حسناء بنت معاويه او هيله بوطيبان

[أُم أُسامه]

السلام عليكم


بنات انا تعين يديد وودي بوحده من هالمدرستين

شرايكم فيهم من ناحية الاداره وقسم الاسلاميه والمدرسه بشكل عام

 

[أحلى أبلة]

رد : حسناء بنت معاويه او هيله بوطيبان

حسنااااء بنت معاوية رئيسة فسم الاسلامية خووووووووش وحدة والقسم كلة يهبل بس الأدارة لا يحوشج وهيلة ما اعرفهم

 

[أُم أُسامه]

رد : حسناء بنت معاويه او هيله بوطيبان

صج يعني تنصحيني فيها
انزين ليش الاداره لا يحوشك ؟؟
وضحيلي أكثر عن المدرسه

ومشكوره

 

[اغادير الكويت]

كلهـــــــــــــم ما فيهــــم عيــــــــــب بس هيله بوطيبان فيها وكيله انتداب الله يعينج عليها كانت عندهم رئيسة قسم

 

[أُم أُسامه]

رد : حسناء بنت معاويه او هيله بوطيبان

يعني ثنينهم مشكلتهم بالاداره
انزين دلال شلون قسم الاسلاميه بهيله بو طيبان

ومشكوره

 

[كويتيه وطبعي خجول]

أختي أنا أنصحج بحسناء بنت معااويه ناظرتهم خوش وحده أما وكيلااتهم موشي بس على ما أعتقد وحده منهم بترووح موو أكييد يمكن ومن حيث قسم الإسلااميه رئيسة القسم كانت كرهيه لأني كنت فيها قصدي أدرس فيهااا ولا كلهم معمرين ماشاءالله ولا وحده ملي ذكرتهم تغيرو؟؟ وأي سؤال أنا حاااضره أما عن هيله بوطيبان مادري

 

[أُم أُسامه]

رد : حسناء بنت معاويه او هيله بوطيبان

كويتيه مشكوره ..

أنتي تتكلمين عساس انج كنتي طالبه فيها يعني ؟؟

احس مو مقياس تعاملهم مع الطالبات لان يتعمدون يشدون عليهم ولا انتي شرايج ؟

 

[@ نجمة العطااا @]

سواء اهنيه او اهناك بقولج كلمة حطيها بإذنج وطبقيها عدل عدل
كل شي تسوينه لو كلينكس تشيلينه وتحطينه مكان ثاني كتبيه بدفتر عندج بالتاريخ والوقت والصور بعد
واي طلب من رئيسة القسم لما تسوينه تكتبين اسمج عليه مهما كان الشغل
واي شي تبينه من الادارة روحي بنفسج ولا دخلين واسطات نصيحة
ولسانك حصانك صونيه يصونج ولا تكلمين مع المدرسات على بونه ميانه لان في ناس اشباه من برا ما شالله تهبل واهي حية نقالة كلام وتعفس الاول والتالي
واياك ثم اياك تعطين افكارك لاحد خليها براسك وطبقيها بسكات واثبتي وجودك بالانشطة والصف وهالله هالله بالاخلاص بالشغل
وترى يالغلا التنافس حلو لكن الغيرة والحسد دمار فانتبهي وفرقي بينهم واستفيدي من مواضيع ابلة كويتية وفي مواضيع نصح للمعلمات مهمة
والله يوفقج يارب ياكريم

 

[أُم أُسامه]

رد : حسناء بنت معاويه او هيله بوطيبان

الله يجزاج خير نجمة العطا
وكلامج بسويله كوبي وبحفظه عندي

 

[الجورية2010]

رد : حسناء بنت معاويه او هيله بوطيبان

هيلة بوطيبان سمعت ان ناظرتهم قشرة اعتقد اسمها مريم السعيد

 

[ساندريلا]

رفع

 

[أُم أُسامه]

رد : حسناء بنت معاويه او هيله بوطيبان

جوريه مشكوره على المعلومه انزين والقسم ما تعرفين شي عنه ؟

ساندريلا رفع الله قدرج

 

[كسرة عود]

رد : حسناء بنت معاويه او هيله بوطيبان


أنا أرشح لج حسناء بنت معااويه

وموفقة

والزين يفرض نفسه في كل مكان

 

[الجورية2010]

رد : حسناء بنت معاويه او هيله بوطيبان

لاوالله مااعرف قسم الاسلامية لانه موتخصصي

 

[¤§ زيتونة §¤]

انا كنت بهيلة بو طيبان

الصراحة ناظرتنا لا قشرة ولا شي بالعكس متفهمة وتهبل وتراعيج لابعد الحدود وانسانة فعلاااا





قسم الاسلامية يهبل

رئيسة قسمهم عجمية عسل وهادية حييييل وتعاملها راقي جدا


بس اهي طالعة وكالة عاد بتقعد بتروح مادري والله



والمدرسة عموما وايد حلوة والمعلمات حبوبين ويا بعض من كل الاقسام انا لما انتقلت لها الصراحة ما حسيت اني يديدة بالعكس كلهم يسلمون ويبتسمون بويهج وسوالفهم حلوة


وانصحج فيها من خلال تجربتي الشخصية والحية



الوكيلات زينين بس في وحدة شوي اهي صعبة بس عادي اخذيها بالاسلوب الحلو وخلج صادقة وياها ولا تلفين وتدورين عليها تعطيج اللي تبين


الثانية للبنات وهادية وحليوة ويا المعلمات




الصراحة انصحج فيها



على فكرة الناظرة سمعت انها بتتقاعد خلاص والله اعلم


لكن الصراحة تهبل وانا ما انسى وقفتها وياي بوفاة الغالية والدتي يعني وقفتها وقفة اخت مو ناظرة ولا مسؤولة




الله يوفقج حبيبتي

 

[أُم أُسامه]

رد : حسناء بنت معاويه او هيله بوطيبان

مشكورين بنات

زيتوونه ما قصرتي على الرد المفصل

 

[أُم أُسامه]

رد : حسناء بنت معاويه او هيله بوطيبان

الله يرحم أمج يارب وسكنها الجنه