حطو بالكم من ستاربكس الافنيوز !!!!

[اروى77]

تدرون وين المشكله؟
البعض موذاك الزود مع اللغه الانجليزيه (مع ان الطلب مايبيله شي) مو هني المشكله
المشكله ان البعض ينحرج من سالفة انه مايعرف انجليزي ويسوي نفسه فاهم عليهم
واهوه لافاهم ولاشي...فيستغلون الفرصه هالموظفين ويزيدون بالطلب
فالمشكله حلها بسيييييط
تحجو بلهجتكم ولغتكم العربيه واهمه راح يردون عليكم بالعربي جربوووها وشوفو
لان الموظفين الاجانب اللي يشتغلون بديرتنا يعرفوووووووووون عربي
لسبب وهو ان اغلب اصحاب العمل يحطون شرط الالمام باللغه العربيه شرط من شروط القبول في الوظيفه
وبس

 

[krkooora]

حددددددده نصب !!
انا انتبه حق هالسوالف لانه اكره الفلبن و المصاروه ينصبون اشكره عبالهم مانعرف مثلا ولا شنو !!!
عاااااااد تعالي شوفي المصخره لي طحت على واحد مستغفلني ما اطلع من المحل الا ماخذه حقي و زياده
اكره هالنوعيييييييييييييييه
عاد ولا مرة مجربه هالبرانش من ستاربكس شكلي بجربه قريبا و بشوف منو يستغفل منو هههههههه

 

[قفشـه]

بالفعل ماكو اسوء من ستاربكس الافنيوز

انا لي رحت مااطلب الا من كولومبوس او كاريبو

 

[ShaGRa NoiSya]

تصدقون ماكنت ملاحظه بس مره طلبت كراميل مكياتو صغير من ستار بكس كيفان طلع دينار ونص ولما اخذ من مكان ثاني اغلى استغربت صراحه
والاخت الي تقول قاطعوا ستار بكس لانه يدعم اسرائيل
حبيبتي نص الماركات والمحلات تدعم اسرائيل واولهم ماركس اند سبنسر ومعرووف بدعمهم لاسرائيل وغيرهم من المحلات
يعني مثلا شنلبس؟ مالنا غير الصناعه الوطنيه الي ماشفنا منها شي

 

[بشاير الميموني]

لااله الا الله...

حسبي الله عليهم...

 

[hatoona]

مشكوره عالتنبيه حبوبه​

 

[Ṁαяyŏмα ≈]

.

وي من صجهههم !
الله يعينـآ ؛( ~
يعطيج العافيه ع إلخخخبر ؛*

 

[ام دودو المزيونه]

عاد انا من اسبوع بالأفنيوز ونفس استاربكس الي تقولين عنه استغربت من السعر كنت طالبه كافيه لاتيه ساده بدون اضافات لأني مريضة سكر فكان سادة استغربت انه احسابي دينارين واشويه مو ذاكره بس انا طالبه الحجم الصغير بس ابصراحه ما ناقشته استحيت بركز المره اليايه علي السالفه مشكوره علي التنبيه

 

[عاشقة هواك]

حسبي الله عليهم

 

[كسرة عود]

مشكووووره ع التنبيه حبيبتي
وترى مو أهم وبس حتلى مقاهي الكوت واحنا على أبو ذرابة ما نحقق بالفاتورة ...... عمى نصابين

حتى بالدوام اذا طلبنا ياخذ زيادة من غر اذن على بو ماراح أعد

 

[ZoOka]

الحل انكم تقااطعونهم

بعدين صج من حلات ستار بكس يعنييييي
نسكافيه خالطينه و ثلج اسغفر الله
اللي يغرينا فيه الكريمه و السوالف اللي فوقه

يوولوووووون مابقى االا الفلبن ينصووب الله يمحيهم يارب

 

[um.zooza]

جزااااج الله خير اختي

اي والله مساكين كل من يقص علينا والمشكله احنا ثقه فيهم عميا ندفع ونمشي

ولانعد وراهم الفلوس ولا نتاكد

مشكووووره اختي ..

 

[EleGanZa]

اي لاحظت ان ستاربكس عليهم نصب مو طبيعي

 

[فديت احلا آنتي]

جزاج الله خير للتنبيه ​

 

[امـ جوجو]

حتى السينمات نصب بنصب دايما اخذ نفيش وكوكيز حسابي غير عن كل مره بس صراحه انا زوجي كلش مايراجع حسابه واذا قلتله ليش ماراجعت يقول احاسبه على جم فلس

والاسبوع اللي طاف حلويات جاكليت اخذنا حلو ب 2950 وعطاه زوجي 3 دنانير ومارد المصري ال 50 قلت لزوجي لو انت تعطيه دينار بس مو يستغلك عال 50 فلس مااشتكى سكت

والسوق اللي يم سوق لندن بالشويخ في سوق فاتح يمه جديد خذا زوجي ريد بول 6 حبات بربطه وحده لمن رحنا البيت لقينا واحد مشروب تخيلو وقلت لزوجي وزوجي قال مالي خلق ارد عشان واحد والله احتريت ودقيت بشتكي محد رد استغلاااال استغلاااال

 

[راعية الطويلة]

أنا ملاحظة كلهم جذي
يبيله نقدم فيهم شكوى للشركه
نفسها كإنذار لها
حتى الكافيهات اللي موزعة ع المناطق
تصوروا الكرامل هوت شوكلت
مرة يحسبه بــ1.500
و مرة بـــ 2.400
يضيف إضافات ما نيبها
بالعكس تخلي القهوة تسحن الكبد
المفروض نتقيد اللوحة اللي فيها الأسعار
و قبل الطلب نسأل عن السعر
إذا قاصدين ينصبون ع الخلق
عسى ربي يفشل مخططهم آمين
و إذا عن غير قصد
نرجوا يهتمون بملاحظاتنا بسرعه

مشكورة ع التنبيه

 

[ونـــة خفوووق]

الحمدالله يعني كلكم نفسي

ان ذاك اليووم ستاربكس هم الافنيوز تحت طلبت موكا وعصير برتقال العلب واحد وكيكه ستروبري الحساب !!!!!!!!!! إنصدمت لوو متعشية بمطعم ابركلي كش عليهم

 

[*ماي الورد*]

فيه وحدة حاطة نفس الموضوع بقسم ثاني هم انصب عليها بالافنيوز لازم الشايع يحط رقم للشكاوي

 

[ZoOka]

حسبي الله عليهم ......... هذي لعبه يلعبونها بالناس عشان يتربحون من وراهم على غفله

 

[silver_q8]

اي والله وايد حراميه انا ويه رفيجتي رحنا هناك وبضبط الي جدام اتش اند ام الفرابتشينو الواحد بدون ولاشي غير صوص كاكوه
3.750 الواحد والله حراميه

مشكوره على التنبيه