حسبي الله على الاربع نواب

[اخت اختهم كلهم]

الله لا يوفق الاربع نواب الي طلعو خربو جلسة القروض حسبي الله ونعم الوكيل فيكم ان شاءالله حوبت المقترضين متعداكم

 

[fr7ty]

حسبي الله ونعم الوكيل فيهم

الله لايوفقهم لادنيا ولا آخره..اللى ايده بالماي..يا عسى حوبة كل كويتي ماتتعداهم..

لا حول ولا قوة الا بالله..والله كنت مستانسه قلت اخيرا..بس..يافرحه ماتمت

 

[وبعديين]

حبيبتي,,,,كتبي اساميهم,,,الجبناء

 

[آلسحرآلحلال]

ستغفر لله .. لانهم مرتاحين

 

[أم جوري]

لا حول ولا قوة الا بالله بعد كل هالنطرة يصير جذي .. ؟

 

[مندوبة ام بندر]

لا تقولين صج
انا اخر شي شفته انه وافقووو على اسقاط القروض
بس ضيقتي خلقي بهالخبر مع اني مو مستفيده منه شي
بس حرام ناس واجد تبهذلت حياتهم والسبه القروض

 

[girl_in_abottle]

يا حبيبتي ليش تتحسبين جذي؟

القانون مو هين
يبيله تروى وله الكويت ميزانيتها تروح فيها

الصبر الصبر
و الله يقضي عنكم الدين

 

[مــ_ــا مــ_ــي]

منو هالنواب االلي خربو الجلسه...؟

 

[ToOoTi]

انا ماني فاهمه
الحين يعني ماكو اسقاط حتى الفوائد ؟؟؟؟؟

 

[@ NIGHT_STARS @]

لا حول الله ماكو فايدة فيهم لازم يتهاوشون

استغفر الله ما نصدق على الله وننطر واهما يخربون علينا

يا صبر ايوووب

 

[ليالي نجد]

حركه مقصوده اكيد ومتفقين عليها والا اربعه بوقت واحد يطلعون اشدعوه !!

الله يقضي دين كل مديون ويفرج كربتهم

اللي عنده قرض قد خلص قرضه وهم ما خلصوا بسالفتهم لوعوا جبدنا !!

 

[ام حمادنه]

منو عاد شسمهم

عشان لويموتون مافي اصوات بس كتبي اساميهم

 

[أم حوور]

اللي ايده بالماي مو مثل اللي ايده بالنار



ما يحسوووووون بغيرهم


حسبي الله عليهم

 

[بكتني الذكريات]

منوووو اهم النوااب قولوا اساميهم عاااد

 

[ToOoTi]

غير الموافقين

لم يوافق على القانون: أحمد الهارون والشيخ أحمد العبدالله والدكتورة اسيل العوضي وبدر الشريعان وروضان الروضان والدكتورة رولا دشتي والدكتورة سلوى الجسار وعادل الصرعاوي وعبدالرحمن العنجري وعبدالله الرومي والدكتور علي العمير والدكتور فاضل صفر ومحمد المطير والدكتور محمد البصيري ومرزوق الغانم ومصطفى الشمالي والدكتور هلال الساير.


الممتنعون

امتنع كل من: خالد السلطان والدكتورة معصومة المبارك وناجي العبدالهادي عدنان المطوع




شوفوا نائباتكم ياشعب الكويت ؟

 

[بكتني الذكريات]

حسبي الله ونعم الوكيل

انصدمت من بعض الأسماء

توتي مشكوووره ياقلبي .

 

[غصن الغلا]

شنووووووووو السالفه فهموني

 

[ســتارز]

منو النواب الربع ؟ الرافضين القرار اكثر من اربع

 

[ToOoTi]

السالفة يا قلبي
بعد جلسة ماراثونية استمرت حتى الساعة الثالثة فجرا ، رفض المجلس اقرار قانون شراء فوائد المديونيات رغم موافقة 32 نائبا بالمداولة الثانية مقابل 20 عضوا ، و ذلك لعدم حصول القانون على أغلبية لإقراره .
و قامت الحكومة بممارسة ضغط كبير على بعض النواب بعدما شعرت بأن القانون قد يقر في المداولة الثانية ، حيث حصل على موافقة 36 نائبا بالمداولة الأولى مقابل 18 من أصل 54 .
حيث غادرت النائبة معصومة المبارك و النائب عدنان المطوع القاعة قبيل التصويت على المداولة الثانية ، فإنخفض عدد المتواجدين بالقاعة إلى 52 ، فصوت 32 نائبا بالموافقة و اعترض عليه 20 عضوا ، و لم يوافق المجلس على القانون بمداولته الثانية لعدم حصوله على أغلبية 33 عضوا ، بعد أن غير خالد السلطان و ناجي العبدالهادي قناعتهما و رفضا القانون رغم موافقتهما على المداولة الأولى ، و التي لم يزد الفارق الزمني بينها و بين المداولة الثانية سوى ربع ساعة ، كانت كفيلة لتغيير القناعات و مغادرة نائبين للقاعة .
و قد بذل النائب مسلم البراك جهودا كبيرة خلال جلسة القروض ساهمت بإقناع النواب على اجبار الحكومة للجلوس حتى الساعات الأولى من الصباح ، و النجاح بإقرار القانون في مداولته الأولى .
و تم ارجاء التصويت على المداولة الثانية إلى جلسة 5 يناير المقبل ، و تأجيل جلسة البدون التي كانت مقررة صباح اليوم الى جلسة 12 يناير المقبل .

 

[sara al3soola]

لاحول الله ولا قوه الا بالله بربع ساعه تتغير قناعاتهم اممم خوش نواب والله !!

لعوزو هالناس نطره وحالتهم حاله وبالاخير جذي ياليت لو في 2 من مسلم البراك جان صار في ميزان عداله بهالمجلس