حطين او الزهراء

[PuPa^^SWeeT]

السلام عليكم



شلونكم بنات شخباركم


بسالكم اتعرفون حضانة زينة بحطين او الزهرا ؟؟؟



بنات ماراح استحي منكم ابي اعرف جم شهريتها

مو علشان شي بس احب اروح فلوسي مو ناقصة



اذا ممكن اتساعدوني


وماتطنشوني:eh_s(16)::eh_s(16):

 

[PuPa^^SWeeT]

شدعوا بنات ردوو

 

[SiLenT Qween]

أنا مدخله ولدي بحضانه بحطين
حضانة بارني

والله زينه
وبالسعر ٧٠ وبشهر رمضان
٦٠
واذا تبين رقمهم وعنوانهم قطعه ١

 

[SiLenT Qween]

وتذكرت عندهم لبس موحد تشترينه منهم الصيفي ٨ دنانير
والشتوي جنه ١٥ بس والله مو متاكده عدل
والوجبه منهم

 

[Q8_QT]

في حضانة موني فيس بالزهرا رسومها على خبري 120 وحطين في حضانة الرسالة ولدي كان فيها وكانت وايد حلوة ورسومهم 90 بس مادري إذا زادوهم ولا لأ

 

[^ دانة الزين^]

حبيبتي بحطين عندج حضانه الرساله ورسومها 100 بالشهر و الاكل منهم

وبالزهرا عندج اكاديميه ريبورن سعرهم حق الحضانه اعتقد 1300

 

[PuPa^^SWeeT]

@@ 1300 ؟؟؟ظ هذا سنوي ؟؟ظ


الرسالة الحين 90 ولا 100 ؟؟

وحضانة بارني وين رقمهم وعنوانهم

 

[@ام يوسف@]

ااب

 

[N0oNa]

حضانه عالم الطفل وايد قويه و زينه
وماادري اذا راح تحصلين مكان ولا لا لان وايد ضغط عليهم كن كثر ما اهيا زينه و عندهم فرع بالقرين
بالشهر 100 بس يستاهلون يجابلون الياهل و وايد يستفيد منهم انصحج فيهم
بالزهراء

 

[PuPa^^SWeeT]

شرايكم بالدكتور الصغير ؟؟ ؟

 

[ايمان80]

والله حتي انا قاعدة ادور حضانة تستقبل من عمر ٦ شهور ودي ادخل بنتي
صراحة ما اامنها مع الخدامة
وانا وابوها بالدوام

مريت علي الدكتور الصغير وشفت اعلانهم من برة بس مادخلت سألت
اللي عندها فكرة بليز تقول واللي دخلت عيالها حضانه بعمر الشهور هم تفيدنا
وشلون رعايتهم لليهال بهالعمر

 

[PuPa^^SWeeT]

انا شفتها من داخل حضانة اادكتور الصغير
ابلتهم وايد حلوة للي اعمارهم سنتين


ومكانهم مرتب و يقعدون بعد الساعة 2 ثنتينهم يغسلون الحضانة عدل اتشمين ريحة المنظفات و النظافة حلوة


وبعد مكان اليهال الصغار حلو

وفيه غرفة لليهال المرضى معاهم وحدة


واللي شجعني انه صاحبها دكتور علم نفس

 

[ايمان80]

ماتدرون جم سعرها
انا بنتي شهر ١٠ تكمل ٦ شهور ودي اوديها بس اللي يعور قلبي اني اطلعها من الصبح بهالشمس الحارة
واهيا نايمة


والا شرايكم؟

ونظامها بالكورس والا بالشهر
وشلون يعتنون فيها وبرضعتها وشنو يعلمونها والا مايعلمون شي

 

[PuPa^^SWeeT]

بالشهر


100 دينار و 15 فتح ملف


انشالله اتصير زينة