حرام عليهم والله شنو هالمناهج!!!!!!!

[ام محمد العنزي]

الله يعين عيالنا على المناهج انا عندي بنتي اولى ابتدائي

وعليه المسكينه ما ترفع راسها من الكتب كله واجبات عربي رياضيات علوم حفظ قران كريم الله يعينهم والله جنهم بالمتوسط او الثانوي
مو اولى ابتدائي

كله بصوب والعلوم بصوم مال نحط لنا مخيم يم المكتبه بس حق طلبات العلوم كل يوم صور

ماقول الا الله يسامحج يا نوريه على المنهج

 

[mrs_sugar]

وييييييييييييه كل من يشكي من هالمناهج

والله اول المناهج شزينها و شحلاتها

الحين مادري شللي ياهم

و عقدوا هاليهال بعد قلبي

مادري شيبون منهم

على قولتكم

بيوصلون القمر يعني ؟

والله انا محتاسة مع بنتي برياضيات ثالثة

بس الباقي ماشي حالة لأنها خاص بس تاخذ عربي و رياضيات الحكومة

العربي زين ما عندها مشكلة عادي احسها ماشية

و العلوم منهج امريكي .. صعب بس متعودين عليه و مفهوم جدا جدا

ما فيه ألغاز

بس الرياضيات مو طبيعي

المسائل كأنها puzzles

يبيلها مدري عربي علشان يفهمها

و المدرسات الله يعينهم بعد

ترى امها بعد منصدمين بهالمنهج

و عيالنا اللي متبهدلين والله

 

[أسرار الطبيعة]

ضغطوا على الوتر الحساس
أساس تردي التعليم في الكويت هو المنااااااااااااهج
في السابق كانت الدول المجاوره تستقي كتبها من الكويت ( وأقصد الإمارات )
الحين روحوا شوفوا كتبهم وتعليمهم وتطور أماكن تعليمهم ومعلميهم ونهايه برواتبهم اللي زادت 100% ( إمارة دبي)
حبايبي ، المناهج تتلقى التعليمات من الوكلاء المساعدين ، الوكلاء المساعدين يتلقون التعليمات من وكيل التربيه ( اللي للحين ما تعين ) وبدوره يقوم بتنفيذ طلبات السيدة الوزيرة ( مشاريع طرحت ونفذت من غير أن يقاس أثرها على الطلبه )
المهم أنها انجزت وابدعت وابتكرت على حساب مستوى عقول المعلمين قبل الطلبه ..
والله لا ألام حين هربت بأولادي للخاص ، لتردي مستوى التعليم في الكويت ، وما هو قادم أسوأ
وأهل مكة أدرى بشعابها ..

 

[mrs_sugar]

اما ال بثالثه الرياضيات عجب وعجااااااااااااااااااب ابوهم يدرسهم اما العربي حق سنه رابعه فلم مو طبيعييييييييييييييييييييييي

واممممممممممممممممم وعندكم المدرسات مافيهم صبر على البنات هذا الي انا اشوفه يعني بنتي الي بسنه رابعه هسنه قاعده قاعده

والله يكون بلعون

ثالثة ابتدائي رياضياتهم مقلب

بعد قلبي



و مادري عن الباقي الله يستر

بس الحمدلله انا بنتي من رابعة ابتدائي تبلش المنهج الأمريكي اللي ياخذونه اخوانها

مادري ليش مدرستهم نظامها جذي

ابتدائي رياضيات منهج الحكومة لي ثانية ابتدائي

و بثالثة هم منهج الحكومة و معاه مبادئ من منهج الخاص

يعني فوق الهم همين

و الحمدلله رابعة تقلب منهج الخاص و نرتاح الى حد ما

 

[وصية ابي]

طيب يا ناس ياعالم محد اِِِِِشتكى عليها عند مجلس خل يستجوبونها ويفكووووووووووووووووووووووووووووووووووووووونا منها حسبي الله عليها اللي اجرمت بعيالنا


وبهذلتهم وخلت نفسياتهم زففففففففففففففففففففففففففففففت بزففففففففففففففففففففففففت وكرهوا المدرسه بسبب هالمناهج اللي حتى اميكا ما سوت لعيالهم جذيييي

 

[أم عبووووود]

الله يسامحهم ان شاء الله على هالمناهج انا اصلا كانوا عيالي بخاصة وهالسنة طلعتهم على قرادتي بس حدي تحسفت

بس والله ام اقول الا ان كل شي من الله خير

تدرون بنتي اللي بثانية عندها ابلتها العلوم بدعة زمانها صعيدية واول سنة تدرس مادري شلون بتوصل المعلومة الابلات الكويتيات قاصين شلون الاجانب الله يعينا

بس الحمد الله انا ما اخلي عيالي ادرسهم اول باول لأن لاتفكرين تهملين شي بعدين الياهل يضيع لان ماكو هيئة تدريس سنعه عكس الصبيان الحمد الله مدرساتهم زينين

 

[farawla_q80ia]

انزين خواتي خل نفيد بعضنا بالادوات اللي تساعدنا علي توصيل المعلومة لعيالنا مثل الخرز والمكعبات للرياضيات وبطاقات الحروف للعربي وبعد شنو ؟؟؟

 

[برونزية رشيقة]

حسبي الله ونعم الوكيل ....

الله ما يرد دعاء المظلوووووووووووووووووووووووووووووووووووووم إدعوا مالكم غير الله سبحانه .

 

[vevo]

تدرون عاد انا هالسنه بتخرج تخصصي رياضيات ثانوي ومتوسط كنت امفكره اشوفلي واسطه عشان اتعين بمدرسه ابتدائي يوم شفت المنهج اخترعت قلت لا والله ثانوي ارحم بواجد انا يوم نزلت عملي وشفت بنات المتوسطه اشلون ماكو احترام للابله وغير البويات ومحد يقدر يسوي لهم شي قلت ابي ابتدائي الحين لالالالالالالالالالالالا والف لا

 

[شيخة البلادين]

ليش ما نشتكي عالمناهج بمجلس الامه ؟
ولا نشتكي بالمنطقة التعليمه ؟
ولا نشتكي عند اي احد نعتصم ؟
ولا نسوي اي شي يفيد عيالنا ،، تدرون الظاهر هالسنه مافيه بالكويت كلها متفوووووقين
بس الزلمات لأنها مناهجم
حسبي الله هو نعم المولى ونعم الوكيل وإليه المشتكى!!
والله ليش ما نعتصم كلنا أولياء الاموووور ؟ يمكن المدرساااات يخافوون على وظايفهم فمايقدرون
يقولون شي الله يعينهم اهم بعد

صح كلامك اختي... احنا لازم نتحرك عشان عيالنا

ولا طول ماحنا قاعدين وبس نتحلطم... ماراح يتغير من الامر شي

خل نسوي اضراب ونغيب عيالنا... مع الشكوى لاعضاء المجلس والاعتصام...

بس لازم نتحرك..

هذا مستقبل عيالنا.. محد بيهتم فيه غيرنا احنا اولياء الامور..

ولا المدرسين والمدرسات اذا تكلموا ممكن يتهمونهم بالتقصير... ولا يخافون على وظايفهم وتقاريرهم..

خلونا نتحرك... وبارك الله فيكم جميعا

 

[enter]

امبيييه انا عكسكم وااايدعاجبيني المناهج...وخاصة العلوم ثانية ابتدائي كله تجارب بسيطة ولعب بالطين..
وبنتي تقولي ليش ماعلينا علوم كل يوم؟ :eh_s(14):
والرياضيات حلو بس انا اتوقع اللي عيالها مو متاسسين عدل راح يواجهون صعوبة...والكتاب واايد حلو وكلة صور وكاتبين اخر كل صفحة رسالة لاولياء الامور امثلة...
ترى عيالنا ما شاءالله عليهم موناقصين شي...بس لاتستهينون بقدراتهم وتقولون المنهج صعب جدامهم ....
وشكرااا:ggdw:

 

[أمواج البحر]

امبيييه انا عكسكم وااايدعاجبيني المناهج...وخاصة العلوم ثانية ابتدائي كله تجارب بسيطة ولعب بالطين..وبنتي تقولي ليش ماعلينا علوم كل يوم؟ :krkrkr:
والرياضيات حلو بس انا اتوقع اللي عيالها مو متاسسين عدل راح يواجهون صعوبة...والكتاب واايد حلو وكلة صور وكاتبين اخر كل صفحة رسالة لاولياء الامور امثلة...
ترى عيالنا ما شاءالله عليهم موناقصين شي...بس لاتستهينون بقدراتهم وتقولون المنهج صعب جدامهم ....
وشكرااا:ggdw:

:icon30::rerrerek::eh_s(15):

والله هذا الكلام اللي كنت بقوله ... المنهج والله مافيه شي ... اليهال مخوخهم مثل الاسفنحه قادرين يستوعبون

عطوهم نمو عقولهم .... سالفة القطار و العدد الفردي و الزوجي تخلي الياهل يفكر و يحلل

مافيها شي .... ولدي والله يحب الرياضيات بالعكس احس ان منهجهم ممتع

ماعليه يا بنات ملينا من الجمود بالمناهج

قبل كانوا يقولون ياليت عندنا مناهج مثل مصر والا سوريا قويه و الياهل تحسين عقله متفتح

ملينا 1+1 يساوي كم لييي متى

تكوين العدد عاااجبني و ترى جداااا سهل بس الفرق قبل كانوا يسمونه (اسماء العدد 5 مثلا)

العلوم نفس الشي كل رسومات و ينمي عقل الياهل

ماعليه تعبوا شوي مع التدريس وباجر ان شاء الله بتشوفون النتيجه

على فكره ترى عندي باولى ابتدائي و ثانيه ابتدائي و رابعه ابتدائي يعني حاااالي من حالكم

 

[أمواج البحر]

لا والأسوء اليوم بنتي خذت تكوين العدد 12 واهي للحين ماتعرف تكوين العدد 4 ما ادري ليش يركضون بالمناهج وشنو فايدة الطفل من هالسرعة وخاصة انهم اولي ابتدائي حساففة علي ايام قبل يوم كنا بالمتوسط وابلة الرياضيات تقعد اسبوع كامل واهي تشرح واتزيد في قاعدة وحده ليمه نفهمها عدل والحين ركضة افهموا ولا بالطقاق:roadrunner::lololoe:

تصدقين هذا سوء اداره واللي لاحظته مدارس البنات طياااااره مناهجهم بعكس الصبيان

انا عندي لدي وبنت عمي ادرسهم بنت عمي سابقه ولدي باربع دروس ... واااايد و مسكينه ما تلحق على المدرسه لان فيها ععيب خلقي عسى الله يشافيها

عموما ترى يعتمد على المدرسة نفسها مو من المنهج

 

[م فطومه]

كل الورد.... المفروض عيالنا يتعلمون العد بالمكعبات من الروضة مو الحين بالابتدائي
ومعنى زيادة المكعبات اهيا تهيئة للجمع او الطرح يعني الاشياء المحسوسة اسهل من الارقام واذا الطفل فهم المعنى بالمكعب سهل عليه التطبيق انا عن نفسي قاعدة اذبح عمري بالشرح بالمكعبات والاقراص البلاستيكية( جان سامعين عنها) والعناصر واخذ اضافي مرات اطبق معاهم الدرس بالكتاب بعد مايستوعبون الدرس عدلللللللل



بس صج المنهج صعب مو مواضيعه لا تقسيمة المنهج يعني كل درس المفروض تاخذ حصتين او 3







الله يعينا ويعينكم

 

[م فطومه]

كل الي يحطون القرارات ناس ماعندهم الا الثنوية ولا دبلوم المعلمات جان تذكرون ايام السنتين ...طوروووووا النماهج طورووو المسؤوولين كل واحد صاك عمرة الالف ولين الحين بالوزارة اشعرفة بواقع العمل والمدرسين ولا والى يقهرني الابلات بكلية التربية والله اني ما استفدت شي من الكلية ولا شيييييييييييييييييييييييييييييييييييييييي

يعني علمونا دربونا على مناهج الدول الى يمنا




المنهج مافيه شي بس التطبيق غللللللللللللللللللللللللللللللللللللللللط المفروض يبدون باولى لان ثانية وثالثة معتمدة عليه الله يعينااااا



امس طلعت الحلوة مريم الوتيد والله شكلها تبيع هريس مو مسؤوله بالتربية موعارفة ترد على الى يتصلون عن المناهج الجديدة انا احس انها اصلا ماشافت الكتب وحتى لو شافت ماراح تعرف تشرح

 

[& شهد &]

ولدي الكبير مخلص ثانويه يعني لحق على المنهج القديم اللي من جد يؤسس صح

ولدي الصغير الله المستعان بس

قعد ادرسه النمط جنني

 

[قلبي ابيض]

نظام فاااااااااشل الله يستر بس

 

[اشراقة الحياة]

اي والله نظام فاشل ....شنو درسين شنو تخلين

واجب الانجليزي 8 اوراق عمل على كل حرف
واجب الرياضيات كراسة التمارين + ورقة عمل
واجب العربي كتاب اللغوي + 2-3 اوراق عمل
الدين+ التربيه الحياتيه +الوطنيه لزقي صور على الموضوع

وعلى فكره وتخيلوووا بعد انها اولــــــــــــــى ابتدائي

وبعدين اقولون ليش بنتج تحضر على ورقه خارجيه.....ليش فقيره يمدها
واللله حرام عليهم ...........

 

[أمانيQ8]

صاااااااااااااجه بنتي بأولى سكتي والله شي يعقد الرياضيات بالله اليهال اشعرفهم النمط وبلاويه وطريقه حسابيه غريبه
شنسوي غصبن علينا لو نتحجى من بيرد واللي يعافيج

 

[زينة2008]

والله صاجين انا بنتي ابثالثه مسكينة مادة الرياضيات الصراحه مستواها أكبر من عمرهم خصوصا الأسئلة المقالية ..الصراحه انا مو قادره افهمها اشلون بنتي ,,,الله اكون في العون وينجحهم