حزينه وضايقه الخاطر :(

[خفوق طفله]

السلام عليكم ورحمة الله وبركاته

هذا اول موضوع لي بالمنتدى ترددت قبل مااكتبه

بس ماعندي احد افضفضله واحس اني متضايقه بالحيل







واللي مضايقني ملكت اختي اللي اصغر مني لما ملكت حسيت بنقص

وان كل اللي حولي يناظروني نظرات الرحمه وهالشي هو اللي زاد الضيقه فيني

وانا اكبر خواتي عمري 20 واختي اخر سنه لها بالثانوي وزواجها بالصيف والحمدلله انا واعوذ بالله من كلمة انا

بشهادة الجميع اجمل خواتي وشخصيتي قويه والوالد والوالده مايسون شي الا مستشيريني والحمدلله واثقه بنفسي




بس موضوع اختي هزه الثقه اللي فيني واللي مضايقني زياده ان اختي ماستأذنتني ولاعملتلي اي اعتبار

الوالده هي اللي فاتحتني بالموضوع لما جاب المهر بصراحه انصدمت منهم كلهم لاني متعوده اكون على درايه بكل شي

ولما قالتلي امي قلت الله يوفقها وطلعت غرفتي وجلست ابكي طول اليوم




وانا علاقتي مع اختي اللي بتتزوج قويه

بس دايم احس بنظراتها غيره مني ودايم تحاول تفشلني عند صديقاتي

لاني الحمدلله اجتماعية بعكسها انطوائيه دايم بالمدرسه تجلس لحالها وماعندها صديقات

وحى المعلمات ينصدمون انها اختي ويجون يسألوني اذا خوات من اب ولما اقولهم لا مايصدقوني





وبصراحه اكثر شي شايله همه زواجها شلون بقابل قرايبي كلهم انا اذا بس خالاتي وعماتي ضايقوني بنظراتهم بالملكه

لان مافيه بعايلتنا احد من بناتنا تزوج قبل الكبيره وبصراحه هالموضوع قلب نفسيتي

صايره مو طايقه نفسي بس متنرفزه واختي تملكت الخميس اللي فات

طبعا انا باركت لها مع المعازيم وبعدها ماصار بيننا اي نقاش






الاسبوع هذا ماداومت اخذت عذر السبت والاحد من المستشفى

والايام الباقيه ماجبت لها اعذار واحس مو قادره اداوم نفسيتي مره تعبانه وافكر اقدم اعتذار المستوى هذا

وبنفس الوقت ماابغى ابين لاختي اني منهاره او متضايقه ماادري وش اسوي





ادري عمري صغير وتوي على الزواج بس زواج اختي ضايقني

الله يعافيكم ابغى احد يحس فيني احس نفسي مخنوقه:eh_s(2):

استغفر الله العظيم واتوب اليه



​

 

[أم سيف]

رد : حزينه وضايقه الخاطر

حبيبتي تعووذي من ابليس ترى هذي لعبته
يحاول يوسولج عشان يثير الفتن بينج وبين اختج بالعكس لاتبينين لاختج غيرتج بالعكس خلج يمها سانديها ترى اهي وايد محتاجتلج يمها ويجوز انها ساكته لانها خجلانه منج يعني لان اهي ملجت قبلج وانتي يمكن مكبره الموضوع من غيرتج او انج حاسسه بتفقدين اختج اقرب الناس لج تعودتي عليها انا حاسه فيج لان نفس الموقف صارلي بس مع بنت خالتي ماننكر انه في غيره بسيطه بس ماتوصل لدرجة الحسد والحقد عادي حبيبتي لاتفكرين بالموضوع من هالناحيه فكري من ناحيه ايجابيه اكثر قولي يمكن مافاتحتج بالموضوع لانها خافت تجرحج ليش ان انتي اكبر منها حطي في بالج كل شي الا الظن السئ ليش تستنينها تيي انتي روحي لها ابدي وياها يمكن هي خجلانه منج وموعارفه شلون تبتدي معاج بالحجي بادري انتي وصدقيني لما تتكلمون بتصارحج وبتشرحلج موقفها وبعدين ليييه ليييه كل هذا ششدعوه ترى توج بالعشرين مو بالستين ماتدرين يمكن هي الحين ماتوعيين الا والاسبوع الياي انتي دورج ونفرح فيج وايي عرسج وارقص << لووول لاتكدرين خاطرج وانا اختج وقومي اذا اختج صاحيه تكلمي وياها ولا نامي عندها وشوفي شلون التاُير وي وي كثرت هذررره عذريني سهرانه وفاضيه

 

[خفوق طفله]

اهلين اختي ام سيف

يشهدالله الضيقه اللي فيني مو حسد او حقد

بس حز في خاطري اللي سوته فيني اخر شي كنت اتوقعه

واني اكلمها مااقدر اخاف تجرحني ويزيد اللي بيننا


​