركني
انا يهمني ليش تقولي طيب وانت مخطط لشي ثااني

والله يعينك

 

[نُوف~]

وكماان برأئي تطولين بالزعل عشان يعرف ان رداات فعلك مو هينه ومعاد يفكر يسوي شي ويحسب
لزعلك حسااب ..

 

[*Pink Girl*]

أشكر كل الي تفاعل في موضوعي
انا وآخر المستجدات امس جيت من الدوام وسويت الغدا
وخلصت الساعه ثنتين وزوجي رجع من الدوام الساعه ثلاث حطيت الغدا وتغدينا وانا ساكته
ما أسولف وأضحك كعادتي وهو ساكت ما كان سيسولف خلصنا قمت شلت السفره وغسلت الصحون وسويت الشاهي
جيته في الصاله كان جالس على التلفزيون حطيت له كوبه و جلست في مكان بعيد عنه حطيت السماعات وجلست على الأيباد

شرب الشاهي وقال لي بروح أنام قوميني بعد ساعه ونص قلت له طيب وانا عيوني في الأيباد
ولما إذن المغرب

 

[*Pink Girl*]

سويت لزوجي القهوه حطيتها في الصاله
وكلمت السواق يجهز السياره لاني مره في الشهر في الويك اند أنام وانا وأخواتي المتزوجات عند امي

جهزت شنطتنا انا وولدي وغيرنا ملابسنا صحيت زوجي وقلت له انا بروح لامي قهوتك في الصاله

وانا الان هاليومين عند اهلي ارسل رساله امس فليل وقال تسلم يدك امس الغدا يجنن ًالقهوه مضبوطه

رديت

 

[*Pink Girl*]

.
بالعافيه

ارسل لي الله يعافيك اذا رجعتي للبيت السبت عندي لك مفاجأه

 

[مدّهره !]

الله يهديه وويسخره لك .’,

 

[mnoooll]

هههههههه

بالعكس بيني له لو تكرر هالموضوع بتصير فيها قبايل لانه ماتدرين الخوف العلاج مايناسبك


وتصرفه عدى على خيييير وكان مره حلوووووو ربي يخليكم لبعض


زوجك يراعي احساسك انتبهي تطولين الزعل عاتبيه وانتهى الموضوع

 

[العطاء عمر اخر]

استغفر الله الردوووووود نرفزتني
دامك مصره على زعلك شحقه كاتبه موضووووع !!!!!!!؟؟
متى بترضين اذا دخلوووه لك مكفن !!؟؟
الحمد لله هذا انتي بعافيتك واعتذر لك وقدم لك ورد شنو تبين بالضبط !!؟؟
الي عليك تبينييين له انك زعلانه من هالشي وخوذي وعد منه مايرجع يسويها :::
ادري كلامي حيييييل قاسي ولو اختي صار لها هالشي راح يكون كلامي لها بهالاسلوب
لاتكرهون الرجال فيكم
مااشوف انك عيبتي عليه غير هالحركه خلاص عفا الله عما سلف !!؟
نصيحه فهميييييه انو هالشي يزعلك وما يرضيك ....
نصيحة ااخت ادحري الشيطان واستانسي معه ماتدرون انتو تعيشووون لبكره ولاالا لكم طولة العمر على طاعته

نصيحه اخييييييره افصلي شخصيتك بالمدرسه عن شخصيتك مع زوجك تراه يبقى طفل كبير

 

[العين ولهانه]

هههههههههههههههههههههههههه
ياحليله زوجك والله انه خطير اسمحيلي بس والله ماقدرت أمسك ضحكتي ههههههههههههههههه
وبعدين خلاص مدامه اعتذر وجاب لك ورد هذا شي كافي انه حس بالخطاء اللي سواه
أنت يالمتزوجات تحطون من الحبه قبه واللي تقول انه مريض بالعكس شكله شخص مرح وراعي فله من اللي سواه
والله يخليه لك ويسعدككم

 

[مايويا]

انسان صراحة مش كويس الانه بعتبر اصدقاءه اهم منك بس ممكن تسامحيه المرة دي

 

[هيبة ملك]

شلون تامنين له. بعد هالشي؟

 

[*Pink Girl*]

الله يهديه وويسخره لك .’,

اللهم أمين
مشكوره على المرور