حد يقولو - أني بحبو الحب ده كلو - حد يحنن البو عليا!!!

[Noor_AlQ8]

شوفي بو سروال وفانيله

ينقسمون نوعين:
واحد يبي يحس اللي عنده دلوعه حييييل ويدلعها وانتي حسسيه بالهشي انج دلوعه حيييل



او

النوع الثاني اللي يحب يصير الدلوع ويحب يكون الاهتمام فيه مثل البيبي مالج




شوفي اهو اي نوع وطقي على الوتر الحساس

 

[غارقة بأحزانها]

مشكورين بنات
زوجة عزيز ضحكتيني
اللي صار أني كلمته وعطاني طاف محترم وماكان له خلق يسمعني
ويقولي بس هذا موضوعج!
قهرني وطنقرت ورحت تسبحت ونمت والحين بطني يعورني الظاهر استبردت*

 

[دلع العتبان]

غني " انا مش عيزه الا هوه " لووووووووووووووووووول

والله كلهم صايرين جذي مدري شسالفه ؟

الله يهديه يارب

 

[غارقة بأحزانها]

ههههه دلع
انا اللي ذابحني وخايفة منه
( خايفة مكنش انا اللي فباله بعد ده كله)

 

[كـ غلا ــلي]

من رايي لا تدزين مسج ولا تكلمينه لانه اغلب الرياييل جذي لين خذتي من هالجناسي العربيه اهما اللي يدلعون

اللي عندنا مو متعودين على جذي فالحل اهوا انتي غيري بنفسج انتي بلشي تحضنينه وتبوسيه اول ما يقبل عليج

وبجذي مع الوقت بتعلم انه يحصل هالشغلات منج ويتعادا منج ويعطيج يعني نطري عليه علما يتعود والبدايه تكون انتي

عطيه حنان مؤكد بيعطيج حنان مثل لمن تمرين على ناس اول ما تبتسمين بويههم تلقائي بيبتسمون في ويهجج جنهم

يتعادون منج فلا تفقدين الامل وصبري

 

[غارقة بأحزانها]

المشكلة ان في عرج مصري مادري ليش ما تعادا من خواله هههههه
كلكم تقولون انتي اللي ابدي اصلا انا على طول معاه جذي اصلا نسيت اسمه
وانا اللي دايما أبوس واحضن وادلع بس وبعدين لي متى ماكو نتيجه
والله احس أني لما احضنه او ابوسه من تعابير وجها ان يقول ولييييييه شتبي هذي

 

[vanilla-D]

انا كان جذي بس الحين احس بدا يتغير عقب 3 مادري اربع شهور مل ما بيطلع اهد اللي بيدي كله حتى والله مرات اكون هاا غاافيه افز من مكاني واروحله عند الباب و المه حييل و اقوله راح اشتاقلك و يطلع
و مرات اكون صج صج تعبانه و اقومله لما بيطلع عاد اهوا يقولي خلج اقوووله لاااا ممنوع تطلع بدون لا تلمني جربي جم شهر و شوفي

 

[vanilla-D]

بعد تدلعي مرات حسسيه انج ياهل و اهو ابوووج صدقيني راح ييحظنج اذا حس بدلعج
قطيلج دمعتين السالفه سهله ترى بس يبيلها ذكاااء

 

[غارقة بأحزانها]

وأي بنات شفيكم كلكم نفس الرد تدلعي انتي ابدي
دلعيه سويله جو
باختصار كل هالاشياء سويتها معاناتي مو يوم ولا شهر ولا سنه
صارلي اربع سنين جذي وجربت معاه كافة الطرق السلمية والحربية
ومافاد
باااااااااااااط جبدي

 

[غارقة بأحزانها]

اب اب

 

[غارقة بأحزانها]

بنات ابي رايكم باللي صار قبل شوي
طبعا امس ماسمعني بخصوص موضوعي وهو الاهتمام
واليوم شاف على ظهري لزقة منع الحمل قالي شنو هذا
قتله قالي ليش قتله بس مابي احمل
قال انتي قلتي قتله اي خلاص هونت قال لي متى
قلت لين يتعدل وضعي
عيالي صغار ومو مستعدة عطاني ظهره وقالي عيل ماكو سفر
إحنا المفروض بعد جم يوم مسافرين
طلعت من الغرفة ودزيتله مسج انت اناني وماتفكر الا بنفسك
جان يدز وانتي جذابة وماعندج كلمه
طبعا ماسكت ودزيتله مسج عن اهماله وعدم مراعاته لمشاعري
نام ومارد علي
وانا تميت ابجي لأني مو عارفة أتصرف معاه
كل ماابيه يهتم فيني يدور شغلات تزيد الفجوة اللي بينا

 

[انا لحبيبي .]

بنات ابي رايكم باللي صار قبل شوي
طبعا امس ماسمعني بخصوص موضوعي وهو الاهتمام
واليوم شاف على ظهري لزقة منع الحمل قالي شنو هذا
قتله قالي ليش قتله بس مابي احمل
قال انتي قلتي قتله اي خلاص هونت قال لي متى
قلت لين يتعدل وضعي
عيالي صغار ومو مستعدة عطاني ظهره وقالي عيل ماكو سفر
إحنا المفروض بعد جم يوم مسافرين
طلعت من الغرفة ودزيتله مسج انت اناني وماتفكر الا بنفسك
جان يدز وانتي جذابة وماعندج كلمه
طبعا ماسكت ودزيتله مسج عن اهماله وعدم مراعاته لمشاعري
نام ومارد علي
وانا تميت ابجي لأني مو عارفة أتصرف معاه
كل ماابيه يهتم فيني يدور شغلات تزيد الفجوة اللي بينا

اسمحيلي حبيبتي احكيلك ، قرار انه ما تجيبو اولاد بدون علم زوجك ما بصير لازم زوجك يكون عندو خبر وعلم بهالشي ، وزوجك ردت فعله جدا عاديه لانه شافك بتقرري من كيفك ، بعدين ماعمرو كان النقاش بهالاسلوب ، عن طريق المسجات انو تجريح بالكلام للشخص التاني ، الانسان عباره عن مشاعر تعاليلو بالكلمه الطيبه بالاسلوب الطيب ، بلين معاكي شوي شوي ، بس اسلوب تجريح مستحيل تاخدي منه اي شي .. الله يهدي بالك ويصلح الحال يارب العالمين

 

[غارقة بأحزانها]

حبيبتي انتي لو تقرين مشكلتي من الاول جان عرفتي
ان انا اعني من اسلوبه معاي وان امس كنت بتناقش معاه بمشكلتي واهو ماعطاني فرصة
وبعدين انا أجهضت هالشهر اهو ماكان مستانس أني حامل ولما طاح البيبي اهو اللي قال يلا خيرة اصلا ماكان
وقته
ويوم طاح انا كنت قايلتله أني باجل الموضوع وماتكلم

 

[! بــدويه وآآيــد !]

،


اذا طلع وقالج تبين شي قوليله اي ابي المك وروحي لميه يعني انا ساعات اسوي جذي بوقت الزعل اذا راضيه ومادري شلون هههههههههههههههه
وعادي حبيبتي انتي قطي نفسج بحضنه واخذي الي تبينه وشوي شوي بيتعود

 

[masoo 511]

كثر مانشوف ونقرا مشاكل رياييل الكويت واهمالهم واتكالهم ماكوحل الاالحريم يتزوجون اتراك على الاقل في حب شفناهم بمسلسلاتهم وفي واقعهم بتركيا يحبون حريمهم ومتفهمين وفري وحلوين احنا جيكر واغلبيتهم لاشهادة ولااسلوب وشايف نفسه الله يعين الحريم عليهم

 

[غارقة بأحزانها]

شكرًا حبايبي نورتو الموضوع

 

[! بــدويه وآآيــد !]

،


حبيبتي قريت ردودج

الله يسخره لج وهو شوي جاف الله يهديه
بس سوي الي يبيه وصدقيني السفر بيجدد نشاطكم ويقلل الفجوه الي بينكم قوليله بنسافر وسوري وجذي واذا رديتوا النفسيه بتكون اوكي ان شاءالله وناقشيه بللي تبينه

الله يهديه يااارب

 

[غارقة بأحزانها]

الله كريم

 

[غارقة بأحزانها]

بنات والله انا متضايقة وأبي احد يفهمني
الحين صارلي معاه ٥ سنين بس لحد الحين مو عارفه أتصرف معاه
احسه قاسي معاي حييل يقول ان يحبني بس بالمواقف واسلوبه معاي يدل على العكس
يحب مصلحته ونفسه
مايفكر فيني
وانا بعد مابي أتنازل اسوي شي مو من صالحي عشانه
خيرة من ربي ان الياهل اللي كان ببطني راح
لو اي وحدة منكم تدخل على بروفايلي وتقرا مواضيعي
بتعرف ان اهو مو قد المسؤوليه ومو من صالحي ان اييب منه عيال
اهو مقصر معاي ومكانتي بقلبه رخيصة بسرعه يقلب علي ويسمعني كلام ماله داعي
مو حاس بمعاناتي يبي الحياة تمشي مثل ما اهو يبي وبس
الله يعين

 

[BubbLe87]

حبيبتي ليش ما تدشين على مواضيع الأستاذة ناعمة الهاشمي اقريلها ترى حدهاا تعرف بشخصيات الرياييل عدل و فاهمة ممكن تلقين حل مشكلتج عندها و صلي و ادعي اخر الليل صدقيني كلشي ان شا الله بينحل بس انتي لا تيئسين