حصل وياج: وتعرضتي لغلط طبي صرف دوا بالغلط قوليلنا تجربتج ؟

[علايه]

انا كنت آخذ دوا للكرسترول

و بعد ما حملت الدكتور قالي كملي عليه

بس بعدين قريت عليه انه مضر على الجنين

رحت حق دكتوره ثانيه و قالت لي لازم اوقفه على طول

 

[LATOFA]

وواي الله ستر عليكم وحفظكم ...

مالت عليهم ماري ليش ماينتبهووون

 

[ii DareeN ii]

والله الاهمال بحياه الناس وصل اقصاه لان مافي عقاب في ناس يلعبون فيهم هالدكاتره المتدربين ولا حسيب ولا رقيب والعقاب شنو مجرد لفت نظر لا اكثر ولا اقل

انا اختي خل اقولكم سالفه من سوالف الاغلاط الطبيه كان عمرها ثمان سنوات
فجاه البنت قامت تنسل ضعفت حيل وكل خامره قامت امي ودتها الطبيب طبعا احنا نعالج بالاحمدي مستشفي البترول قالولها اول شي نسوي سونار وهالسوالف بعدين قالو في بطن البنت ورم
ولازم يشقون البطن طبعا هذا بختصار

قرر ابوي يسفرها عشان مايشققونها بالديره قبل يومين من السفر بالمستشفي قال دكتور حق امي خل اجرب شغله ان مافادت ماضرت سوالها مسهاله طلع كل الي بالبنت امساك لا اكثر ولا اقل تكرمون وكانو بيشقون بطنها

والقصص ماتخلص غير خالتي الي عالجوها كيماوي على بو سرطان بالغده وطاح شعرها يوم راحت لندن قالها مافيج شي ومازال المسلسل مستمر​

 

[رفرف]

انا ماصارلي شي جذي بالضبط الحمدلله بس كانت فيني الزايدة وانا طبعي صبورة ماصرخ ولا شي هالحجي كان عمري 15 يمكن ورحت مبارك ودكتورة السونار تقول حق امي بنتج مافيها شي تتدلع ومو قاعدة تطالع الجهاز أصلا تقولها لو فيها الزايدة جان صراخها شايل المستشفى بس دامها ساكته مافيها شي (طاع المقياس بس) ..
وظلو محتاسين فيني ليلة كاملة من دكتور لي دكتور وكل واحد فيهم يشوف ويهي يقول مافيها شي ليش قاعدة أبجي بصمت وعليه علي ...

وانا بس مو قادرة أصبر قاعدة أفرفر بمكاني آخر شي عقب ما نقعوني سوولي عملية وشقو بطني يبون يكتشفون شفيني (خوش مستشفى مسوينا حقل تجارب) طبعا شافو ان الزايدة انفجرت خلاص كان ممكن يلحقون عليها والجسم متسمم ومن سواد ويوهم ماتحجو خلوني بالمستشفى اسبوعين عالمضاد وحرارتي مرتفعة لما تهاوشت امي معاهم تقولهم اللي تصير فيه الزايدة يومين ويطلع لبش مقعدين بنتي اسبوعين جان يتبلعمون ويقولون لها اهيه زايدتها انفجرت ومتسممة !!

 

[ii DareeN ii]

عمليه الاستكشاف الي يسردون في البطن عادي متعودين عليها الدكاتره ودكاتره مبارك خو قصه ثانيه تجريب في تجريب

 

[سويتي الحلوه]

انا اذكر دكتوره بمستوصفنا رحتلها ايام ماكنت بثانوي مع ان انا مااحب اتعالج بالمستوصف لاني مااثق باي شي يي منهم
عاد اخوي قالي روحي هالمره المستوصف جربي انشالله تصيرين اوكي

رحت وااجان تكشف علي طببيبيه مصريه( الله ياخذها انشالله)
لا ونفس خايسه بعد

وتقولي مافيج الا صخونه اخذي بس بندول


ثاني يوم والا زادت علي الحراره ووبلاعيمي كلش موليه
رحت مستشفي الهادي عند دكتورتي الله يذكرها بالخير اروي الشاعر
خوووووووش طبيبه
والا يوم شافت قالت شنو هذا انتي فيج صديد بلاعيميج لو متاخره يوم جان صار فيج تسمم بدم
واذكر حتي عطتني جنه مضاد او ماادري شنو بس اني اخذ ابرتين باليوم ابره الصبح وابره بليل لمده اسبوع علشان اتعالج بسرعه


وطبعا هذا الشي يبين رداه الاطبه الي يبيونهم لنا الي مالهم خلق
اظاهر هالاطبه الي تقدريهم مقبول اهم الي يبونهم لنااااااااااا



ولنا عوده اخري انشالله

 

[ii DareeN ii]

ماتشوفين شر سويتي الله كتب لج عمر

يالله نكمل المسلسل

قبل جم سنه رحت مركز طلب الانسان قالت لي بنت خالتي روحي حق دكتوره اعرفها سوي سكيلنق تنظيف انا متعوده اسويه عند فلبينيه في مكان ثاني
رحت وياريتني مارحت ماسوت لي سكيلنق سوت لي الدم لي الركب شلخت ضروسي الي قمت افرفر تحت ايدها ولي يومكم اعالج لثتي من اثار هالسكيلنق وسويت عمليه قصيت جزء من اللثه لانها قامت تنزل يعني صج اجرام

 

[سويتي الحلوه]

وي وي دارين

شنو هذي قصابه؟؟؟
هذي حدها ايدها ثقيله
لاسلامتج وماتشوفين شر



انا علي طول اسوي تنظيف عند الهادي
شغلهم حلو وايد
وماشاء الله ثقه

 

[Suki_Candy]

اي انا من قبل 3سنين او 4 سنين

الله يسلمكم في دكتور اللهم لا شماته توه مسوي حادث و مدوام شلون بيركز المهم

ولا شنو فيني انفلونزا ولا يعطيني ادوى اقوى من جسمي ماقدرت اتحمل و انا نازلة من بيتنا على الدري طحت غشيانه

ورحنا حق المستوصف ولا هم نلاقيه و شنو برر غلطه المضاد اقوى بشوية من جسمج

و من بعدها تعبت تعب موطبيعي و هم بعض المرات قلبي ينفص من فترة لي فترة

الي اقدر اقوله حسبي الله ونعم الوكيل

و الله يعين البنات والله

 

[سويتي الحلوه]

ووووووووواي سكاندي
الحمدالله علي سلامتج
وماتشوفين شر

 

[لؤلؤية]

انا شخصيااااا صار موقف ماااا انساااه

وهو ان

عطوووني ابرة بنسلييين وانا عندي حساااسية منه

طبعا كااان عندي لوووز...محتقنه

وعطوني ابرة الحسااسية...والدكتوور ما انتبه عدل لنتيجتهااااااااا

وكتب لي على ابرة البنسلييين...وعطوووني اياااها

وطلعت من غرفة الممرضااات ...ومشيت لبااب المستوصف..وقبل ما اوصله والااااا انا طايحة ...فاقدة الوعي...شلووون شالوووني من البااب ودخلوووني للمستوصف ...ما ادري...!!!

لكن اللي اتذكررره اني فتحت عيني لقييت نفسي بغرفة الممرضااات ممدة على السرييير...والممرضااات والدكتووور حواليني واهوو مرررتبك ...وحاطين لي اكسجييين..

ومن يومهاااااااااااا عرفت انه فيني حساااسية من البنسليين..

طبعاعرفت انه هالابرة كاان ممكن تسبب لي الوفااااااة

بنااات ترى القصة قديييمة ​

 

[سبائك]

خطاكم السو يا بنات والله شي يضيق الخلق

 

[لؤلؤية]

سبووووكه خطاج اللاش​

 

[leena]

مشكورة دارين على الموضوع

 

[ii DareeN ii]

مشكورين بنات على ذكر تجاربكم صج الواحد ينكتب له عمر من عقب هالاغلاط الطبيه صج الغلط وارد وكتبه رب العالمين بس الواحد قام يخاف على عمره

 

[بنت جابر الأحمد]

مرة كان فيني شد عضلي بريلي،ولما رحرت المستوصف كان تقولي الدكتورة فيك جلطة لازم تروحين المستشفى،وبعدين أبوي وداني مستشفى خاص قال ما فيها إلا شد عضلي

 

[سليلة المجد]

والله مال طق ...

حتى مايراعون نفسية المريض خاصة اذا كان على طريف..

مرة كنت لا زم اخذ مغذي على ماحصلت سرير هذي قصة ..اروح البيت وارد بعد2 ساعة مالقيت قعت على الكرسي وانا دااايخة وبطني يعورني ومو عارفيين شفيني استفرغ .....الخ ولا تيي ممرضة تقولي قومي قومي هذا لمريضة 2 بتيي تقعد بس بالعربي لمكسر ولا انا المسطوله حدييي مؤدبه وقمت جان تقعد اهيااااااا..؟؟؟

 

[سليلة المجد]

والله مال طق ...

حتى مايراعون نفسية المريض خاصة اذا كان على طريف..

مرة كنت لا زم اخذ مغذي على ماحصلت سرير هذي قصة ..اروح البيت وارد بعد2 ساعة مالقيت قعت على الكرسي وانا دااايخة وبطني يعورني ومو عارفيين شفيني استفرغ .....الخ ولا تيي ممرضة تقولي قومي قومي هذا لمريضة 2 بتيي تقعد بس بالعربي لمكسر ولا انا المسطوله حدييي مؤدبه وقمت جان تقعد اهيااااااا..؟؟؟:eh_s(13):

 

[sweet_fatooma]

انا صار لي موقف مو من الدكتور نفسه من آنا المهم آنا فيني حساسية من الغبار لازم أخذ بركانيلي المهم انا اخذ البخاخ بس ذيك المرة ما كان فيه عاد وصفلي الدكتور الشراب" للأطفال" مكتوب على العلبة 10 ملم انا قريته 10 قفشات وشربت 10 قفشات بغيت اروح فيها رحت مبارك وحصلت زف من كل الدكاترة حسبالهم ابي انتحر

 

[ii DareeN ii]

الله يعين قلوبنا اغلاط اطبا وصيادله والممرضين الواحد وين يترقع مشكورين بنات على المشاركه