حركة طايحين فيها شيماء علي , شجون , فاطمه الصفي .... وغيرهم ..!

[احلم بقربك]

جزاك الله خييير

 

[روح مووود]

الله يجزاك اجنه اختى على التنبيه

 

[ديمــــــــــه]

المفروض يكونون هالمشاهير قدوه لكنهم صايرين بلوه
كل شوي طالعين علينا بتقليعه جديده سواء في الحركه او اللبس او الكلام
كرهتهم صرت ماعاد احب بنتي تقعد قدام التي في اخاف عليها تتأثر
والمشكله مسلسلات خليجيه يعني المفروض تكون متحفظه ومنتبهه لكثير امور لكن ذبحنا التقليد
سوري قرقرت كثير
يسلمووو حبيبتي عالموضوع

 

[ورد مكة]

جزاك الله الف خير اكييييييد مو عارفين شنو تعني ​

 

[متى أشوفك]

يعطيك العافيه حبيبتي موضوعك يستحق الاهتمام

الله يهدي الجميع لمافيه الخير يارب

واللي يتخذ هالاشكال قدوه عز الله بيسوي شيء اكبر من كذا

 

[درة أهل الطولات]

والله الشرهه على اللي يقلد هالاشكال

اللي يدخلون علينا كل شي غريب وغلط

 

[ِAL-ANOOD]

جزاج الله الف خير

 

[لبـى قلبـي]

اختي الحركة هذي مالها علاقة بالصليب

اهي خرافه يسوونها الاجانب كنوع من "التطيير" علشان اييب له الحظ الزين

مين قال مالها علاقه بالصليب ..!


انا ذكرت بموضوعي هم يسوونها لتمني الحظ يعني يسوون باصابعهم شكل الصليب كـ دعاء او مثلا إذا الشخص كذب يسويها كـ طلب مغفره .... وهكذا ..


ومانقدر نقول من باب التطيير لان التطير = التشاؤم

وهم بالعكس يتفألون فيها ..

 

[لبـى قلبـي]

بصراحه انا دايم اسويها واسويها للحظ مثلن صار شي جدامي سيده اسويها
مادري بس تعودت عليها وايد
ليلحيني ماني مقتنعه هالحركه معناتها صليب او ليش الناس قالوا عنها صليب
خل اقولكم شغله رد قريته باحد المنتديات وخلاني صج اشيل فكره الصليب من راسي
كلنا نعرف الانجليزي في كلمات فيها يختلف معناها 180 درجه على حسب مكانها بالجمله
اولا : كلمه cross انتو عبالكم كروس بس معناها صليب !!
كروس تقريبا لها معاااااني لي الراس يعني لو ييت وقتلج شنو يعني cross ماتقدرين تقولين سيده صليب
لازم تسالين وين قريتيها او على الاقل قوليلي الجمله الي قريتيها عشان اقولج شنو معناتها
ومن معاني cross [صليب , تقاطع , سطر , شطب ,اجتياز ,انتقالمن جانب الى اخر , وايد وااااااايد معاني]
تعالوا خل نوضفها بجمله .,
cross the street
واهي معناتها عبور الشارع
cross this line
ومعناتها عبر هذا الخط
نيي حق cross fingers
على اي اساس صارت تصلب الاصابع ؟!
كروس فينقرس معناتها صبع فوق صبع
ليش صارت جك بوم انها تصلب الاصابع !! ولا لما نلقى كلمه cross يده نحكم على انها صليب
لقيت مواضيع وايد بالانترنت كروس فينقرز معناتها تصلب الاصابع و يرجع للصليب
لكن ليلحين مالقيت ولا موضوع مكتوب من اي ناحيه خذوها ع صليب
ليش لما نسوي حركه بيس مانقول انه هالحركه ماخوذه من المسيح ومن ديانتهم وبلابلابلا !!
عموما يعطيج العافيه

اولا انا ماقلت ان الحركه تعني الصليب لان اسمها cross ..

انا كتبت اسمها بالانجليزي عشان الي تبي تقراء او تسال تكون عارفه اسمها بالانجليزي ..


حبي انا ادرس ماستر بامريكا
يعني مداخله المجتمع الامريكي من قلب
ومستحيل احكم على الحركه من الكلمه و مستحيل اني وصلت الماستر ومااعرف ان
cross لها اكثر من معنى ..



This is my first point



اما من النقطه الثانيه ان على اي اساس حكمنا انها صليب
لما اقولك سوي شكل الصليب بيدك شي طبيعي الطريقه الاسهل انك تسوين الـ cross fingers .. بتقولين اقدر استخدم يدين الثنتين عشان يكون صليب مضبوط بقولك صح بس هم يعتمدون هالحركه لانهم يستخدمونها بكثره واكيد يبحثون عن اسهل طريقه ..
مثل ماانا وضحت بموضوعي انهم يسوونها خلف ظهورهم احيانا إذا مثلا كان في مقابله شخصيه ويبي يتمنى الحظ لنفسه .. او إذا كان يكذب ..وغيره وغيره ..



النقطه الثالثه انتي دافعتي عن موقفي بنفسك
قلتي ليه مانقول عن البيس انها تخص المسيح ..!
هذا بحد ذاته نقطه ايجابيه
معناته احنا ناس حقانيه بنقاشاتنا


احنا لما تطلع حركه جديده لازم نشوف اصل الحركه من وين و نسأل عن معناها ..
البيس معناها السلام يعني شي ماله دخل لا بالدين لا بالعقيده ..
So
محد انتقد ولا احد تكلم والكل قاعد يسويها وعادي دام شي مايخص الدين..

لكن حركة الـ cross fingers لما رجعنا لاصلها طلع معناها عقائدي
ومن منطلق لغيره على الدين ومن باب الامر بالمعروف والنهي عن المنكر
تكلمنا عن الحركه وانتقدناها وقاعدين نحذر منها لعل وعسى ربي ينفع بنا ..



رابعاً ممكن تعطيني اي تفسير للحركه او اي معنى لها
ليه يسوونها اذا كانو يتمنون الحظ ليه يسوونها إذا كذبوا ليه يسوونها إذا كانو يدعوون ربي ...الخ ..!



واخيراً وليس آخراً
مو عشانا تعودنا على حركه خلاص نعتبرها صح و انو مستحيل نتخلى عنها ..

ترى من ترك شيئاً لله عوضه الله خيراً منه ..


Now , am I right ?

 

[لبـى قلبـي]

هذي الحركه دايم اشوفها بالافلام الاجنبيه

ومعناتها وعد او تمنى لك حظ جيد

اما بخصوص الصليب مااعتقد له صله بهالحركه والله اعلم

اوكي احنا عارفين انهم يسوونها وعد ولتمنى الحظ
ومحد قال غير هالشي ..


بس ليه يسوون هالحركه بالذات ..!
اكيد لها معنى مو من الباب للطاقه ..


ومن هنا جاء كلامي..
انا مو قاعده اناقش استخداماتها
قاعده اتكلم عن معناها او المقصود فيها ..

:eh_s(7):

 

[Awar galb]

اب اب

 

[Pippa]

’

يعطيج العآفية على هالتوعية .. والله يهدي بنآت المسلميييييييين

 

[. K .]

اقدر استخدم يدين الثنتين عشان يكون صليب مضبوط

تدرين عاد لما بتكلم مع اي شخص من ديانه ثانيه وبتكلم مواضيع شخصيه عن الديانه المسيحيه
" خصوصا اني الي اعرفهم وقريبه منهم من ديانه المسيحيه "
لو بشرح الكروس اسويها بيديتين ومثل ماقلتي اسويها بايدتين عشان يطلع صليب مظبوط
بتقولين اهم يدورون ع الاسهل ! كروس فنقر تتسوى بالايديتين عمري ماشفت احد يسويها بايد وحده
يسوي بالايد اليمين واليسار كروس فينقر وتكون الايد ورا الظهر .,, الاغلب .. ماتوقع لو سويت الصليب الي يكون
احط سبابه اليمين فوق سبابه اليسار حركه صعبه بالعكس منها اطلع الصليب مظبوط !!

البيس معناها السلام يعني شي ماله دخل لا بالدين لا بالعقيده ..

قلتيها معناها لسلام يعني لما انا اسوي البيس اقصد فيها السلام لكن الحركه نفسها هل اهيا ماخوذه من العرب !؟
والكروس فينقر معناها او بما معانا الحركه تتسوى للـ luck يعني للحظ ! وبنفس الشي هل اهي ماخوذه من العرب !!
الحركتين نفسهم مو ماخوذه من العرب لو بتحكمين بالاساس تحكمين اهي من وين ماخوذه ! لو بتحكمين ع الديانه والعقيده
اهم مو من ديانتنا ولا عمرنا سمعنا انه الاسلام في حركه معينه للسلام او الحظ
وقلتيها الكروس فينقر تسوينها للحظ مو للصليب ! يعني كا الجواب موجود !!
والبيس للسلام ..

يسوونها خلف ظهورهم احيانا إذا مثلا كان في مقابله شخصيه ويبي يتمنى الحظ لنفسه .. او إذا كان يكذب ..وغيره وغيره

معروف للحظ ., بس للجذب اول مره نسمع الاجنبي تلاقينه من اول مايجذب سيده يروح الكنيسه لانه يعتبر هالشي ذنب !!
ويسوي ماهو المعتاد انه يسويه " مابي ادش بدينهم وايد بس اتوقع الاغلب يعرف "

ليه يسوونها اذا كانو يتمنون الحظ ليه يسوونها إذا كذبوا ليه يسوونها إذا كانو يدعوون ربي

انا اتمنى الحظ واسويها .,
اما دعاء لله شوفي ., انا مسلمه لما بدعي ربي شسوي ؟ ارفع ايدي واقول الدعاء وبنهايته امين
والمسيح طريقتهم يقولون الدعاء ومن ثم الصلاه او بالادق معنا الدعاء لان في فرق بين صلاهم وبين دعائهم
وينهيها بكلمه امين !
بس مايسوي حركه الكروس فينقر لما يدعي ربه !

اسفه اختي للحين ما اقتنعت من كلامج
ودونت ووري لو اني اقتنعت بهالحركه معناها صليب عادي بقولج ان شاء الله بقطعها
بس للاسف لليلحين ماشفت شي يقنعني ..
مشكوره ع تقبل النقد برحابه الصدر ​

 

[لبـى قلبـي]

اسفه اختي للحين ما اقتنعت من كلامج
ودونت ووري لو اني اقتنعت بهالحركه معناها صليب عادي بقولج ان شاء الله بقطعها
بس للاسف لليلحين ماشفت شي يقنعني ..
مشكوره ع تقبل النقد برحابه الصدر​

بالعكس انا الي اشكرك على نقاشك وسؤالك
وهذا ان دل على شي يدل على حبك للخير ..
وإنك تبين تتأكدين انك ماتسوين شي غلط ..​

وخذي راحتك ترى صدري رحب للنقاش ..​

وبإذن الله احاول اوصل لك المعلومه بالي اقدر عليه ..
​

تدرين عاد لما بتكلم مع اي شخص من ديانه ثانيه وبتكلم مواضيع شخصيه عن الديانه المسيحيه
" خصوصا اني الي اعرفهم وقريبه منهم من ديانه المسيحيه "
لو بشرح الكروس اسويها بيديتين ومثل ماقلتي اسويها بايدتين عشان يطلع صليب مظبوط
بتقولين اهم يدورون ع الاسهل ! كروس فنقر تتسوى بالايديتين عمري ماشفت احد يسويها بايد وحده
يسوي بالايد اليمين واليسار كروس فينقر وتكون الايد ورا الظهر .,, الاغلب .. ماتوقع لو سويت الصليب الي يكون
احط سبابه اليمين فوق سبابه اليسار حركه صعبه بالعكس منها اطلع الصليب مظبوط !!​

الصور الي انا حاطتها كلها الكروس معمول بيد وحده ..
وهذا هو الكروس فينقرز الي احنا نتكلم عنه ..​

وللتوضيح اكثر هذي صور من مواقع اجنبيه ..​

​

​

​

​

قلتيها معناها لسلام يعني لما انا اسوي البيس اقصد فيها السلام لكن الحركه نفسها هل اهيا ماخوذه من العرب !؟
والكروس فينقر معناها او بما معانا الحركه تتسوى للـ luck يعني للحظ ! وبنفس الشي هل اهي ماخوذه من العرب !!
الحركتين نفسهم مو ماخوذه من العرب لو بتحكمين بالاساس تحكمين اهي من وين ماخوذه ! لو بتحكمين ع الديانه والعقيده
اهم مو من ديانتنا ولا عمرنا سمعنا انه الاسلام في حركه معينه للسلام او الحظ
وقلتيها الكروس فينقر تسوينها للحظ مو للصليب ! يعني كا الجواب موجود !!
والبيس للسلام ..​

الحركتين كلها مو ماخوذه من العرب بس عزيزتي انا نقاشي مو عن اقتباس الحركات الغربيه
انا موضوعي يدور حول محور الدين فقط لا غير .. ​

ومثل ماذكرت بالموضوع لما يسوون الكروس فينقرز ويتمنون الحظ الحلو يعني كانهم يدعون الصليب الي هو يرمز للرب , المسيح , العذراء انه يوفقهم .. هذي الفكره كلها ..​

معروف للحظ ., بس للجذب اول مره نسمع الاجنبي تلاقينه من اول مايجذب سيده يروح الكنيسه لانه يعتبر هالشي ذنب !!
ويسوي ماهو المعتاد انه يسويه " مابي ادش بدينهم وايد بس اتوقع الاغلب يعرف "​

ولو اني راح اطلع عن موضوعي شوي بس مو مشكله انا مستمتعه بالنقاش على كل حال ..​

بحكم ان عندك خلفيه عن الدين المسيحي اكيد انك عارفه انو فيه 3 طوائف رئيسيه
( الأرثوذكس , الكاثوليك , البروتستانت )​

هذي الطوائف الثلاث بينها اختلافات جوهريه وواحد من الاختلافات هو طريقة طلب الغفران
وهذا اقتباس من موقع مسيحي ماحبيت احط رابطه عشان مااساعد في نشره
لكن إذا حبيتي تتأكدين اقدر ارسله لك على الخاص ..​

[الإعتراف :
الأرثوذكس: سر ينال به المعترف الحل من خطاياه إذا تاب عنها واعترف بها
الكاثوليك: كانت هناك صكوك غفران تباع وتشترى عن الخطايا السابقة والحالية في العصور الوسطى. ويتم السر وراء الستار
البروتستانت: لا اعتراف إلا أمام من أخطأ المؤمن له أو أمام الكنيسة كلها أو الله مباشرة ]​

انا اتمنى الحظ واسويها .,
اما دعاء لله شوفي ., انا مسلمه لما بدعي ربي شسوي ؟ ارفع ايدي واقول الدعاء وبنهايته امين
والمسيح طريقتهم يقولون الدعاء ومن ثم الصلاه او بالادق معنا الدعاء لان في فرق بين صلاهم وبين دعائهم
وينهيها بكلمه امين !
بس مايسوي حركه الكروس فينقر لما يدعي ربه !​

انا ما اتكلم عن الدعاء الطويل انا اقصد الدعاء السريع مااقصد دعاء الكنيسه
او دعاء الاكل او الدعاء في اركانهم الدينيه
يعني مثلا
داخله الامتحان وانا ماشيه بدعي يارب وفقني ..
او مثلا فيني مرض وانا امشي بالمستشفى اقول يارب شافيني ...... الخ
يعني شي سريع ..​

على العموم انتي مااقتنعتي من كلامي
لذلك جبت لك الادله من مواقع اجنبيه بحط لك الاقتباسات المهمه الي انتي تبحثين عنها وبحط لك الروابط للتأكيد بعد ..​

The practice is rooted in pre-Christian Europe, when the cross was an important pagan symbol and a wish made on a cross was more likely to come true. We tend to believe that crossing one's fingers is rooted more in Christianity (the Christian cross is the source of several English words and practices, like criss-cross and marking one's signature in the form of an X) until we can find evidence to the contrary. The notion was, of course, that making a cross, the symbol of Christ's cross, would encourage God to grant one good luck."​

http://answers.yahoo.com/question/index?qid=1006020602873​

- Sometimes children will also hold their hand behind their back and cross their fingers before telling a lie.
-You are crossing your fingers to make the sign of the cross
This may be done using index and second fingers of one hand, or by crossing index fingers.
In Christian medieval Europe, this was a common way to ward off evil spirits or to invoke forgiveness.​

"I'm keeping my fingers crossed."
Often "Fingers crossed".
I'm hoping for good luck​

http://forum.wordreference.com/showthread.php?t=111870​

هذي موقعين تأكد ان الحركه المقصود فيها الصليب وان جذورها دينيه بحته وإذا تبين اقدر اجيب زيآده ..​

:eh_s(7):​

 

[May i]

لول مع الخيل يا شقره !!! صج ناس تافهه و ما عندها عقل

مشكورة اختي

 

[(حكاية قلب )]

ان شاء الله يوصل لهم ويعرفون انه خطاء ​

 

[عنزروته]

مشكورة علي التنبية ولله لو اعرف انزلها بل بي بي وتكسبين اجر ويصير وقف خيري لج انتي كان ماقصرت لو فية احد يعلمني اشلون انزلها في مواضيع البي بي

 

[~ FOOSY ~]

يزاج الله خير

 

[znzoon]

انا متأكده انهم ما يدون شسالفه ام هالحركه

والله ولا يدون ليش سووها

شباب صغار مستانسين

وسوو هالحركه >> ترا مو قضيه اهي

لا تاخذون كل شي بحساسيه وانهم يقصدون ويقصدون >> ترا على البركه اهم

فديتج ما قصرتي عالموضوه

 

[. K .]

مشكووره ع نقاشج الحلو معاي بس راح اكمل وياج ع الخاص عشان في اشياء احتمال اقولها الا 100%
ماراح يعجب اغلب الاعضاء ., بس مو الحين بعدين لاني مشغوله الحين
بس ان شاء الله قبل لا اطرشلج ع الخاص اكون منظمه افكاري عدل عشان اوصلج الي اقصده
لاني جي ولا جي راح اتكلم عن الديانه المسيحيه وابي اخذ منطلق الحريه لما اكلمج لان مني راح ياكلوني