حركه وصخه

[كبرت قبل اكبر]

ابد والله مافي بينا اي مشاكل
حتى انا مستغربه حيل حركتهم

 

[al3sooola]

اللحين الناس محد له شغل بالثاني زين ومنها عمتج ام زوجج تجي وتسأل عنج وتتصل فيكم والل هلو وحده ثانيه جان طنااااش ما تدري عن هوا دارج

 

[هميانـ]

النبي صلى الله عليه وسلم قال: (( ليس الواصل بالمكافئ، ولكن الواصل من إذا قطعت رحمه وصلها )) .
اختي انتي اوصليهم وان قاطعوج
يمكن اهل زوجج يحسون نفس احساسج انج قاطعتهم وما تحبينهم
واهم شي عيالج لا تقطعينهم عن عماتهم صدقيني في المستقبل بيحسون نفسهم غرب عن اهلهم
الله يهدي النفوس ويصلح ما بينكم
كرري هذا الدعاء ( اللهم اسلل سخيمة قلبي )
( اللهم اصلح ذات بيننا )
وبعدين كل عداوة ترجى مودتها الا عداوة الدين ,,,,

 

[Om eL'3aLe]

اختي الغاليه اول شي هذي ام زوجج بحسبة امج اهيا ماتتشرهين عليها كونها مرا كبيره المفروض انتي اللي تتصلين وتروحين لها بالاسبوع مرا عشان تشوف اليهال وشي حل وانها يات وزارتكم الحمدلله تعتبر نقطه زينة انا نفسج محد يدق بس انا اللي اروح لانها مرا اعتبرها مثل امي واهي طيبة اتعاملج على النيه بس بناتها اذا اهما اصغر منج اوكي يسمونه قلة سنع منهم المفروض يدقون عليج بس اذا كانو اكبر منج بالعمر المفروض انتي ادقين وتحسبينه اجر وصدقيني على كثر ما توجبينهم وتراعينهم باجر ان شاءالله عيالج بيكبرون وبتزوجون وبتييج جنه تسويلج مثل ماتسويلهم سوي خير ولا تنطرين مقابل اهوا صج شي يحر بس شتسوين ماتقدرين اتعدلين الناس وعسى ربي يوفقج بحياتج ويسخرهم لج

 

[mf6nt el3lat]

كبرررررري عقلج
مثلا اذا رحتي لهم قطي نغزات عليهم خليهم يحسووون شوي

 

[! Miss.Q8 !]

وانتي ليش ما تدقين عليهم وتسألين؟!!
انتي قاعده تسوين نفس الشي بس ما تشووفينه غلط !!!

 

[المكسيكيه]

عادي لا تحرقين قلبج على ناس جذي

 

[بندوره]

انا من رايي اكسري هالحاجز :
كلمي ام زوجك وقولي بمرك وودي اشوف البنات ولهانه عليهم ماشفتهم من زمان
وبس طلعت منك العيبه وعطيتيهم نغزه
اذا جو تعاملي معهم حلو ولا تتشرهين الا بالعكس بيني لهم انك مشتاقه
واذا ماجو خلاص لاتترجين شي منهم

 

[كبرت قبل اكبر]

بنات اهم صاديين كيف اروح لهم وبعدين انا زوجي مسافر ولدهم المفروض يبدقون ويسالون

 

[كل شيء عادي]

حبيبتي أنتي سوي المفروض عليك
كل اسبوع تروحين تزورين عمتك ( وهذا وااااااااجب عليك )
وماعليك من اخواته
أهم شي إن مافي أحد يغلط عليك او يقط نغزات
وخليك احسن منهم وارسلي لهم مسجات كل فتره وفتره مثل مسجات يوم الجمعه

 

[FeShinGoOo]

انتي ليش مادقيتي عليهم ؟؟؟

صيري احسن منهم دقي عاتبي واتشرهي احسن ماتحقدين وتشيلين بقلبج

 

[الغلا كله لبوي]

حبيبتي خليج باره بعمتج اتصل عليها هذي مره عوده ولج الاجر
اما خوات زوجج لا طنشيهن مثل مايطنشنج
تصدقين اذا سافر زوجي ماعمر عمتي اتصلت فيني يا انا اتصل ولا لا
بخاطري تتصل وتسأل عني وعن عيال ولدها
وربي يوفقج

 

[ڕۆۆحــي ڣــڍااگ]

صليهمً صلةً الرحمً وااجب
ولعنةً اهمً شيً امً زووججً ومالجً شغلً بناتهاً

 

[ترانيم القصيم]

سؤال يا قلبي ,,

أنتِ لما تتصلين على عمّتك أو بناتها ,, تسووين هالشغلة عشانهم ( و إلا ابتغاء الأجر من الله رب العالمين ) ؟

طالما نيّة العمل هذا ( لوجه الله ) أجل وشوله تنقهرين و تزعلين و تقولين قلة أدب ؟

أكيد أنتِ تبين مرضاة الله و ما تسووين هالشي عشانهم ,, لجل هذا المفروض ما تقطعين الإتصال و لازم تكملين و تبرّينهم و تتواصلين معهم لوجه الله

مهوب عشان يردّون عليك و يحبّونك و يسألون فيك ,,

لازم نطهّر نوايانا من أغراض الدنيـا و نوجّه مسيرها إلى رب العباد ^^ , لأن لو صار أساس أي عمل صالح ( نيّة تبتغي مرضاة الإله )

هنـا لا راح تتضايقين من جفوتهم لك و لا راح تشرهين عليهم لأنك أولاً و أخيرًا ما دقّيتِ عشان سواد عيونهم

أنتِ داقة عليهم عشان رب العالمين , عشان ترضينه ,, بس ^_^

الشي الثاني :

ما أعجبتني الكلمة آللي استخدميتها ( حركة وسخة ) أو قلّة أدب , حسّيت إن السالفة فيها شيء مخل بالأخلاق و خادش بالحياء

مع إن السالفة من أبسط ما يكون , بس الشيطان الرجيم دخل و هوّل الموضوع عليك و سوّاها حركة وسخة و قذرة يوم إنهم ما دقّوا عليك أو زاروك

التمس لأخيك المسلم سبعين عذرًا , الناس لهم مشاغل و ظروف أو مشاكل و هموم نفسيّة ( أنتِ تدرين عن آللي بقلوبهم ) ؟

حتّى لو ما كان عندهم شغل , عزيمة , دراسة , سفر أو أيًا يكن , ممكن تكون عندهم مشاكل عائلية أسريّة و متضايقين و الواحد لما يكون متضايق

ما له خلق حتّى نفسه , ما له خلق أقرب الناس له , مسكّر باب غرفته على نفسه و جالس يفكّر ,,

وين يكون له خلق يسأل عن الناس أو يدق عليهم أو يوجّبهم و يعزمهم ؟

هذي بنت خالتي .. أختي الكبيرة دقّت على جوّالها و ما ردّت ,, طبعًا متعمدة شافت الرقم و ما ردّت

جات اليوم الثاني و قالت للأختي حرفيًا : أنـا آسفة شفت رقمك و ما ردّيت لأني كنت متضايقة و تعبانة نفسيًا و مانيب أكلّم أحد

هل أروح أقول حركة وسخة ؟ أو هي قاطعة ؟ أو قليلة أدب ؟

لأ طبعًا , البنت كانت مضايقة و كلّنـا تمر علينا هالحالات , أنـا بنفسي أحيانًا أكون متضايقة و محزونة و شووي و أبكي

فجأة يجيني اتصال من وحدة من البنات ,, بالله هل يكون لي نفس أرد عليها ؟ لا بصراحة ما أرد لأني متضايقة آللي فيني يكفيني

ما لي خلق للضحكة و البسمة و السواليف , محتاجى أنفرد بنفسي و أعالج مشكلتي ,,

فـ عادي يعني نعذر الناس و نحسن الظن فيهم , و احترام المرأة لأهل زوجها من احترامها لزوجها من احترامها لعيالها ( من احترامها لنفسها )

و ما تشوفين شر حبيبتي و عن حركات الدلع ^_~ دقي عليهم و وجبيهم و لا كأن شي صار

احترامي و تقديري

ترانيم القصيم

 

[گـحِـلْ |~]

.

بصراحه إنتي غلطانه !
مفروض كل كم يوم تسإلين عن عمتج مو شهرين تغط وتشرهين عليها بعد
هي الكبيره ترى ,

وخوات زوجج يمكن يقولون ليش هي ما تدق !
جربي دقي مره وشوفي بعدها بيدقون وإلا لا

مالج حق تزعلين بصراحه


,

 

[uniqueah]

انتي ليش ما دقين علييهم تسألين عنهم يمكن بعدها يدقون عليج وانتي لازم ادقيين مهما كان هذول عمات عيالج

واذا عن عمتج لازم انتي اللي ادقين وتروحين لهاا مو اهياا

 

[جوري الكويت]

ما يشوفون شر

 

[شوكلاتة فليك]

ماعليكِ من البنات وحركاتهم خليكِ العاقلة
أهم شي أم زوجك دقي عليها وإسألي عنها
لأنها الكبيرة
وإللي يطنشكي طنشية...

 

[مارياq8]

انتي مو ملزوومه ادقين عليهم او حمواتج يدقون عليج

اهم شي عمتج وبس ليش تشيلين همهم واهم ما يسألون عليج ل

حتى زووجج لا تجيب له طارري عن خوات

 

[daana]

شوفي عادي مو بس انتي وايد جذي
انتي سوي الي عليج يعني على الاقل ام ريلج دقي عليها بين فتره وفتره وبس
يمكن مراه كبيره ماتعرف تيي او محد ايييبها ومحد يخليها تدق عليج
وبس
طوفي ولا تعكرين مزاجج جذي تكونين حشمتي امه ومحد يقدر يقول عليج نص كلمه ومسكتي العصايا من النص