حدي مليقه و ما عندي سالفه

[ريحانة_14]

السلام عليكم و رحمة الله و بركاته

مشكلتي باختصااار شديد

إني مليقه و ما عندي سالفه

و ما أدري ليش لما أسولف محد يتفاعل معاي بالسالفه؟؟؟؟

هل الاسلوب و الصوت له تأثير بالسالفه؟؟

ابي أصير لما أسولف كل الموجودين يطالعوني و ما يملون من سوالفي

بنات سالفتي حلوه بس ما ألقى تفاعل بالمره

ليش؟؟؟

انا ممله

و فوق هذا غذا وحده غلطت علي ما اعرف ارد عليها ابلع لساني و اذا تجرأت و رديت عليها جني قاعده أغلط على نفسي الحمدلله و الشكر

شالحل يا بنات كويتيات ابي اغير اسلوب كلامي

هذا راجع لإسلوب التربية في الصغر

( عيب ) ( سكتي لاتردين ) ( التقولين هالكلام ) ( إنتي ماتعرفين تتكلمين )

هالكلام يمكن غالبيتنا واجهناه لكن بس نكبر نقطه وره ظهرنا .. لأنها إيحاءات سلبيه غذتنا بعدم الثقه بالنفس

بس أنا شايفه إن إسلوبج بالكلام حلو ولابأس فيه مو شين يعني

لكن حاولي تقرين وايد وثقفين نفسج وايد تزيدين حصيلة معلوماتج وإقتبسي من إسلوب الكتاب إللي تقرينلهم وسلامتج حبيبتي

 

[سواري ليل]

حبيبتى اذا الكلام من فضه فالسكوت من ذهب وانا برايي الشخصى السكوت من الماااااااااس,,,بالعكس انتى متلقيه تسمعين وتفهمين شاللى يدور حواليج شوى شوى طورى نفسج حاولى تقرين اكثر عشان تصير الكلمه وقوه التعبير حاضر على لسانج ماتتدودهين ومو شرط كل قعده اتهلين السوالف وتمسكين محور القعده,,,بالعكس اصلا من كثر كلامه كثر ممسك الناس عليه,,,انتى شيلى هالتفكير السلبى وحبى نفسج مثل مانتى ومثل ماراح تصيربالمستقبل,,,والموضوع ومافيه جرأه لا أكثر ولا أقل,,وبينى وبينج حتى لو بالمستقبل صرتى اجرأ وقمتى تاخذين وتعطين مع الناس حسبى ألف حساااااااب للكلمه اللى تطلع منج,,لان فيه بنااااات ودج تصكييييييييييييييييييييييينها باكبر ماعندج من تفاهه السالفه والا جرأه الموضوع اللى هيا قاعده تتكلم فيه,,,صدقينى انتى خووووش وحده ولا تحتاجين تلفتين نظر الناس عشان يحبونج,,,لان بكل بساطه مو مهم أحد يحبنى بشخصيه مو شخصيتى,,,

 

[مـهـاوي]

مـسـافـات شدعـوه مليغـه وممـلـه
اتوقع تتوهمين هالشـي
اهم شـي وأول شـي لازم تكـون عندج
ثـقـه بنــفسج واذا تكلمتي لايكون بصوتج
رجـفـه او شـي .. الدعـوه سهالات ..!
بعدين انتي تحجين مع منوو كلهم ناس حالج
حالهم .. اهم شـي واول شـي خلي ثقتج بنفسج
قـويـه وخليج اجتمـاعـيـه .. اقعدي مع البنات
وسولفي من غـيـر خجـل .. ولاتكررين انا ممله
انا مليغه انا مادري شفيني هالاشياء السلبيه شيليها
من قائمتج ..
ثانيـا اذا سولفتـي اعرفي تسولفين مع منو اذا كنتم مجموعه
خليج معاهم بالموضوع وحاولـي تسولفين باهتماتهم واخذي
واعطي بحريه من غير لاتهمشين نفسج .. ولاتطولين السالفه
قـولي الزبـده والاشياء المهمه بالسالفه والاجزاء اللي فيها تشويق
ولاتكونين جامده من حيث التعابيـر ونـبـرة الصوت ..!

انتي بس خلي ثقتج بنفسج كـبـيـره وكل شي يهون

 

[أيــش؟!]

أحسن حل لمشكلتج قـــــــــــولي شي واحد بس

(أنا واثقه بنفسي)


و كل مشاكلج إن شاء الله تنحل

 

[قلب راشد]

غيري هالفكره داكج تقولين انا مليقه وما عندي سالفه فستكني كذلك وان قلتي انا متحدثه راائعه والكل ينشد لي فانتي كذلك

هذا له علاقه بالطاقه وهالة الجسم فمن يرى نفسه انسان راائع تكون طاقته ايجابيه وتشد الناس حوله فكوني كذلك وممكن تقرئي في هذا المجال أو تأخذي دورات بهذا المجال

 

[IM SO LOCCO]

يمكن مشكلتج تطوليييييين بالسالفه اذا عندج سالفه اختصري يعني عطيهم الزبده بس
وخليج واثقه من نفسج وسالفتج ترى مو شرط العيب منج في بنات يعني اعذروني على هالكلمه ما يستحون تسولفين وياهم تعرفين اللي بس يبتسمون وبينهم وبين نفسهم انا مو معاج متى تخلصيييين ولا تطولييييييييين بسالفه وحده غيري السوالف وترى اهوا على اللي يسمعج يعني في ناس ما يحبون القرقه طبعهم جذي وفي نااااااااس تموت عالسوالف سالفه انج اذا سبوج وجذي ما تردين عليهم هذا دليل على اخلاقج وتربييتج
السنعه بالعكس لا تردييين عليهم والله تكبرين بعينهم يقولون هذي عقلها كبييير ما يهمها سوالف اليهال واذا بتردين ردي ببرود ادري صعبه بس حاولي واهم شي خليج واثقه من نفسج ومن افكارج جني انا اللي قرقت وايد لا وهذا انا يعني انا بنصح p; سوري عالقرقه

 

[colorfull]

حبيبتي .. حاولي تقرأين لان القراءة تزيد من ثقاقافتنا اللغويه (في هالحاله تقدرين تختصرين او تضيفين نكهه حق السالفه)
اما اذا كنتي تخافين اوتنحرجين اذا تكلمتي جدام جماعه فهذا تمرين بسيط:
1- حاولي توقفين جدام المنظرة وتشوفين تعابير وجهك وانتي تقولين السالفه (مثلاً:مرة تبتسمين-مرة تزعلين-مرة تضحكين ... الخ)
2- غمضي عيونك واتخيلي انك جدام مجموعه كبيرة من الناس وانتي قاعدة اتكلمينهم والعيون كلها عليك والكل منصت.. (كرريه اكثر من مرة) ... ان اشاء الله اكون فدتج