حدي مقهورة (حسبي الله ونعم الوكيل)

[كويتيه=)]

السلام عليكم
اشلونكم يا احلي كويتيات
حدي مقهورة ومتضايقه
بس أحاول امسك أعصابي مع أني بينت للكل اللي قاعدة علي طاولة الطعام أني متضايقه
ييت من دوامي خذيت لي شور نزلت تحت اتغدا
قعدت علي كرسي اشوف اخوي قاعد يوزع ابتسامات لي ما ادري ليش
جان أمي شكل ويها متغير
جان تقول فلانة بقول لج شي
جان اقول شنو
في واحد متقدم لج
طبعا بينت ردة فعلي على طنازه لان مو مصدقه هذي اول مره احد يتقدم لي وبالاسم بعد مع ان من داخلي فرحت ترا
وعقبها قالت مخلص 4 ثانوي ويشتغل بالمطار
لما أهني قلت أوكي
الطامه الكبري مطلق 3 مرات تخيلووو!!!!!
أنقمت قلبي وقمت اقول يا ربي ليش جذي حظي
جان على طول قلت ما ابي
وامي عادت وزادت ان امه امدحته وان حريمه مو زينين وان من عايله الفلان
طرا في بالي صديقه أمي من نفس العايله وصديقه أمي ما اواطنها كلش لانها تقط صواريخ وايد وبشكل مبالغ
قلت أكيد أهي اللي مطرشتهم لنا
جان أمي تحلف ان مو أهي
وتقعد تتصل فيها عشان اصدق
وطلعت مو أهي
بس اطلعت وحده من اهلي قريبه منا
قاعده اقول لهدرجه يختاروني لي جذي أنا شنو فيني عشان يختارون شخص مطلق 3 مرات
ورفيجه أمي تعرفهم تقول ريال مو زين وامه مو زينه
وهالقريبه مني تعطيهم رقمنا وتدري مو زينين ليش!!!
وانا توني متوظفه وعمري 24 سنه
حدي بنات مقهورة ليش قاعد يصير فيني جذي
وامي ليش قالت لي مو خايفه حتي عليرمشاعري وتدري فيني بسرعه اتضايق المفروض أمي علي طول تقول حق المرا ما نبي
لا المرا تقول عطونا يومين واتصل فيكم تخيلو!!!
وقاعده ادعي علي اللي ما يبي لي الخير حسبي الله ونعم الوكيل

 

[Tom ♥ Jerry]

.


حياتي ترا انتي ليلحين صغيرونة 24 سنه عيشي حياتج وتوج متوظفه
لا تحاتين راح اييج الي احسن منه

عليج بالدعاء بس و الصبر !

 

[المرتاحة]

حبيبتي انتي طوفي ولا تفكرين وايد بالطريقة هذي لان بالنهاية الرأي رايج انتي تقدرين ترفضينه اذا صج ما يصلح ، الله يوفقج ياااااارب

 

[سمو الغلآ]

انتي صلي استخاره وماخاب من استشار ربه..


وربي يقدم لج اللي فيه الخير والصالح

 

[لمعة سراب]

وعليكم السلام
حياتي شنو حظي ياقلبي هذا قدر ومكتوب
وخلاص دام ماتبينه مومعقوله 2 حريم كلهم موزينياحن ؟
افرضي انه اهو اللي موزين بتصيرين مطلقه وانتي عمرج 24
لاسمح الله ، بس بالنهايه الله اعلم وانصحج بالاستخاره ،

 

[سويت فانيلا]

استغفرالله على هاناس يبون السنع لهم بس حب لاخيك ماتحب لنفسك

 

[دلوعة أبوهآ]

مهما اختلفت الطرق
بالاخير القرار والرآي لكِ انتي
اذا تبين أو لآ

لاتضايقين وتكدرين عمرك ..
ان شاءالله ربي بيرزقك الآحسن منه ..

 

[كويتيه=)]

بنات أنا اصلا رافضه من اول ما أمي انطقت وقالت مطلق
بس الغرض ليش هالناس تييب لي ناس جذي!

 

[^البارونه^]

لا تتضايقين ابد .. جاوبيهم قلبي مو مرتاح للموضوع من الاساس
خلج قويه وحطي ابالج راح اييج الاحسن ان شاء الله

موفقه حبيبتي ​

 

[كويتيه=)]

ان شاء الله

 

[اسيره السعاده]

حبي القرار الاول والاخير للك استخيري وسى ان تكرهوا شئ هو خير لكم

 

[شواآاقه]

مثل ماقالوا البنات إستخيري والله يوفقج وييسر أمرج إن شاءالله

 

[لحن التياعي]

خلاص مادامك رفضتيه الحمد لله
بكرة ربي يجيبلك احسن منه ان شا الله والحمد لله توك صغيرة الله يرزقك باللي يسعدك ..(

 

[عسل سل]

من رايي صراحه !! حرراااام والله مطلق 3 مرات ! وانتي موظفه وصغيره وبعز شباابج .. مادري استخيري وشووفي

 

[حنان الحربيه]

مثل حالتك انا
مايجون لا الشين الرجال
الله كريم

المهم انتي ماتبينه خلاص ارفضيه محد بيجبرك
وبعدين 3 حريم اكيد العيب فيه
مو فيهم
وانتي بعدك صغيره
لا تستعجلين الزواج عمر مو يوم ليله

 

[الحياة تجربه]

حبيبتي عادي مافيها شي مطلق ٣ مرات شنو يعني ماصارله نصيب مع هالبنات ويمكن انتي نصيبه الي الله كتبها حقه وتظلين معاه العمر كله
لا تاخذين بكلام الناس والقيل والقال
قعدي مع الريال وشوفيه جم مره وسالو. انشالله ترتاحين
وبقولج شغله اعرفه بنات وايد وصغار اصغر منج خذو ريالييل مطلقين جم مره. او حتي عندهم عيال والبنت تكون صغيره وتوه خريجه وعادي عاشو وكاهم يابو يهال بعد
وهم اعرف العكس بنات مطلقين ٤ مررااات ومعيلين وخذو واحد ولا مره متزوج
ترا ارزاق ونصيب
والله يوفقج

 

[Nokia N95]

لاتقهرين روحج ... الحمدلله ان اهلج يشاورونج .... غيرج يغصبونهم

واذا قلبج مقموت و سامعة عن الريال اشياء موزينة .... رفضي ولا توافقين تحت اي ضغط ... هذي حياة كاملة ... مو يوم او يومين

والله يوفقج يارب

 

[!! دلوعته !!]

الله يوفقج

 

[سكر العيوون]

حبيبتي بعدج صغيرة 24سنه ليش ترضين مطلق حتى لو من مره وحده لا طبعا

 

[لمى الهاجري]

هاي تجمع بنات دشوه http://www.q8yat.com/t1017144-9.html#post29464138