حزينه جدا عالحال الي وصلتله

[سوسو2010]

اتمنى القى احد يساعدني في الحاله الي وصلتلها
صدقوني بتاخذون اجر فيني لاني صرت مكسوره :eh_s(11):
انا لماتزوجت كان وزني 50
جبت عيال بس اخر طفل جبته

الحاله تدهورت
وصلت
74
وطولي 149

البطن انتفخ بشكل غير طبيعي
يعني الي يشوف بطني يباركلي بالحمل
وانا موحامل

حتى سرتي طاحت على تحت من كثر مانتفخ المكان فوق السره
امراض وتعب وموقادره اهتم بعيالي
لاني طول الوقت تعبانه من الصداع
سويت رجيم ونحفت بس رجع كل الي راح:krkrkr:
زوجي كل شوي يقول بتزوج عليكي :eh_s(2):
سويت تحاليل سليمه
بس الدكتور قالي انتي فيكي اكتئاب وتلقين السعاده بالاكل
ولاحظت لما اكون فرحانه مااكل
ولما احزن او ازعل امشي مثل المجنونه ادور اكل
انا مااطلع من البيت نهائيا
ماعندي صديقات ولاجيران وبعيده عن اهلي
زوجي عودني اني اجلس بالبيت مع عيالي واهتم فيهم
مدري شسوي تعبانه من جد
الي عندها حل تواسيني

 

[مس هنادي]

ياحياتي الله يعينج شدي الهمه وراجعي عنددكتورتغذيه

 

[قرة عيونه]

حبيبتي يشرفني اكون اول وحده ترد عليج

ماعليج ماله داعي كل هالضيقه شي طبيعي المره بعد الحمل تمتن

اهم شي تخلين نفسيتج مرتاحه ولا تضايقين نفسج

انا عن نفسي اذا تضايقت احط حرتي بالاكل

دوري على الاشياء اللي تفرحج وخلي عندج صبر

تخيلي شكلج لما تضعفين وتكونين واو شنو شعورج بيكون وقتها اكيد بتفرحين

فكري بهاليوم لان بيزيد حماسج للرجيم

انا سويت هالطريقه من نفسي ونزلت 13 كيلو :$

بس طبعا بسنه كامله يعني الرجيم يبيله طولة بال

كنت قبل نفسج اسوي رجيم شوي وارجع اخربه وازيد بعدها تمر السنين واتحسر واتخيل لو كنت مكمله على رجيمي كنت راح اكون نازله حيل وانقهر على نفسي

بس بعدها قلت لازم ابدي صح وان شاء الله اقعد سنه سنتين مو مشكله اهم شي بالاخير بوصل للي ابيه

وكنت كل احد اقيس وزني

واكثر شي خلاني اتحمس اني سجلت ملاحظه بالتقويم

كل يوم احد اكتب التاريخ اللي بوصله

مثلا هالاسبوع بنزل 3 كيلو اسجل جم بيكون وزني اللي بعده كيلوين واسجله لييين اوصل للوزن اللي ابيه

ومن كثر ماكنت متحمسه كنت كل شوي اشوف التقويم واشوف اليوم احقق فيه وزني المثالي واسستانس وانطره على نار

انا وقفت رجيم من فتره والحين رجعت وبتقويم ان شاء الله 6 مايو اكون وصلت 57

مع العلم ان طولي 162 وزني الحالي 67 بس انا نزولي بطيء عشان جذي يبيلي فتره اكبر

لكن مو مشكله الوقت اهم شي انج ماتصعدين اللي نزلتيه

وعن نفسي ماستغنا عن الجاي الاخضر يوميا قبل لا انام لازم اشرب كوبين ثلاثه

اتمنى اكون فدتج وان شااااااء الله يارب توصلين للوزن اللي تبينه

اهم شي لا تضايقين روحج لان النفسيه تلعب دور مهم :eh_s(7):

 

[دآنة آلرشآيده]

الله يكوون بعونج
سوي رجيييم خلي عندج ايراده
امشي وسكري حلجج والله تضعفين

 

[كيكه توفي]

حزينه وبعدين وين الحل ؟
لازم تفكرين بالحل الحزن مايغير شي
دشي قسم الانظمه شوفي لج نظام يناسبج وبلشي فيه من باجر ورياضه لو نص ساعه كافي والصبر اهم شي الاراده بالتوفيق

 

[اشلون يعني &]

لماتشوفي مصيبة الغير تهون عليج مصيبتج


شوفي الي فيهم امراض وقولي الحمدالله
مشكلتج بسيطه
سكري حلجج وامشي لمدة ساعه وراح تنحفي
اهم شي الإصرار والاراده
اشتركي بدايت سنتر وان شاء الله تضعفين

 

[$كشوخه$]

أول شي تسوينه تخففين أكل ولا تقولين ماقدر كل شي بسيط ولا تآكلين بعد الساعه 7

وعندج أكثر من ريجيم بهالقسم اختاري اللي يعجبج ويناسبج وكلنا معاج نشجعج

اشربي 3 أكواب جآي أخضر باليوم وامشي لمدة ساعه وسوي تمارين

انتي حطي ببالج إن اللي بعمرج ضعاف ويهتمون بنفسهم عشان يطلعون بأحلى شكل وانتي شنو ناقصج ؟

طبعا انتي تحتاجين إراده وتمنعين نفسج شكثر كانوا أمتن وضعفوا ووصلوا للوزن المثالي

السالفه أبداً مو صعبه والتغيير بيبدى منج انتي قبل انتي عزمي والباقي بيكون سهل إن شاء الله

 

[امنة الرشيدي]

حبيبتي ترا كل مرة تمر بنفس ضروفج بس لازم تتحكمين فيها مو الاكتئاب الي يخليج تاكلين لا كلام زوجج الله يهدية وعيالج وضغط عليج لا لازم تخلين لنفسج ولو ربع ساعة تهتمين بنفسج وتقولين بينج وبين نفسج انا استاهل احسن من هالجسم احسن من هالنفسية لازم اغير نفسي للاحسن واتوكلي علي الله ودعي ربج علي طول انة يريح بااالج ويضعفج بصحة وعافية صدقيني انتي ماتحبين نفسج لازم تحبين نفسج عشان تتغيرين ليش احط حرتي بالاكل ليش ما اسوي رياضة واحط حيلي فيها وبللعكس اشغلي نفسج بعيالج العبي معاهم اي لعبة فيها حركة منها تحرقين سعرات ومنها تتقربين منهم صدقيني ما راح تترتاحين الا اذا غيرتي من نفسيتج وزنج خليها اسلوب حياة قولي بينج وبين نفسج انا احب عيالي ونفسي وراح اتغير صدقيني انا كسرتي خاطري لازم تتوكلين علي الله وتغيرين بنفسج خلي اسبوعج مقسم ساعة رياضة وكل يوم بالاسبوع خلية مقسم يوم عناية بالشعر اي شي ادهنية حطي حنة وا ماسكات شوفي اليوتيوب او النت يعلمج ويوم لبشرتج ويوم لبسج ويوم للبيت وترتيبة صدقيني راح ينشغل يومج كلة وراااح تحبين نفسج ومابي منج الي تدعيلي ان الله يحقق الي انا ابية وشدي حيلج محد يحبج كثر نفسج