حركة التــدرعم!! منتهى الهلاقه والملاقه والسوقية!!

[منورة الكويتية]

بالظط غربه احساس يعني لمن تسوي هالحركة تستحين تقولينلها انا ييت قبل
سوالف يهالوو تصير ف الواحد يبلع بهالحره وتستمر الفوضى اي ليش!!!

 

[looooly89]

صج هالحركه تنرفز .. والله شكثر ناس ادرعم علي وتغثني حييييل هالحركه بس ما اقدر اقول شي استحي ..

 

[blue ocean]

ولاا فكرت تكلف على عيونها المرهفه

ههههه اعجبتني هالجمله .. والله انا نفس حالتج انغث الف مره من هالتصرف ..
صج مثل ماقلتي هلاقه وقلة ذرابه ..

 

[أمانيQ8]

عاااااااااااااااااااااااااادي هذاك اليوم بماكدونالدز الأفينيوز كنا ماخذين دور انا وبنتي ولا ايون ثنتين الله يسامحهم ويوقفون جدامنا!! يه!! قالت بنتي ماما شوفي هذول قلت لها حبيبتي شسوي اذا هذي اخلاقياتهم وهذا سنعهم مالي حجي معاهم اوقفي بس خل انخلص المهم بنتي فورت يممممممممممممممممممممممممممممه مايصير!! قلت لها ميخالف بس سكتي .. ولا وحده منهم اتأشر حق وحده جان تقول خالتي خالتي تعالي ورانا ورانا عشان تطلبين!!!!!!!!!!ضحكت ويوم يت خالتها قلت لها لاااااااااااااا عاد لوسمحتي صارلنا ربع ساعه صافين دور روحي ورا ...قولي اللي جدامي افهموا ولا قالوا اسفين ابد ماجنه صاير شي !! يلا اشرايج؟!

 

[Lemon Juice]

واي ذكرتيني ذاك اليوم بالمستوصف ناطره دوري عشان آخذ الادويه من الصيدليه

واقفه و جدامي وحده

اخلصت و الحين يا دوري

جان تيي وحده و تدش عرض !!

ناس همج استغفر الله

الله يهديهم بس

 

[Luxurious]

انا صارلي هل موقف بس مو بستاربكس والي درعم كان ريال "
ولاحظة شغله لما اروح مكان واصف طابور بعض رياييل مايعرفون اتيكيت وانه ladys firstبس يدرعمون!!
سوري ادري انج تحجين عن بنات بس منقهره من بعض رياييل !!

وصح تذكرت بعد موقف كنت رايحه مركز سلطان وانا واختي واختي الصغيره ناطرين الاصنصير وانا كنت ماسكه العربانه يت وحده مع بنتها وقفت لما فتح دخلت وسيده تطق دقمه الي تسكر الاصنصير ماتبينا ندخل ولا فوق هذا تطالعنا من فوق لي تحت(اي شي) وبس شاطره اهيا وبينتها yes و no ويخربطون لج بلنجليزي يعني طالعه فيها عاد انا تنرفزت ودخلت العربانه وقفت الاصنصير حق خواتي ودخلتهم بعد.

 

[مسك الغلا]

اوووووووووف اناا شنو اطفرر من هالحركه

والله ناس هلاااااااقه مايستحووون

 

[miss-pinksh]

صااجه عاد هالحركه صج بااايخه مستعيلين ليش مااادري بيطير ولا بيخلص ؟؟؟

ويسلموووووووو