حركة سويتها وندمت عليها بالسوق مع بنت اخييه

[فخامه كبريائي]

رد : حركة سويتها وندمت عليها بالسوق مع بنت اخييه

عادي لا تكدرين خاطرج لانها مراهقه ..عاد المراهقين على ادناه الدون يقبون بوجهج ..
بس انتي الي سويتيه صح ...تبين لها الستر ... و ما تبينها تمشي و تكسب اثم من كل صوب

 

[شذى2007]

ياقلبي انتي مااااااااعليج منها تلقيها انحرجت وااااااااااايد وتصرفت جذيه

بس انتي كان قلتيلها مو تغطينها تنصحينها مع ابتساااااااامه

 

[Miss.Maleega]

يمكن البنت اعتقدت شي ثاني لو انتي مكلمتها بدون لا تنزلين ملفعها ممكن انها تتقبل هالشي =)

 

[غلا ستايل]

عدل معاكم حق ....

 

[miss.unique]

رد : حركة سويتها وندمت عليها بالسوق مع بنت اخييه

اهم شي !!

والله ما سويتي شي غلط
انا لو مكانج جان سويت جذي طبعا
انا اذا شفت شعرة طالعة من رفيجتي ولا وحده تصيرلي اقولها

 

[ماريا ابنة الحي]

حبوبه نيتج صح وسليمه
بس الكلام طريقته غلط
تقولين لها عيب جذي معناته ان اهي برايج متعمده!!
لو ماقلتي عيب احسن

في بنات مايدرون احيانا الملفع يزلق لي ورا وماتكون منتبه مو قاصده شي والنيات بيد الله
انا مثلا صارلي موقف والله يعلم اني ماادري كنت طالعه مع بنت خالي وملفعي رد لي ورا بين جزء من الصدر
راحت بنت خالي غطته لانها تدري اني ماادري
ماقالت لي عيب تدرين لو قالت لي عيب راح ازعل اكيد لانه بجذي تفكر ان انا قاصده جذي

طريقتج بالنصح غلط كان ممكن تاخذينها على صوب وتقولين لها
او تغطينه او تقولين صدرج مبين وانتي ماتدرين

بطريقه احسن من كلمة عيب لان البنت اكيد مو متعمده تسوي جذي

 

[! هُوْ وِينِه !]

بآلعكس مآ غلطتي آلدين نصيحة
بس آللحين آلنآس إذآ نصحتيهآ عبآلهآ غيرآنه

 

[عتيبيه رزه]

ماغلطتي ولاشي وجان ماغطيتيه جان قلتي لها صدرج طالع وسكتي المهم انج علمتيها فطنتيها ولاتشرهين عليها ولاتاخذين بخاطرج تراها ياهل عيل شلون لمه تقولين حق وحده اشكبرها لوسمحتي شعرج طالع من ورا وتقولج بكل وقاحه وقلت ادب وجدام الناس وبصوت عااااااااااااااليييييييييي انتي شكوووووووووووو شيصير فيج ولا هم وحده اشكبرها وشفتي شعرها طالع من ورا وقلتي لها نفس الشي تقعد اطالعج وتصد عنج وتمشي ولاهم نفس الشي شفتي وحده وقلتي لها نفس الشي وتقولج افففففففف وتغطيه ولا هم شفتي وحده وقلتي لها نفس السؤال وتقولج جزاج الله خير حبيبتي وعسى ربي يستر عليج مثل ماسترتي علي
شيصير فيج وترى كل هالمواقف صارت لي وخواتي لي يومج يقولون لي مالج شغل بالناس طلع شعرها ويطلع الي يطلع خليهم يولون مو ملوت نصيحة بس ماعبر ماقدر هم اتكلم

 

[فيونكه..~!]

أنتـــي مو غلطآآنـــه وجزآك الله ألـــف خيـــر


النـــآس في هالزمـــن مآيحبوون احد ينصحــهم

,,

 

[BaiTotia]

إنتي ماغلطتي

وشحقه تنحرج أصلا إلا إذا إهيا مطلعته متعمدة

الحمد لله والشكر

 

[(كويتيه عسل)]

كلا جذي الحين تسوين خير ينقلب عليج شر

 

[جوجو2011]

انتي شفتي غلط ومااا قدرتي تسكتين عنه ,لا اتضاايقين ولا شي
طااف هذي المواااقف يااماا تصير عااادي

 

[گـحِـلْ |~]

,

تصرفج هذا اللي كان مفروض تسوينه لا تحسفين

وكل وحده منكم تصرفها دل على تربيتها

جزاج الله خير


.

 

[F A R A W L A]

حبيبتي انتي
انتي ماغلطتي ولاشيء
ماسوويتي الا الصح خايفه على البنت

 

[kuwait_queen82]

جزاج الله خير
بس خواتي كل وحده ابكيفها ليش فينا طبعا انه اندخل بلبس و تصرفات غيرنا ؟؟ الله فوقها و هو بحاسبها

 

[al3sooola]

حبيبتي اهي ما استحت من صدرها اطلعه
تبينها تستحي ما تعلي صوتها عليج

 

[مجنونك 911]

ميخالف يا الغلا سوي الخير وقطيه بحر

 

[يحبنى الله *]

روى الترمذي عن حذيفة قال رسول الله صلى الله عليه وسلم : (( والذي نفسي بيده لتأمُرُنَّ بالمعروف ولتنهوُنَّ عن المنكر ، أو ليوشكنَّ الله أن يبعث عليكم عقاباً منه ثم تدعونه فلا يستجاب لكم ))

وقال عمر بن عبد العزيز رحمه الله : ((كان يقال : إن الله تبارك وتعالى لا يعذب العامة بذنب الخاصة ، ولكن إذا عمل المنكر جهاراً، استحقوا العقوبة كلهم ))

 

[حياة قلبي]

ماغلطتي يابعدي بالعكس ربي يجزاك بالخير

والدنيا تغيرت تفعل خير تلاقي شر

ربي يكفينا الشر يارب

مشكورهـ

 

[نجمة الاسكا]

انت ما غلطت بلعكس جزاك الله خير :eh_s(17):ما ادري كيف صارت الناس تفكر :bbbiu: