حسبي الله ونعم الوكيل وعسى حوبتها ما تتعداه

[نفهمها صح]

رد : حسبي الله ونعم الوكيل وعسى حوبتها ما تتعداه

الله هوو الهادي
العقليه الخليجيه متعترف بلحب

 

[دلوعة حمني]

حبيبتي الله يعينها...
بس من غير زعل شباب الحين مو مال حب!

يعني قالها احبج لازم تقوله... هذا الباب تبي تحب حب بالحلال مو بالخش و الدس!

الله يعوضها باللي احسن منه

 

[اربعينية وصغيرة]

رد : رد: حسبي الله ونعم الوكيل وعسى حوبتها ما تتعداه

يااااااااااااااااااا بنات اتقوا الله وخافوا على اهاليكم من الصدمات وما يكون هذا جزاهم وما بدأ بحرام وخش ودس ينتهي هذي النهاية الطبيعية فخليها تلحق على عمرها بالتوبة لله والله يهدي بنات المسلمين

 

[جرحي عميق 2011]

اشكركم عالمشاركات

 

[ورده حمره]

حبيبتي غلطانه تكتبين هالموضوع هني بقسم المتزوجات لانه لا يمكن يتعاطفون مع اللي تحب

ما يتعطافون الا مع المتزوجه حتى لو كان الريال يعرف مرته من يومين ويعرف البنت من 6 سنين لوووول


لانها تحط نفسها مكان مرته

ويا ويلج عاد من المتزوجه اذا غارت لوووول تنتفج

انا اقول لو تنقلينه قسم المشاكل الاجتماعيه راح تحصلين ناس متعاطفه ويا الموضوع وناس تنصح

والله يصبر قلب رفيجتج ويعوضها خير وان شالله تشوف حوبتها بهالخاين

 

[sharshora80]

رد : حسبي الله ونعم الوكيل وعسى حوبتها ما تتعداه

الله يشفيها يارب
ويغفر لها ويبلي مثل ما لعب على اللي تصير لج يبلي هو مو اعياله وزوجته لا حرام هم مالهم ذنب
واذا هي مظلومه صدقيني الله راح يبلي
دايم الخايس ياخذ الخايسه معروفه
الخبيثون للخبيثات
آية نازله من ربج

 

[aldanaha]

رد : حسبي الله ونعم الوكيل وعسى حوبتها ما تتعداه

احنا مو ضد الحب
الحب الحلال
والقصه الي كتبتيها ماكانت حب على الاقل من طرفه

 

[شمس 20]

الرياجيل جلاب

خبله اللي تثق برجل والله خبله

 

[غدووور الكويت]

الله يعوضها

 

[RǾşє βαяяỹ]

رد : حسبي الله ونعم الوكيل وعسى حوبتها ما تتعداه

الله يعينها ويصبرها ويشفيها ...

الحب ما فيه شي .. في ناس تزوجوا عن حب ...
بس حبيبتي بالزمن هذا ماكووو حب ولا ثقه بين الطرفين .. كله جذب .. ومفروض الحين البنت تخاف ع نفسها اكثر من اول .. لانه الزمن يخرع وتغير ..

واصلا الريال المفروض محد يثق فيه ..

 

[ام شووووق]

رد : حسبي الله ونعم الوكيل وعسى حوبتها ما تتعداه

هي حطت روحها بهالموقف وماننكر الانسان خطاي وبنفس الوقت نساي

الله يعينها

 

[*ريما*]

العلاقة من اولها موصحيحة
فاكيد راح تنتهي على كذا

 

[الدلوعة أمون]

اسمحـــــــــي لي عارفة أنة مملك وأركــــــــض وراة خير اللي خلقة ماخلق غيرة
الريال موضوعــــــــــــة منتهي وانا حالتي حالة ولا أحد درى عنـــــــــــي أتعب نفسي وأهلـــــي لواحد مو لـــــــي
الريال ماضحك عليها مملك وخالص خليهـــا تشوف نصيبهــــــــا والدنيا ماوقفت على كذا
( :​

 

[فـدوه]

للاسف اللي ملاحظته انه الأهل يربون البنت بس مايربون الولد و الدليل رياييل هالوقت دلوعين مليقين مايبون مسؤلية و لايبون يصرفون هذا غير الجنوس و اللي يحبون الحريم و الرياييل بنفس الوقت غير العاجزين اللي يتزوجون و يهدمون حياة بنات خلق الله

الأساس في التربية و البيت.... و الله المستعان على هالزمن

 

[راعية الطويلة]

الخطأ مشترك
هي قبلت تكلم شخص
بدون علاقة شرعية
يعني عطت إشارة للعب بمشاعرها
و هو بعد نفس خطأها
يتسلى ببنات بدون رابط شرعي
دواها
إنها تستغفر و تتوب إلى الله
و هو بعد لابد يتوب
و إلا ابتلاه الله
الله يهدي كل عباده المسلمين
شكرا

 

[*غنج*]

واهي ما عرفت ان الله موجود لما تعرفت عليه!!!!
حبيبتي حتا اهيا غلطانه كانت على علاقه معاه واهو مالج وعارفه انه بيتزوج واستمرت معاه، وعلى فكرة ما اعتقد ان في ريال يتزوج وحدة كان على علاقه معاها اغلبهم يقولون دام تكلمني يعني تكلم 10 غيري ويدورون وحده مالها علاقات سابقه،،،

 

[brettey]

المفروض من درت انه مالج تهده
اصلا زوجته اهي الي مظلومه منه ومن رفيجتج شنو تبيه يطلق زوجته الي ملج عليها قبل لا يعرف رفيجتج ؟هذا الظلم بعينه وعلمه
المظلومه بهالسالفه زوجته المسكينه ماتدري عن خيانه زوجها

شوفي انا ما اعارض زواج الحب ياما ناس تزوجوا عن حب علاقاتهم كانت بالخش والدس على 4 و5 سنين وعقب تزوجوا وكاهم متوفقين وعايشين احسن عيشه وقمه بالتفاهم الله يهنيهم حجي فاضي الي يقولون مايتوفقون الله اهو الي موفق
التوفيق من الله سواء كان عن حب او تقليدي

اصلا احلى شي الزواج عن حب لانهم يكونون متفاهمين وشفت بعيني هالشي

بس رفيجتج ماقدر اتعاطف معاها لان المفروض من درت انه مالج تهده اهي كان املها انها تبني سعادتها على سعاده غيرها

 

[جرحي عميق 2011]

مشكوورين

 

[انسام الكويت]

[sizانيه كتبتبه [/size]



يعني ليش بنات الناس لعبه عندهم وليش مايخافون ربهم ما عندهم اهل ولا خوات !!

وشلون يدخل حياة ويبني سعادته على ضياع بنت مالها ذنب الا انها حبته !!

حسبي الله ونعم الوكيل وعسى حوبتها ما تتعداه ويعرف ان الله فوقه وان بنات الناس مو لعبه

سامحوني كلامي وايد بس من حرتي عليها سجلت وكتبت ادعولها الله ينصرها على من ظلمها ويرد لها حقها يارب

اللي يرضى يخون ثقة الاهل ويرضى يلعب بالغلط يتحمل كل شي

وبعدين خل تحمد ربها انه ماصار شي مجرد علاقه عابره والسلام وخليها اتووب

والريال ماينلام اذا مايبيها لانه يبي زوجه محترمه ماتعرف هالسوالف والمغازل

واهو ما ظلمها اهي اللي ظلمت نفسها بنفسها ومالها حق لانه الريال تزوج

وبيعش حياته مرتاح واهي مسكينه عايشه احلام وهميه

 

[بدووورة]

الله يصبرها

والله يعوضها بريال تزوجها