السلام عليكم ورحمة الله
انا والله متظااااااااايقه:eh_s(2): وبطلع كل الي في قلبي انا كويتية بدون بس والله ما احب كلمة بدون اكرهه
:q8::q8::q8:
الاني كويتيه وكويتيه وكويتيه غصبن عن الي ما يرضه و الله احب اترابج يا كويت امي كويتيه وابوي هم امه كويتيه
شنو ذنبنا احنا والله انقهر لمن اشوف وحده ما تستحق الجنسيه وتقعد عندج تفلسف وهي بالاساس ما فيها عرج كويتي ماخذه الجنسيه ظلم :eh_s(14):
وللأسف الناس الي تستحقها مو شايفتها الله المستعان
انا الحين متخرجه مو لاقيه وظيفه كل ماروح مكان قالوا لي انتي مو كويتيه:eh_s(2): انزين امي كويتيه
شنو يعني مو كويتيه من فتحت عيوني وانا بالكويت وحتى تراب الكويت اكلته قهر والله لمن اشوف بنات عمي بنات خوالي مستانسين ولابسين احسن شي:gathering: وينقبلون بكل مكان حتى لو موجايبه نسبه وانا حظي الي قطني بالدنيا:eh_s(13):
والبيت إيجار الدنيا مسكره بوجهنا وين ما نروح
يارب لا تنسى عبيدك
انا ادري ندري الدنيا كلها امتحان من رب العالمين والي الله يحبه يختبره
يارب تصبرنا ياللي صبر ت ايوب على بلواه
وصبرت يوسف على فراق ابوه يعقوب
وصبرت يونس في ظلمات بطن الحوت
تصبرنا وتعينا
والله والله اني كويتيه من بطنها والحين بعد بيعطونهم مكرمه اميريه 1000 دينار انزين عليهم بأاااااااااالف عافيه بس هم البدون المظلومين الي انا اسميهم الكويتين المنسيين مالهم نصيب حتى لو بالشي البسيط اتوقع اهم احوج من غيرهم من الناس والله البدون الي مو لاقين ياكلونا ولا يتعلمون ولاحتى يتوظفوا هم احق من غيرهم من المزدوجين ما يعطونهم شي ولا حتى بالشي البسيط بس اقول الله لا يغضب علينا والله العظيم ان في بدون كويتيين من قلب من بطنها بس الشكوه لله
صبرو على الظلم والمهانه والذل واهم في بيتهم وبين اهلهم
يالرب انت اعلم بعبادك الضعفاء الي مالهم غيرك انت الغني ونحن الفقراء وانت اكرم الاكرمين ترزقنا وتغنينا عن عبادك
رجاء : الي عندها كلمه طيبه تقولها والي تبي تجرح تحتفظ برايها لنفسها الان الي ايدا بالماي مونفس الي ايدا بالنار
