////// حصــري: كــــــويتي و زوجتـــه يتبنــون طفــل مـن دور الأيتـــام \\\\\\

[انثى طفله]

ما شاء الله ، الله يجعله بميزان اعمالهم


بس المشكلة اذا بلغ امه تتحجب عنه >>> وبينصدم لازم يعلمونه من الصغر انه متبني علشان يعيش براحه نفسيه

لااا مااتتحجب عنه لانها ربته وبالاسلام يقال له ربيبه

 

[انثى طفله]

صح اذا كبر الولد الام تتحجب عنه وما يورث شي و حتى لو أهي يابت بنت عادي يتزوجها بالمستقبل. *

لاااا ماايجووز هذي ربت الولد وبا الاسلام يقال لها ربيبه وتكوون بمقااام الام

 

[*مطبخ الذواقة*]

بصراحة

الله يجزاهم خير

انا سمعت اللقاء

ربي يوفقهم على كثر الفرحة اللي حس فيها هالطفل ويعطيهم على قد نيتهم اللهم امييييييييييين

ويرزقهم انشالله بالذرية الصالحة

​

 

[نور خانوم]

ماشاءالله عليهم والله خطو خطوه حلووه وكله بميزان اعمالهم ان شاءالله

 

[ديمــــــــــه]

ياحياتي
الله يجزاهم الخير وانا بعد اتمنى بس زوجي رافض الفكره
يسلمووو عالخبر الحلو

 

[! بــدويه وآآيــد !]

،


ماشاءالله عليهم جزاهم الله خير
واااي البنات يصيرون من اكبر العلماء بالمواضيع وكل وحده تفتي على كيفها الله يهديكم :/
ودخلتوا اهله واهلها وحجابهم مادري شكو ؟
اهم كاتبين ماسجلوه باسمهم بس يربونه
وماشاءالله مبين فرحانين فيه وفرحان فيهم ومو مقصرين عليه بشي

واليتامى الي بالكويت الي كبروا ومحد تبناهم كنت اعرف ثنتين منهم يسمونهم باسم واسم الابو وآخر شي صباح ( مو الصباح لا صباح ) هالمعلوومه اكيده مليون بالاميه

 

[ReDLOve]

مششكووووورين بناااات

ابتشلنا ابهالفتاوي السخيفة من هالبنات

بدوية وااايد نورتيني قاعده انطرج هههههههه​

 

[Dloo3at^Ahaly]

بنااااات شفيكم ترا اهم مو محرومين من الاطفااال و عادي تقدر تحمل ام محمد بس اهم فكره التبني ابالهم و يبون يتبنووون طفل


مشكوووين عالمروور

انزين علي قولتج اذا يقدر اييبون بيبي ليش للحين مايابو صارلهم 4 سنوات وبعدين اشفيج ذابحه روحج عليهم ليكون انتي. ام محمد او اختها يكون بعلمج ابو الولد مو راضي على اللي سواه ولده خلاص تبنيت اسكت ليش اتشهر اتناقز من قناة لي قناة ومن مكان لي مكان حاط اسمه واسم ابوه على اسم الولد

 

[noorq8]

لااا مااتتحجب عنه لانها ربته وبالاسلام يقال له ربيبه

مابي أفتي بس ياريت تحطين لنا الرأي الشرعي لأن أتوقع لازم تتحجب الأم عنه لي بلغ وان شاء الله اذا ربي رزقها بنات بالمستقبل لازم يتحجبون عنه لأنه يجوز له الزواج بهم .ولو أنا فاهمه غلط ياريت تحطين لنا الرأي الشرعي :eh_s(7):

 

[*دنــيـQ8 ــا الوله*]

انزين بنات شنو شروط التبني ..؟

 

[ReDLOve]

انزين علي قولتج اذا يقدر اييبون بيبي ليش للحين مايابو صارلهم 4 سنوات وبعدين اشفيج ذابحه روحج عليهم ليكون انتي. ام محمد او اختها يكون بعلمج ابو الولد مو راضي على اللي سواه ولده خلاص تبنيت اسكت ليش اتشهر اتناقز من قناة لي قناة ومن مكان لي مكان حاط اسمه واسم ابوه على اسم الولد

لا ماني ام محمد ولاني متزوجه اصلا بس اشجع هالخطوااات الرحيمه, و انا لما قلت انها مو محرومه اهى هالكلام قالته من نفسهااا ما يبته من جيبي و لما سوت و حطت الصور و الفيديو علشان اتشجع كل من وده يتبنى و اتوقع شفتي الردود بموضوووعي شلون الاغلب وده يخطي هالخطوة.

وانتى الى شحااارج مو عاجبج لا اتعلقين يقلبي الموضوع موضوعي وانا حرة هاو!

 

[q8 knosha]

انزين علي قولتج اذا يقدر اييبون بيبي ليش للحين مايابو صارلهم 4 سنوات وبعدين اشفيج ذابحه روحج عليهم ليكون انتي. ام محمد او اختها يكون بعلمج ابو الولد مو راضي على اللي سواه ولده خلاص تبنيت اسكت ليش اتشهر اتناقز من قناة لي قناة ومن مكان لي مكان حاط اسمه واسم ابوه على اسم الولد

والله معاج بكل كلمه هذيك المره قاعده اسولف مع ريلي عن هل موضوع
يعني اهوا اذا يبي الخير والاجر شحقه يشهر بالصبي؟
يبي الاجر من الله ولا من الناس!
اخذه وربه وخلاص ماله داعي هل فيديوات وهل صور وهل تشهير!
مو مصدق متبني بيبي؟
بس يبون الشهره والناس تتحجه فيهم ويمدحون فيهم


اهم كاتبين ماسجلوه باسمهم بس يربونه

اصلا اهما مايسجلونه بأسمهم
مايصير

 

[سكتلز]

مشااء الله جزاهم الله الف خير... من زمان افكر بالتبني لكن انا عزوبية:bbbiu::eh_s(2):

 

[~{GooShTa}~]

انا اذكر في بلوق من البلوقات كانت قايله انه اختها رضعت محمد .. عشان لا تتحجب عنه .. فا اتوقع بجذي حلوا المشكله

 

[ســتارز]

انا اذكر في بلوق من البلوقات كانت قايله انه اختها رضعت محمد .. عشان لا تتحجب عنه .. فا اتوقع بجذي حلوا المشكله

يعني اختها تصير امه بالرضاعة فقط اهي اللي ماتتحجب عنه

جزاهم الله خير ان شاء الله يكون عملهم هذا في ميزان حسناتهم

 

[مُخملْ]

بالعكسْ آشوف انهمْ سوو هالشي عشان يشجعون الناس
على كفآله اليتيمْ ، وهم ربوهْ يعني خطوة حلوةْ منهمْ يدعمون
هالفئة اللي نآسينهمْ الناسْ

 

[هاجس الشوق]

ماشاء الله عليهم تبارك الله يوفقهم يارب فتربيته ويكثر من امتالهم وياحظهم فاجر كافل اليتيم ويارب لا تحرمنى من اننا مكفل وناخذ اجر يارب.

والله انا خاطري بعد وان شاء الله كلها جم شهر واكفل ادعووووولي الله يقدرني

 

[ReDLOve]

مشكوووورين بنااااات نورتوا

على حد فهمي للموضوع اهى مسوية حمله للمربيات يعنى اي وحده تاخذ طفل من دور الايتااام يتيمعووون و جذى يعنى مثل مجتمع لهم يساعدون و يساندون بعض لانها كاتبه بالبلوق انها تروح و اتيمع مع ناس اذا ماني غلطانه

 

[Dloo3at^Ahaly]

لا ماني ام محمد ولاني متزوجه اصلا بس اشجع هالخطوااات الرحيمه, و انا لما قلت انها مو محرومه اهى هالكلام قالته من نفسهااا ما يبته من جيبي و لما سوت و حطت الصور و الفيديو علشان اتشجع كل من وده يتبنى و اتوقع شفتي الردود بموضوووعي شلون الاغلب وده يخطي هالخطوة.

وانتى الى شحااارج مو عاجبج لا اتعلقين يقلبي الموضوع موضوعي وانا حرة هاو!

نعم حبيبتي انا من اهل ابوه الله ايحره مثل ماحر ابوه قاله ابوه لاتشهر فينا خلاص اخذت الولد اسكت ناس وايد متبنيه محد يدري انت فظحتنا حتى عمات الولد متظايقين دامج كتبتي الموضوع بنرد احنا من الاهل انتي شنو موقعج

 

[خشف العذارى]

جزاااهم الله الف خير