رد: " حرام اللي اسوي فيج " قصة وااقعية ليلحين اعيش احداثها ( يوميات كويتية) 
بنات انا ماراح اقدر اقوكم عيد ميلاده متى
لانه مايصير على قولة انفال
بس اذا صار شي بالعيد ميلاد اكيد بقولكم شنو صار بالضضببببطططط
بالتفاصيييل
حتى شنو لبست بقولكم
اليوم عندي لكم خووووش خبر
بس يضيق الخلق بنفس الوقت
انا امس سالتلكم شرايكم اذا ادزله انفال مسج ولا لا عدل؟
ومادزت عدل؟
اليوم اتلصبح الساعه 11
دزلها مسج
>> صباح الخير.. شلونج
<< ((ردت بمسج)) صباح النور بخير الحمدلله وانت شلونك؟
>> الحمدلله شلون الدراسه؟
<< الحمدلله زينه وانت شلون دراستك؟
.......
مارد عليها بولا كلمه
طبعا انفال ماردت عليه ومافكرت ترد
تقول يسالني ويحقر ماراح ادزله شي
الساعه 3 ونص العصر
دزلها مسج
>> تدرين انه دعمتني شاحنه
<< شنو؟
شلون متى
ماصرلك شي صح؟
مافيك شي؟
>> يوم الاحد دعمتني من وره يمين والسياره بالكراج
نطرت شوي
جان ادق عليه
مارد عليها
دزتله مسج
ابي اطمن عليك
هم مارد
تم جذي ساعه الا ربع تقريبا
جان يدق عليها
>> السلام عليكم
<< وعليكم السلام
>> شلونك شخبارك؟
<< الحمدلله انا بخير انا ماصار فيني شي بس السيارة حييل تعورت
>> اهم شي انت ماصار فيك شي
<< الحمدلله
............ تمو ثانيتين ساكتين تقريبا
جان تقوله انفال
<< شلون دراستك؟
>> صديني اقوم من النوم تقريبا خمس مرات من كثر ماانا خااايف
وعندي امتحان باجر ويوم الاحد والاثنين
<< ان شاء الله خير
>> الله كريم
<< الله كريم
>> انا رايح حق رفيجي الحين
بندرس
<<......
>> تبين شي
<< ((انفال بينها وبين نفسها ودها تقوله جراح احبك مشتاقتلك ابيك يمي على طول مااقدر استحمل كل هذا منك احببببببببببببك وياليتها فيني ولا فيك بس طبعا ماقالت لانه خايفه من رده شبيكون وماتبي تقوله فيني ولا فيك لانه مايحب الكلمه منها ))
قالتله انفال ابي سلامتك
>> الله يسلمج باي
<< باي
عووور قلبي جراح
كسر خاطري
احس غروره ماخلاه يرد عليها لمن سالته عن دراسته بمسج
شراايييكم؟
اخليها تدزله مسج باجر تساله عن امتحانه؟
ولا لا؟
اخاف اقولها وبعدين مايرد عليها لانه مزفت لاسمح الله وبتقولي كله منج
واخاف مااقولها يقولها جراح لو انتي مهتمه فيني جان سالتي عني
حدناا محتارين شنسوي عطونا رايكم بللليييييزز
رايكم ادزله مسج؟
ورايكم بلي صار اليوم ؟؟
