حضانة عالم الطفل فرع جنوب السرة

[أم حمودي]

السلام عليكم
أمهات اللي سجلوا اعيالهم بحضانة وروضة عالم الطفل فرع جنوب السرة
قبل شوي اتصلوا فيني من الحضانة وبلغوني انه في اجتماع أمهات يوم الثلاثاء 15/9 الساعة 10 لغاية 11 الصبح
بيعطونا تعليمات عن الإجراءات الوقائية للإنفلونزا الخنازير
والدوام بعد عيد الفطر مباشرة

اشرايكم بتخلون اعيالكم يداومون ؟

 

[حلم الطفولة]

السلام عليكم
أمهات اللي سجلوا اعيالهم بحضانة وروضة عالم الطفل فرع جنوب السرة
قبل شوي اتصلوا فيني من الحضانة وبلغوني انه في اجتماع أمهات يوم الثلاثاء 15/9 الساعة 10 لغاية 11 الصبح
بيعطونا تعليمات عن الإجراءات الوقائية للإنفلونزا الخنازير
والدوام بعد عيد الفطر مباشرة

اشرايكم بتخلون اعيالكم يداومون ؟

الحضانه مخالفه .. !! ,, ليش يجازفون بالعيال الله يهداهم ,,
قرار من وزارة الشؤون بأمر إغلاق جميع الحضانات لغاية نوفمبر ! واللي سمعته إن اتحاد الحضانات محتجين عالقرار , لكن مو معناته يخالفون ويداومون !!

 

[al7noona]

انا بنتي مسجلتها فيه بس روضه وفرع القصور
وللحين ماعطونا كلمه كل مره يقولون وقت مره قالوا يداومون 13-9 والحين قالوا 1-11 بعدين قالوا لا للحين مو اكيد ؟؟؟؟؟!!!!!!!!

ومادقوا قالوا لي في اجتماع؟؟

 

[عيش و مرق]

اصلا عليهم مخالفه وغرامه اذا صج فتحوها

 

[ورد وردي]

انا دقوا علي فرع القصور وقالوا بنشوف ارائكم اذا تبون نفتحها على كلامها لان اغلب الامهات يبون نفتح ........ بس انا مابي الصراحة خصوصا ياينا الشتا والامراض تزيد الله يعوضة ان شاء الله اهم شي صحتة

 

[باونتى]

أنا اللى أعرفه ان مافى حضانات لى شهر 11 وهذا قرار من وزارة الشئون !!!!

 

[أم حمودي]

أنا بعد مستغربة
بس أروح الإجتماع
أرجع وأقولكم شنو صار معاي

 

[ورد وردي]

ام حمودي ماقلتي شصار بالاجتماع لاني مارحت

 

[miss_uk]

انا دقوا علي حظانة ولدي البريطانية قالو الدوام يبدي من الثلاثاء؟؟؟؟

مادري والله اوديية ولا لأ؟؟؟؟؟

شرايكم؟

 

[al7noona]

دقوا علي وقالوا اليوم في اجتماع الساعه 10 ونص انشالله عاد اقعد واروح للحين انا مو نايمه ههههههه

قوليلنا شنو قالولج


امس امي راحت لهم واستلمت اللبس وقالت كان في وايد حريم يايين لان في اجتماع حق الحضانه واليوم حق الروضه

 

[عزيزتى]

امهات الي تقدر تخلي عيالها في البيت لا توديهم

بس انا بالنسبة لي متوهقة قاعدة اخذ مرصيات لان ماعندي احد اخلي بنتي عندة واهي اولى روضة بس ماكو دوام

يمكن احطها باي حضانة قاتحة لازم اداوم

 

[al7noona]

اليوم رحت الاجتماع وتكلمت معانا مديره الحضانه

قالت احنا راح نداوم ورا العيد لان احنا مدارس خاصه واحنا الي ندفع الاجار ومعاشات المدرسات اذا وقفنا من وين بنييب فلوس

وقالت انها اموفره كل شي من معقمات

اول شي من يدخل الياهل المدرسه يقيسون حرارته اذا مرتفعه يردونه البيت على طول
والالعاب الخام كله قطوهم ويابوا كله العاب بلاستيك سهل للتنظيف واحسن
وحتى الكراسي شالت الخشب ويابت كراسي بلاستيك للتنظيف احسن واسهل
ويايبه جهاز تعقيم الجو تحطه بكل مكان بالمدرسه تفتر فيه كل خمس دقايق يسحب كل الغبار والجراثيم الي بالغرفه
حتى طاولات اليهال تقول فرشنا عليهم اوراق وكل يوم تغيرهم
طبعا غير المعقمات والتنظيف حتى حاطه بكل صف حامل الصابون عرفتوه؟؟ علشان كل شوي يروح الياهل يحط بيده معقم ويعقمها والابلات راح يعلمونهم شلون يعقمون نفسهم علشان يعودون الياهل على النظافه



وقالت شي ثاني يعني انتوا الحين مااتطلعون عيالكم بره البيت ولا بس بالمدرسه راح الياهل يمرض بكل مكان فيه تجمعات وامراض واذا الله كاتب الشي بيصير بيصير

واغلب الامهات اموافقين ان عيالهم يداومون ورا العيد لان اعيالهم ازهقوا من قعدت البيت وانا بنتي بعد منهم صارلها جم اسبوع تحن على المدرسه تقولي متى اروح وكل شوي يايبه جنطتها تقولي وديني الله يحفظهم يااارب

 

[al7noona]

ايي وقالت ان كل يوم راح تشرب اليهال فوار حق المناعه وتقول ساله دكاتره قال بالعكس مفيد حقهم ومامنه ضرر

 

[أم حمودي]

أنا قالوا لي الإجتماع باجر الثلاثاء
وقبل شوي دقوا علي قالوا لي لج حرية الإختيار بين اجتماع الثلاثاء والأربعاء بعد فيه
أنا خايفة على اعيالي اللي بالحضانه عنده فتحة بالقلب
واللي بالروضة معاه مرض وراثي بالدم ((التمثيل الغذائي))

 

[شهرزاد000]

يسلمو

 

[أم حمودي]

آخر الأخبار وصلني مسج من حضانة عالم الطفل
يتأجل الدوام لغاية الأول من شهر ديسمبر
والمسج وصلني الساعه 9.21مساء

 

[حلم الطفولة]

زين يسوون وعسى الله يعوضهم .. آنا لما شفت الموضوع حرصت أسال عن الحضانات , واللي عرفته إن وااايد حضانات فاتحه ومستمره , وبعضهم يقولون إن الامهات طالبوهم لأن ماعندهم مكان يحطون عيالهم وهمه دوامات !

 

[ورد وردي]

الله يبعد عنا هالمرض يارب وترجع الحياة طبيعية

 

[ارض الاجواد]

بعيد الشر عنكم وعن عيالكم انشاءالله

 

[احلى من الحلى]

حبيبتى بسالج

جم سعرها ؟؟؟

واشلون تعاملها مع اليهال ؟؟؟

والعنوان ورقم التلفون ؟؟؟

قاعده احوس وادور حق ولدى عن حضانه ولالحين ماستقريت