حسبي الله ونعم الوكيل ابي حل تكفون

[emiemi]

حبيبتي صاحبة الموضوع انقهرت لمن قريت الهم اللي انتي فيه
عيشي حياتج وكوني واثقه من نفسج وتطلقي وخليه مثل الحمار يدفعلج تفقه ومتعه مالت عليه الحيوان لاتتنازلين عن حقج لو شنو الحق معاج وحمدي ربج اهلج معاج مو ضدج الله يسخرهم لج ويرزقج بالي احسن منه وهاذي اللي دقت علا اختج تراهي حيوانته واهوا اللي مطلع لها الخط تأكدي من هشي حدها وقحه انا مادري هالاشكال من وين تطلع والله يفرج همج ولاتحزنين حبي نفسج وعمرج ماله داعي تتحملين اخطاء غييرج ولو بيطلعون انج مو زينه بيطلع اهو الشين لانه بيتزوج مره ثانيه وبينفضح من زينه ويعه مالت عليه مو ريال
والله
وحسبي الله ونعم الوكيل فيه وفي اهله
وامه تقولج صبري واقول لابوه لابوه ولابوه اهله
فديييتج انتي

 

[حبيبي مالكني]

الله يعينج حبيبتي
انا ماحب انصح في هالمشاكل اخاف اضرج اكثر من اني انفعج
قعدي مع اهلج وتشاورو
والي قولونه لج هلج سويه لا تطلعين عن شورهم
وصلي استخاره
والله يهديه

 

[L A T T E]

مافيه صفة وحدة تخليج تتمسكين فيه..

ولا صفة !!

أو بالعربي: كل شي فيه يقوولج تطلقي

وعموما هذا مو وقت تفكرين بالطلاق او لا، دام انتوا كلمتوا اهله معناته خلاص مافي رجعة

خلج عند اهلج ولاتشوفينه ولا تكلمينه، وقولولهم احنا مانبي الولد وتنازلي عن حقوقج كاملة وخلج عند اهلج.

والله يوفقج يارب شكلج خوش بنت و وجودج غلط عند ريال منحط مايستاهلج، مستواج وايد احسن من جذي هذا مو كفو

 

[tunaQ8]

ألله يعينج ويصبرج

 

[mannawy]

الحمدلله ان ربي فكج منه وسبحان من عطاج حسن التصرف يعني لو انج مومتصله على اخوج ولو مو اختج داقه على عشيقته جان ماكان في شاهد! الف الحمدلله يبا تحليل يقطع الشك باليقين وهذا دليل ثالث وصدقيني لو انج موصادقه ونيتج صافيه جان ربي ماسهل شوفة مصايبه لج عشان بيخلصج منه.
بالعكس انا لومكانج جان فرحت والله يخليلج اهلج عزوتج ومالج شغل بالكلام اللي ينقط عليج. ولدهم وموشايفين اللي شفتيه ولو شنو سوى بيظل ولدهم مايتخلون عنه. بس ربي ماراح يتخلى عنج لانج على حق
توكلي على الله وطلبي الطلاق واذا عصلق خلعيه وافتكي منه لابارك الله في فلوس ولاشبكه بتعيشج العمر كله متظايقه.
والله يخليلج اهلج عزوتج وتاج راسج.
عسى ربي يوفقجويحفظج ويسهل امرج ويفكج منه عاجل غير اجل

 

[بنت-]

احسن لج تطلقي قبل لا تحملين و يبتلشون اليهااال​

و قولي حق اهلج السالفة فيها مخدرااات ، و الله باجر انتي و اهلج الي بتروحون فيها .​

و انا اشوف الريال الي انتي ماخذته مووصاحي !! و لايصلح زوج ابداااا ،، الله يعينج و مالج الا الطلاق عشان تعيشين حياتج بامااان و طززز بكلام النااس اهم شي حيااتج .. انتي مرح تعيشين الا مرة و حدة و حرام تضيعين حياتج مع هالانسان ​

الله يستر عليج و يبعدج عن المشاكل .​

الله يكون بعونك
وانا مع الاخت

 

[emo2]

انا والله ماودي اخرب بيتج بسسسسسسسسسس الحل انج تصلين صلاه الاستخاره وتقرين دعاء الاستخاره وربي بيكتبلج الخيره

 

[%حبيبة امها %]

تطلقي واحذفي وراه اووووله

موكفو زواج

 

[نانا و توتو]

الله يهديه

حبيبتي لحقي على عمرج الواحد منا ما يعيش إلا مرة واحدة و يموت - ليش يعيش هالعيشة الي ما فيها أمان على نفسج ترا الي يحشش ما يكون صاحي ممكن بيوم يرد البيت و يطقج طق تروحين فيها !!!!!!!!! شالي جابرج ؟؟؟؟؟؟

حبيبتي وبالنسبة لأهله قولي لهم خليهم يسوون فحص دم حبيبتي الحشيش و الخمر يتم آثاره بالدم 40 يوم و المحشش أو الي يشرب خمر ما يقدر يصبر 40 يوم من غير ما يتعاطى يعني بيصيدونه بيصيدونه و سمعي مني ومن خواتج بالمنتدى لحقي على عمرج قبل ما تصيده الشرطة بشقة أو شاليه هني بتصير الفضيحة حبيبتي كل الديرة بتدرا أن فلان زوج فلانة صايدينه بشقه يحشش مع بنات !!!!! شبتكون ردة فعلج؟؟؟ وإذا عندج أخوات منو بيتقدم و يطلب إيدهم للزواج و ريل إختهم صايدينه يحشش؟؟؟ حبيبتي الفضيحة بسرررررررعه البرق بتنتشر


سوي إستخارة وشوفي بس رأينا كلنا إنج تتطلقين لإنك صبرتي و ما تغير شي و يوم عن يوم بتكتشفين شغلااااااات وايدة
فكي عمرج يا قلبي قبل ما يحوشج مرض بسبته (معاذ الله)

وسامحيني

 

[غرام 20]

حبيبتي هذا مو صاحي باجر يتبلا عليج قولي لاهله مو مرتاحتله وخلاص
باجر يتكلم هلي الناس ويسد باب رزقج ورزق خواتج

 

[كويتيه مذهله 87]

اشتبين فيه قطيعه جان من اول شي تطلقتني منه
ان شالله اييلج نصيب احسن منه

 

[Mjnont '3lay]

انا لو منج اعطيهم العين الحمرا وارد عليهم برد اقوى من ردهم واقولهم انا ما اتبلى على احد روحو اكشفو عليه وشوفو اذا انا اجذب ولا صاجه وخلوه يطلقني بالطيب وبالهدوء احسن لا توصل السالفه لي المحاكم والغصب
وهذا كلللللللللللش لا تبقين معاه كللللش باجر يجيب لج امراض واذا حشش يفصل عليج ويذبحج عاادي مايحس بعمره
تلاحقي نفسج وتطلقي حسبي الله عليه ونعم الوكيل دامه هايت وصايع ومو وجه زواج ولا هو قادر انه يتسنع ويفتح بيت ليش يبلش بنات الناس معاه بس الله رح ياخذ حقج منه هاللي مايستحي اصبري وتطلقي منه ولا تاخذج الطيبه وكلامه المعسول والطيب وترجعين له هذا خلاص ما منه فايده تطلقي قبل لا تبتلشين بورع منه وخيره من الله انج ما حملتي احسن عشان ما تتوهقين وتصبرين على انسان مو كفو واذا يبي يتسنع بعدين بالطقاق يتسنع على روحه بس مو على حساب كرامتج ونفسج
وانشاءالله الله يعطيج على قد نيتج ويرزقج بلي احسن منه انتي توج صغيره والحياة جدامج لا تحاتين شي ياعمري ولا يهمج كلام الناس تراه مايوكل خبز والله اهم شي انتي احمدي الله انه اكشفاه لج قبل لا تتوهقين معاه بالحمل والورعان

 

[LADY~O$CAR]

لا حول ولا قوه الا بالله العلي العظيم

الله يفرج همج
ان شاءالله

 

[.. روحي تحبه ..]

..

أول شي دايما رددي حسبي الله ونعم الوكيل اللهم أجرني في مصيبتي واخلف لي خيرا منها لاحول ولاقوة إلا بالله وأفوض أمري إلى الله وأهم شي صلي استخارة ..

قصتي مشابهة لقصتج نوعا ماا بس هم إنتي عانيتي أكثر ربي يفرج همج ..

تطلقت بعد شهرين وياربي لك الحمد رااضية إنه هالشي خيرة لي لأني توكلت على الله وفوضت أمري إليه ..

دام أهلج واقفين معاج وحاولتي معاه أكثر من مرة إنتي اتكونين سويتي إللي عليج لا اتخافين من الطلاق إذا كان اهو الحل المناسب وعليج بصلاة الإستخارة وعقبها لا اتحاتين شي ..

ربي يسر أمورج ويكتب لج الخير وين ماكان ..

..

 

[كوريا وبس]

لاحولة ولا قوة الا بالله الله يفرج حبيبتي
والله انتي طريقة كلامج شكله وحده طيبة ومحترمة وعلى نياتج يعني الزوجة الي يتمناها كل ريال ليش اهو يسوي جذي
حسبي الله ونعم الوكيل
اختي نصيحة مني لج هذا واحد حشاش لحقي على عمرج يا وخيتي وتطلقي منه
قبل لا بلحضة تهور يسوي فيج
وصدقيني الله بيعوضج بواحد احسن منه بمليوووون مره
واذا جو اهلة بطي الجربة كلها قولي كل شفتيه خل يغرفون بلاوي ولدهم عشان مايدبسونه بنات الناس وهما يبتلشون
سمعي كلامي وطلبي الطلاق
والي طكاتبه ربج بيسير
والله يحفضج من كل شر
مع السلامة

 

[USA Girl]

من صجج لي الحين قاعده عنده ويع استغفر الله الله لايبلانا حمدي ربج انج ماحملتي منه تطلقي منه جنه العيد
راعي حريم ومخدرات ومعاملته لج خايسه شلون تتخيلين مستقبلج معاه ,, وعادي بالتفاههم قولوا حق اهله هذا اذا اهله ماعندهم خبر وساكتين وانتي الله يعوضج باللي احسن منه مليون مره

 

[صادقة بكلمتي]

نفسي اعرفه ليش يتزوجون ويوهقون بنات الناس والله حرام يالا نفسييلله يهون عليج

 

[أحلى البشر]

ريلج مايترقع موليه
الحل تتطلقين قبل لاتبتلشين عمرج كله دام ماعندج عيال منه