حرام وحرام وحرام وبعدين

[غلآ نوآف]

السلام عليكم ورحمة الله

بدخل بالموضوع مباشرة

ابي اسوي ليلة رومنسية لي انا وريلي حلو؟
يتني وحدة تقول حرام ومايجوز وهذي بدعة وللمسلمين عيدين الفطر والاضحى
وهذا تشبه بالاجانب والغرب الكفرة الي غزونا بفكرهم وعاداتهم ................:eh_s(4):
وكلتني بقشوري :eh_s(1):

قلت لها بحتفل بيوم ميلاده
وين المشكلة؟
لاقلت بنشرب خمر بالسهرة
ولاقلت بزور القبور مثلا وبحط صنم او صليب ولابدخل كنيسة

وهي مستلمتني عالاخير
وهذا كفر وشرك بالله
وهذه ليست من العادات الاسلامية والمسلمين
وهذا فقط ماهو الا تشبه غربي بحت
وووووووو :rgewrg:

يعني شنو الحين؟
ماسوي له ليلة رومنسية بيوم ميلاده
اكسر بخاطره
وهو منتظر هاليوم بشغف
ويبي يشوف ش راح اسوي له واهديه

اقوله لا حرام انثبر مكانك؟

قالت لاتحتفلي بنفس اليوم
قلت طيب من قال بحتفل بنفس اليوم
راح احتفل اليوم الي بعده اذا ماعندج مانع طال عمرج
ماقلت بغني له اغنية الاعياد
وبدق جرس الكنيسة وبزفه للمذبح مدري شنو بعد حق الكفرة

ياااااااااربي بطتني :rgewrg:
عكرت مزاجي والله العظيم

ادري الحين راح يدخلون جروب نصح وارشاد
وفروا ع انفسكم
قلت بحتفل بزوجي
ماقلت بروح ملهى

او اني بقطع صلاتي وصومي وكل شي
لاني كفرت بالله لان بسوي ليلة رومنسية لزوجي بمناسبة يوم ميلاده

ابي افضفض بس:eh_s(2):

 

[Reelax]

شي عاادي ليله روماانسيه مافيها شي
ماسمعت انها حرااام

 

[ملگه]

اتوقع الیله الرومنسیه موحرام بس اذا انتي تحتفلین اب عید میلاده هذا حرام بس انتي سئلي شیخ احسن

 

[am faisal]

سوى ليلة مودمانية واقحوانية من قاضبج
ليلتك وانتى حرة فيها
ههههههههه

 

[((shoOoshoOo))]

شوووفي هالنوعيات من البشرررر لاتبطلين معاهم مواضيع نفس جذي لانهم مايفهمون لووووول

 

[رنيم الروح]

في فرق بين احتفال او تسوين لليله رومانسيه
الليله الرومانسيه عادي وبعدين كل المتزوجين يسوونها دائما ولو حرام مكان كل واحد قال الزوجته كلام رومانسي او اهداها هديه او صار بينهم حب

 

[فوفو22]

اي شي بتسوينه بغرفة النوم مع زوجج

لا تعلنين عنه بشي

مو بالضروره الكل يعرف

متي ووين وشنو بتسوين

فوفو

 

[نـعـومـه]

صح مافي داعي تقوليلها شنو بتسوين

 

[X SHOOSH]

انا يقهروني هالنوعيه ما صارت كل شي حرااام انا مكانج اطنش

 

[عادي من قلبي أشيلك]

لي متا بنسمع كلام الناس

 

[امـ خــزامـى]

سويله ليله رومانسيه والبسي واكشخي وشموع وحركات
بس كيكه وطيفي الشمعه ويتمنى امنيه وهابي بيرثدي هذا اللي حرام
اما البااااااقي سويه وانبسطي

 

[حورية الدنيا]

البنت تبيلك الخير انتي اللي اكلتيها بقشورها مو اهي اللي كلتك بقشورك تعوذي من الشيطان وحاولي تهدين نفسك ردة فعلك و كلامك كله غييييير عن موضوعها هي ماناقشتك عن اجراس وعن قبور نري ان نيتك زينة بس اعرفي انها مانصحتك الا لانها تحبك اما عن الحكم الشرعي اسالي شيخ افضل

 

[أبلة فاتن]

اللي مو حاصله يقعد يفتي تلقين في ناس يحللون لنفسهم ويحرمون لغيرهم عادي وش فيها لي استانستي مع زوجج

من باب الذوق خلج من سالفة الاعياد اعتبريه هاليوم محبب لقبلج لانه فيه تم زواجج شكو فيهم يبا طاااااااااااااااااااف

مافي حرام بين الزوج وزوجته دام زوجج حلالج استانسي ولا تعلمين خصوصياتج لاحد ولا تقولين سويت وجبت له

خل يقلعون بس

 

[!الجادل الصعب!]

هالشي خصوصي .. المفروض محد له شغل فيج وكلن عقله براسه يعرف خلاصه

 

[شادن33]

وانتي شلي يخليج اتقولين لها بسوي وبسوي
سوي واسكتي

 

[Gifts&Occaions]

شكوووو حرام !!

 

[بنت الاحلام]

دامج انتي مقتنعه سوي

ليش تقولين لها تري اهي نصحتج ما جبرتج

الليله الرومانسيه مو حرام

ابدا

بس عيد الميلاد حرام واهي قالت لج الصج

انا اقدر ادلع زوجي وهديه واحبه باي وقت مو الا تاريخ معين



كل واحد له راي

 

[حبوبة الأطفال]

ياحبيبتي اذا مو متأكده ان الي قاعده تسوينه فيه نوع من التشبه بالكفار

ريحي نفسج وسألي شيخ

...

ياربي بهالدنيا الواحد مو ناقصه ذنوب

والواحد "يحاول " يخفف الذنوب الي عليه

فأبداً لا تستهينون بالاشياء والافعال الي قاعده تسوونها

...
وانا معاج اختي من ناحية ان الواحد يقول النصيحة مرة وخلاص وماله داعي التكرار على راس الواحد

وربي يهنيج انتي وزوجج مع بعض

 

[Patcholli]

مدام انج مقتنعه بهالشي سويه وماله داعي تسولفين حق احد اصلا

انا ماخذ راي احد باموري الخاصه ماله داعي يتخيلوني انا وريلي شراح نسوي .. اسوي كلشي بسكات هم خصوصيه وهم عشان لا اسمع اراء تبط الجبد

 

[om_3azoz]

لاتقولين حق احد شنو بتسوين ولاحق شنو بتسوين وربي يهنيج