حرام عليكم يامدرسات سنه اولى وتعاملونهم جذي ؟؟

[شووكولاته]

:0bee2e8d89::0bee2e8d89:

باختصار بنتي يايه من المدرسه ((محصوره وعاملتها)):krkrkr:

مستأذنه من الأبله وقايلتلها لأ00000000000000000 حرام عليكم ليش يعني تقو ل لأ

يعني هي مو ثانوي تجذب بتتمشى بالمدرسه ما قالت الا لأنها صج تبي الحمام 000 :eh_s(14):

وبنتي مو من النوع الي جذي أول مره وهي خجوله 000 مسكينه يتني البجيه عليها اكيد توهقت ونحرجت

شرايكم اروح المدرسه اكلم الاداره ؟؟

 

[رفرف]

كلمي الادارة حبيبتي ...

صج المدرسة لازم تضبط الصف وفي بنات يتحججون علشان يطلعون من الصف بس سالفة الحمام مسئولية ..

احنا حتى بنات خامس لي بغت الحمام بنص الحصة اسألها تقدرين تنطرين لين اخلص شرح علشان ما يطوفها شي والا لا ؟ لي قالو لا يطلعون اكيد ما نمنعهم

 

[شووكولاته]

مشكوره رفرف 0000 جزاج الله خير

 

[دانة-الكويت]

من لايرحم لا يرحم

هذا الي بقولة

وحرام على هالابله تحرج البنت

بس انتي متأكده ان بنتج طلبت الحمام ولا استحت

 

[قلبي ابيض]

بعض المدرسات مندقرة فبيتها من ريلها و تقط حرتها بهالاطفال

يعني لما تمنعها من الحمام بترتاح ؟؟؟؟ << المفروض بالجامعة يعطونهم كوووووورسات بطريقة التعامل مع الاطفال

 

[شووكولاته]

من لايرحم لا يرحم

هذا الي بقولة

وحرام على هالابله تحرج البنت

بس انتي متأكده ان بنتج طلبت الحمام ولا استحت

بلى قالت قلتلها وقالت لأ عاد بنتي بريئه لو تشوفينها قلبج يعورج:krkrkr:

 

[شووكولاته]

بعض المدرسات مندقرة فبيتها من ريلها و تقط حرتها بهالاطفال

يعني لما تمنعها من الحمام بترتاح ؟؟؟؟ << المفروض بالجامعة يعطونهم كوووووورسات بطريقة التعامل مع الاطفال

:ggdw::ggdw::ggdw::ggdw: بس وين الي يفهم ؟؟

مشكوره ياقلبي

 

[طيبة الكويتية]

واااااااااااي اعوذ بالله من هالمدرسات اللي على هالشاكله
ولد اختي نفس الشي عنده تبول لا ارادي و امه مكلمه المدرسه عن الشي هذا علشان اي وقت يستأذن و يبي يروح الحمام يطلعونه لكن وين اللي يفهم.
يا حبيبي طلب من الأبله اني يروح الحمام ما خلته و سواها بهدومه و رد ميت من البجي و الاحراج. والله ما ادري شقول عنهم. الله يهديهم بس

 

[BaTTy]

وييي مسكينه
بس هم يمكن كان بنفس الوقت وحده رايحه تكرمون الحمام
لانه ترى ممنوع تطلع 2 نفس الوقت لانه تصير مشاكل

 

[مطلع الشمس@]

بعض المدرسات مانقول الا الله يهديهم!
انا بعد ولدي صارت معاه هالسالفة @@

هذا غير الطق ! ولدي بعد طاقته الابلة على عينه عشان ماحط الكتاب على طاولتها واهو مايدري شسالفه
تكفوون لاتعوروون قلبي زياده خلوها على الله


يامدرسااااااات!! سنه اولى ابتدائي غييييرررر حرام عليكم اتقوا الله في فلذات اكبادنا

 

[أمانيQ8]

اي حتى بنتي تقول كل ماقلت حق الابله قالت قعدي مكانج...تقول والله يمه احس بعوار بطني ولدرجة ما اقدر اركز الابله شتقول
بس اختي حرصي حيل انج تودينها الحمام وانتي بكرامه قبل لا تروح المدرسه لاتقولج مابي لاجبريها

 

[بدر البدور.]

والله انا بعد ولدي ياني امسوووووووويها على نفسه حشاكم بعد مو أي شي

يقول الابله مارضت اروح الحمام

......


وغبر هذا وحده من ابلاته كلما شافته قالت له حلق شعرك والولد امحلق مسكين تبيه يخفف تواليت يعني !!

يعطيهم العافيه بس الله يهديهم في ابلات قلوبهم صخر مع اليهال شوف عيني ابلته تصرخ على اليهال اللي زين منه مايوقف قلب الياهل

الله المستعان​

 

[بدر البدور.]

بعض المدرسات مانقول الا الله يهديهم!
انا بعد ولدي صارت معاه هالسالفة @@

هذا غير الطق ! ولدي بعد طاقته الابلة على عينه عشان ماحط الكتاب على طاولتها واهو مايدري شسالفه
تكفوون لاتعوروون قلبي زياده خلوها على الله


يامدرسااااااات!! سنه اولى ابتدائي غييييرررر حرام عليكم اتقوا الله في فلذات اكبادنا

صدقتي خليرحمون فلذاتنا خاصه اولى ابتدائي وانا ولدي داخل المدرسه امبجر بعد

حبيبي والله يقطع قلبي من واجب العربي يعني باليوم ينسخون 20 كلمه اشويه :0bee2e8d89:

وبجي ودموووح ويمسح بالورقه وتنشق الصفحه من الدموع حااااااااااااله

عيالنا امانه عندكم يا أبلات

بعض الابلات لا والله ماشاءالله تعامل الياهل جنه ضناها

الله المستعان​

 

[sereen]

وااااااااااااااااى شالقصص كل يوم مايقل عن 3 حالات اقراها اتعور القلب اشصاير شالجلافه بالتعامل ماتحبين العيال ولامستثقله طفل بس لاتظلمين يامربيه الاجيال اسفه لكن البعض منهم الله يهداهم متجسرين ومتجبرين ترضين احد يسوى بعيالج اللى انتى سوينه بعيال الناس ؟؟؟؟؟؟
ترى الايام تدور راعوا ضمايركم وحللوا معاشكم .....وين منظمه حقوق الطفل عن اللى يصير عشان يصير شى من الوزارة نفسها والله روحوا يااولياء الامور اعترضوا دبرولكم شى بحيث اتكونون عنصر مشارك فى عمليه التعليم مو حاله هذى قهرتووونى والله على هالعيال

 

[q8tya 3asaal]

وعليه

عورت قلبي

حبيبتي اشتكي عليها خل تتادب

كافي احرجت البنت

 

[شووكولاته]

ما قصرتوا بنات طلع الكل يعاني 00 ياربي الشكوى لله 00 هي مافيها تبول لا ارادي الظاهر بالفرصه مورايحه الحمام اصلا اقولها لعبتي بالفرصه تقول لأ كنت اكل هي بطيئه بالأكل يعني طول الفرصه عالصمونه متى بتروح الحما م ابوها ماخذها من المدرسه يقول ويها مخبوص حسيت فيها شي بعدين يقول شفت ملابسها === حسبي الله عليهم بس

 

[محبة الاستغفار]

مسكينه زين ليش مادقوا عليكم تبدلون ملابسها حرام والله في هالبرد

بس ترى خلوا عيالكم يروحون الحمام اول ما يقعدون من النوم في بعض اليهال يقول حق امه سويت وهو ماسوى شي بالحمام

وهم قبل يركبون الباص يروحون للحمام هذا بالنسبه للابتدائ لانهم ما يتحملون

والله يحفظ يعالنا وعيالكم من كل سوء ومن المواقف المحرجه

 

[أم أنور]

ياربي قلبي عورني اتذكرت ولدي في أولى ابتدائي الله يسخر له المدرسات

 

[حسينه حلوه]

مصخوها بعض الابلات حتى مانقدر نشتكى عليهم تطول لسانها عليج وتحط على الياهل ، والله براى الوافدات احسن من بعض المدرسات على الاقل تنزف مره وما تعيدها

 

[زيـنـه]

عاد الحمام يا ربي حاجه مو وناسه !!

و بعدين شنو مستفيده الابله اذا سووها على عمرهم و راحوا بيتهم امبللين ؟؟

اكيد لو عيالها ما رضت لهم .

انا لو مكانج اروح المدرسه و لا اسكت لان غلط اللي صار .. اولى ابتدائي للحين يهال و الوضع جديد عليهم .