حرام عليكم يامدرسات سنه اولى وتعاملونهم جذي ؟؟

[عشق]

في بعضهم مجبورين انهم يصيرون مدرسات علشان المعاش ومافي خلط
وبصراحه مو كفوو ان احد يقول لها ابله
وصج يبي لهم كورس حق التعامل مع الاطفال
وين قاعدين خوو الدراسه ما تخلص
والشي اللي مو فاهمه يسال فيه مره ثانيه مو مشكله

 

[& شهد &]

والله يا بنات في مدرسات ينحطون ع الجرح يبرى وفي العكس ماخذه تدريس اليهال وظيفه خالية من المشاعر

الله المستعان بس

 

[مدرسة بالرؤية]

السلام عليكم
انا مدرسة بالرؤية وقررت اشارك معكم على شان أطور من نفسي وأشوف شو يلي بيزعج أولياء الأمور وأحاول ابتعد عنه وغيره
وشو المشاكل يلي ممكن تسويها المدرسة وهي اصلا مو حاسة أنها مشكله
وأنا اقسم بالله بدون أي مجاملة أنه بعتبر كل طلابي أولادي وبحبهم من قلبي وبتمنى ربي يوفقهم وينجحهم

 

[مدرسة بالرؤية]

السلام عليكم
انا مدرسة بالرؤية وقررت اشارك معكم على شان أطور من نفسي وأشوف شو يلي بيزعج أولياء الأمور وأحاول ابتعد عنه وغيره
وشو المشاكل يلي ممكن تسويها المدرسة وهي اصلا مو حاسة أنها مشكله
وأنا اقسم بالله بدون أي مجاملة أنه بعتبر كل طلابي أولادي وبحبهم من قلبي وبتمنى ربي يوفقهم وينجحهم
ويارب تفرحوا بشهاداتهم

 

[بدوره 22]

متى تتنظف التربيه من هالاشكال ..... يعني شخسرانه من حصتها اذا قالت لها روحي الحمام ..... واااااااااااااااي ياربي الحمام !!!!

والله اني ادرس بالمرحله الثانويه والحمدلله البنات اللي ادرسهم مو وايد شياطين ومن خبرتج مع البنات تعرفين الصاجه والجاذبه

والله لمن يطلبون الحمام ما اقولهم لأ !!

يعني شنو ما اخليها تروح .... يمكن ما تقجر تتحمل .... والله لا تسكتين كلمي الاداره

 

[mr000]

والله آنا اشتغلت بالمدارس 20 سنه بس ماكنت مدرسه كنت أخصائيه ومن اللي شفته بالمدارس من بعض المعلمات الله يهديهم وهم صادفتني مشاكل من تعامل المدرسين والمدرسات مع عيالي والله تعقدت ودخلت آخر ولد بمدرسه أجنبيه بصراحه كافي تعاملهم مع الياهل وتقدرين توصينهم عليه لو مرض أو صار أي ظرف أو غاب وفاتته دروس مو مثل الحكومه محد يسمعج و سببوا على بنتي صار معاها ألتهابات ومشاكل بالكلى بسبة موضوع الحمام ومايخلونها تروح بكل وقت وتضطر تمسك نفسها طول الحصه!!