حطي نفسج بهالموقف @@

[maku-sh'3l]

هذا بالخيال لو ينا حق الواقع اتوقع اموت قهر و اسكت اسوي روحي عادي و بعدين لوووللل

 

[Pippa]

’

والله بالطقاق قصوو المهر ولا سوو العرس بكبره خلي علاقتج رسميه وياهم ..,,!!

ولا تخلين سالفه تافهه مثل هذي اتأثر بعلاقتج مع ريلج .,!​

 

[^^yasmina^^]

حبايبي الي تقول ان الزوجة مو شرط تدري معاكم انا بهالشي والي تقووول ان انا ملجت واهيه مرت اخةي ما تدري هذي يمكن طريقتكم جذي
في عوااايل او فئات بالكويت يعلنووون عن القص مهرررر وما في احد ما يعزمونه
يعني عادات وتقاليد العواايل
والفئات
يعني اغلبية الحضر واحنا العيم مثلا عندنا قص اللمهر نفس حفلة خطوووبة نتفق على كل شي الحريم بوجود العروس ....والمعرس يكون قاعد مع الرياييلل يتفقون بكل شي
وفي عوايل حضر يدخلوون المعرس صالة الحريم ويقعد بكرسي اهوه والكرسسي الي يمه كرسي العروسة يقعد 5 دقايق او 10 دقايق
ويمشي
ويصيرر بوفيه للرياييل وبعدين بوفيه للحريم
احنا طريقتنا جذي
يعني قص المهر اعلان حتى الي ما نعزمهم يدرون ان انا انخطبت

واهل زوج صاحبة الموقف من النوع الي يعلنون بس ما يعزمون

بس اهيه حتى ما بلغووها

وفي عوايل حضر قص المهر يعتبر حفلة خطووبة ويبادلون الخواتم يلبسونها لبعض

بالنسبه لاخوانا والي خواتنا البدو يمكن بعضهم يفرق عندهم هالشي او يعتبرون ان قص المهر خطبة عادية * والملجة اهيه الاساسيه


.


والي تقول ان يمكن بينكم شي لا حشي صاحبة الموقف علاقتها ممتازة وانا اشهد لها بهالشي

وسلامتكم وشكرا على ردوودكم حبايبي

 

[عزتي في عفتي]

مايهمني بطقااااااااااااااااااااااااااق يطقها هي ولدها الي هو زوجي واخته بعد معهم وش لي باللهم انا ريح راسي رغم انه يقهر الا انه يطقاااااااق ولا يحلمون اني بحضر عرسها
ولا ملكتها وقت الجد والكرف واذا يبوني يقولون وه انتي من العايله ليش عازله عمرج واذا فيهم شي ووناسه وفرح كتموا عني مو فاهمه انا مو من العايله ولا ايش يعني هم الي حددون موقعك من الاعراب بالنسبه لهم هههههههه مالي لهم

 

[om MaRyooM]

ماأشره على خالتي ..

أشره على زوجي اللي خش علي لأن ماله داعي




انا مادري ليش الناس صايرة تخش خبر زواجها !!!!!!! فيهم نقص وعقد صراحة

 

[*ريما*]

كيفهم
قالو لي ابارك لهم
ماقالو ماراح ابارك

 

[قــل مـا تـشـاء]

:'(
صج صج حررره في القلب
الله يعييييينج حبيبتي

 

[ام الحوراء زينب]

تم الرد مسبقا حبيبتي
بالطقاق اللي يطقهم
بس الشرهه على ريلج اللي ينكر الله يعينج حبيبتي

 

[Tom ♥ Jerry]

.،


:|

ليش يعني !
هالـ حموله يبطون الجبد مو مآل خير صراحه !
كفي خيرج شرج و سلام سلام

و خليهم مآ يشوفون شر
لا صوغآت و لا غيره دآم مآ عزوج مثل مآ آنتي عآزتهم

 

[بخـــارى]

التصرف حيل غلط من قبل زوجج
وانتي كملي التمثيليه وسوي نفسج ماتدرين
واي شي من صوب اهلج لاتبلغينه

 

[Mia_mIa_miA]

احقريهم حبوبة

 

[توتا حمرا]

أشكال ما تنعطى ويه
أحسن شي الوحدة تصير رسمية مع الحمولة عشان ما تتحسف من معاملتهم لها​

 

[lady D]

العين بالعين والسن بالسن والبادي اظلم ......... عاملييهم بالمثل

 

[افراح صغيره]

الله يعينج

 

[ورده الكرستال]

والله ليش يغبون عليج؟؟؟



ليه مسوين معصيه !!ولا شي حرام!!



عطيهم اكبر طاف ولا تباركين لهم واذا احد اسئلج قولي محد قالي


وبطقاق الي يطقهم

 

[ليـmــونة وردية]

حماتك وخالتك مايبونك تدرين بكيفهم مو أكبر همك
المهم زوجك لما حفظ سر اهله وخصوصيتهم معناها انه رجال حافظ سرك ماينخاف منه ولاينزعل منه بعد ولاتكبرين الموضوع وتعطينه أكبر من حجمه وتعلمي يكون لك حدود بالتعامل مع الحمولة ولاتصيرين حيييل معهم
والله يوفقك مع زوجك ويعطيك ربي على أخلاقك الراقية​

 

[هيبة ملك]

المفروض من نفسج ماتدخلين شئ مايخصك ياقلبي

خليهم براحتهم

 

[اخاف اقول تتغلى]

الله يعينج

 

[flower quen]

انا صرت بهالموقف
بس انا كنت عارفه عن خطبتها
بس حفلة الملكه مادريت الا نفس اليوم
وهم بنات عمي
وطنششت خليت اعصابي بارده
ورحت وحضرت الحفله وباركتلهم

 

[شيخه_البيض]

بالعقل اوكي
خلونا نتكلم باعقل

الي دازتلها مسج اشدراها ؟؟؟؟؟

اكيد في احد قالها صح

يعني ماسووا قضوا حوائجكم بالكتمان

الكل درا

وانتي معاهم بالبيت وعلاقتج زينه معاهم
يعني اتوقع لو يبون منج شيء ولا شيء جان انتي اول وحده عرفتي بالموضوع

لو انا منج والله ثم والله اخلي علاقتي معاهم ام الرسمية

حدي احتريت

بعدين ليش تعتبرون الجنه غريبه بالعكس اهيا ادخلت عليكم خلاااص صارت بنتكم منكم وفيكم ليش جذي تفكيركم

واذا على زوجج عاتبيه على خفيف لاتبينين له انج متضايقه

بس خليج رسمية وسوي باصلج وانتي ماقصرتي معاهم

واللي تقول انا لمن نخطبت ماقلت لمرت اخوي لييش بصراحه الله يعينها عليكم

قضوا حوائجكم بالكتمان عن الغرب مو عن اهل بيتكم

والله يفرح قلبج حبيبتي