حضرية ؟؟ ساكنة ببيت حمولتج ؟؟

[pink-flower]

السلام عليكم
سامحوني انا قلت الحضرية لاني بعرف شنو وضعهم والا والنعم فيكم كلكم =)
أنا الحين مالجه بس
بغيت أسأل شلون وديتوا أغراضكم بيت أهل زوجج ( قبل العرس )

لان عند البدو خوات العروس يروحون يودون اغراضها ويرتبونهم

واتذكر وحده حضرية بس بشقه كانت بتسكن قالت انا رحت رتبت ...
فودي اعرف منو ودا اغراضج ؟
يصير اروح ارتب اغراضي بنفسي ؟
يصير امي تروح ؟

اذا الأسئلة واضحة بالنسبة لكم انا ما اعرف ياليت تفيدوني =)
وجزاكم الله خير ​

 

[بيتي بوب بس كويتيه]

أنا وديت اغراضي وانا رتبتها

 

[عادت ذكرياتي]

من بدوية لي بدوية يفرق ومن حضرية لي حضرية يفرق
بس آنا في من رفيجاتي خواتهم ودوا أغراضهم وفي منهم لا والله هم اللي راحوا
وإنتي على حسب أهل ريلج شلون متفتحين ولا لأ
ربي يوفقج
من حزب الطماشة

 

[Gourges]

مبروووووووووووووك اولا


شوفي انا ساكنه افبيت حمولتي وقبل العرس بيوم امي وخالاتي راحوا ودوا تجهيزي شلوون بجناط عاديه حطوا غراضي وشالوا الجناط وحطولي ياهم بغرفة ثانيه غير غرفتي علشان سبحان الله احتاجهم سفر او غيره موجودين اهم شي تكون الجنطه ذربه يعني مو لوووويااا وخبه ....

ومايصير تروحين انتي عيب

وامج عادي تروح واي استفسار تبينه قوليلي انا عروووس يديده فا توني ماره بلي بتمرين فيه خخخخ موفقه

 

[FeShinGoOo]

رد : حضرية ؟؟ ساكنة ببيت حمولتج ؟؟

انا وديتهم بروحي
ريلي كان يحن متى اتيبين اغراضج مابقى شي على شهر العسل ..<< كنا مالجين ومانبي نسوي عرس ..بنسافر على طول
عاد جهزتهم وصكرت الجناط .. وخليتهم بسيارته ورحت وياه البيت نزلهم حقي ورتبتهم فوق بالبيت ..
واهم شي مايكون في احد بالبيت مو حلوه يشوفونج يايبه اغراضج يقولون مشفوحه لوول او يتيلقفون بيساعدونج ويشوفون اغراضج ..
اذا تطلعين معاه اخذيهم وخليه ينزلهم لج ورتبيهم على راحتج مافيها شي واذا تبين تقدرين تاخذين امج.. بس بروحج اسهل عشان لحد يدري ويتليقف ..

 

[tmtmt]

والله ما اتذكر
بس الاكيد مو انا
اتوقع امي وخواتي ما ادري ناسيه

بس شتبين بالروحه توج عروس خلج بالبيت تدلعي وخليهم يسوولج كل شي

مبروك حبيبتي والله يوفقج يارب

 

[BiiShOoO]

اتوقع امج تروح احسن

 

[kuwaitya_zoGaa]

حبيبتى اذا مالجه روحي انتى والوالده او خواتج
لكن اذا كنتى مو على ذمته عيب تدخلين بيتهم خلى الوالده وخواتج والا خالاتج مع الخدام يساعدونهم
والله يوفقج

 

[ولهااااانه]

خلي امج وخواتج يرحوون احسن

 

[ريــم الفلا]

انا اقول حتى لو حضريه غير عن عادات البدو بس هم لاتروحين
يعني حلات العروس بزهوتها مايشوفونج الا بيوم العرس مو حلوه قبلها بيوم اذا تبيين رايي يعني
حتى زوجج حلو يتشفق لشوفتج انا بدويه وزوجي حضري وساكنه برا بس مارحت مع ان عادي بس حلاتها ادخلها وانا عروس

 

[blue diamond]

حبيبتى اذا مالجه روحي انتى والوالده او خواتج
لكن اذا كنتى مو على ذمته عيب تدخلين بيتهم خلى الوالده وخواتج والا خالاتج مع الخدام يساعدونهم
والله يوفقج

انا حضريه ونفس رايها :hjy5jewf:​

 

[( مي )]

بما ان مدخل شقتي منعزل
كنت اتفق معاه باليوم اللي بيطلع فيه ،، لان وقت الملجة كان ساكن بروحه بالشقة
ومن يطلع اييب اغراضي وادخل شقتي ولا احد درى عني وارتب وازهب واعدل

وقبل رجعتي من شهر العسل بيوم امي حياتي واختي نظفولي الشقة واترسوا لي الثلاجة ورتبوا الشقة مو اكثر

والله يتمم عليكم

 

[twinsmam]

اانا امي و خواتي ودوا اغراضي و رتبوهم
بس اختي و حماتي اهم بنفسهم رتبوا اغراضهم

 

[الشهد كله]

آنا حضرية وسكنت بروحي وأمي وخواتي ودوا أغراضي شقتي ورتبوها وبخروها قبل العرس بيوم أو يومين

شالسالفة مطرودة عشان أودي أغراضي بروحي لا وأرتبهم بعد !!!!!!!!!!!!​

 

[^غلاي أنت^]

انا امي خذت جناطي مع خدامتنا وراحت سنعت اغراضي مع اني كنت بشقه بروحي .. ولقت خالتي هناك مع خدامتها تسنع المطبخ والمواعين والثلاجه

 

[FeShinGoOo]

رد : حضرية ؟؟ ساكنة ببيت حمولتج ؟؟

لا مو سالفة مطروده بنات بس في اشياء شخصيه وخاصه الوحده تستحي الناس تشوف خصوصياتها اصلا انا بتجهيزي ماخذيت امي معاي ولا مكان كله بروحي لان استحي تشوف خصوصا قمصان النوم وهالسوالف ..
اشلون بيرتبونهم بالكبت ؟؟
وبعدين لازم الوحده اهي اتحط اغراضها بيدها عشان لا يضيع شي وتتوهق خصوصا اول ايام الوحده تبي اغراضها جدامها ..
وفي بنات ظروفهم ماتسمح ان احد يوديلها اغراضها مثلا انا ماعندي خوات اكبر مني وامي كانت ذيك الفتره تعبانه وخالاتي وعماتي مو صوبنا وايد يعني ماعندي احد وخاصه امي فوق تعبها تستحي اتدش شقتي لي يومكم هاذا ماتزورني فديتها

 

[Miss McDonald]

,
وعليكم السسلآم وآلرحمه ,
آنتي ارتآحي وخلي آمج وخوآتج يرتبوون لج ششغلج !
بالتوفيق حبيبتي =*

 

[الأميرة جوري]

رد : حضرية ؟؟ ساكنة ببيت حمولتج ؟؟

لرفع

 

[pink-flower]

رد : حضرية ؟؟ ساكنة ببيت حمولتج ؟؟

الله يجزاكم خيييير ماتقصرون =)

 

[معكرونه أسبكتى يم يم]

رد : حضرية ؟؟ ساكنة ببيت حمولتج ؟؟

عس الله يوفقج ............. انا خواتي ودو اغراضي