حدي متوهقه الله يوفق الي تساعدني ويرزقها اللي تتمنى

[miss_RORO]

​

السلااام عليكم
صبااح / مسااااء الخير والفل واليااااسمين
شخباركم شلوونكم؟؟

تكفوون بنااات طلبتكم انا حـــــدي متوهقه عيد ميلاد صديقتي قرب وابي اعطيها هديه بس ما ادري شنو ابيكم تساااعدوني للعلم هي مو بس صديقتي انا وياها مثل التوأم يعني اقرب انسانه لي وانا اقرب انسانه لها لازم تكون هديتي متميـــزه وغريبه وغييير عن البااااقي انا مره عطيتها طقم عطور ومره ساعه ومره شنطه مع تيشيرت ومع اكسسوار ومره عطتها بجامه مع نعلتها(يكرم السامع) مع البوم انا مسويته بنفسي فيه صور ذكرياتنا من بدايه معرفتنا لين هاذا اليوم..
يعني لازم ولا شي من هذول ساااعدوني بليييز
وتقريبا يكون سعرها بحدود 500 ريال لان الظروف هلايام مو شي معاي يعني تقريبا 50 دينار

سوووري راااسكم صدع من هذرتي بس العشم فيييكم مالي غير الله ثم انتوا

 

[ديمــا]

امممم

شوفي حبيبتي ترى هالديه هذي اهيا بس طريقه تقديمها اهيا الي تختلف

مثلا حق رفيجتج الخيارات الي جدامج

ساعه

عطر

اكسسوارات

جنطة

بووك

موبايل

ملابس و اكسسواراته

او مكياج

يعني انا احس هالاختيارات الي مداوله الحين..

يعني انا مره عطيت رفيجتي هديه بعيد ميلادها شنوو صممت لها عبايه مع شيله لانهااا تموووت على العبي احسهم اكثر من هدوماااا !!

ا ممكن تحجزين لها سبااا مساج او تنظيف بشره

او مثلا تدرين انا بالعيد ناقصها شي تشترينه لهاا او شي اناسب

اوو تشتريلها جنطة مكياااج

امم هذا الي عندي .. ان شالله افتج بشي :$

.. ديمــا..

 

[جوري الحلوة]

صح حجزيلها في السبا عندهم عروض حلوة وقوليلهم بحدود خمسين دينار واهمه يعطونج افكارهم

 

[kuwaitya_zoGaa]

امممم مبلغج وايد حلو ...
اشتري لها بوك ماركه
والا اشتري لها مكياج ...
اشتري لها ترجيه ماركه ..
مادرى يعنى البنات ماشاء الله خياراتهم مفتوحه
وكل عام واهيا بخير ..

 

[الحلوه80]

اشتريلها كفر حلو حق السرير اللي تنام عليه

 

[عزااااايز]

ممكن خاتم ذهب
او شيله ماركة
طقم ماكياج ماركة
اذا اهي متزوجة شي حق بيتها
او اذا بنية شي حق غرفتها

 

[miss_RORO]

تسلموولي كلكم والله ما قصرتوا
بعد يالله يا حلوين وروني اقتراحاتكم
هي من النوع اللي تحب الاشياء الغريبه

 

[sho-sho_93]

خاتم ذهب قلب ذهب زغيرنو علشان تذكرج فيه

 

[Miss-Madry]

هااي

حبوبه الهديه شكلهاا اهوو الي يجذب

اشتري لها عبايه سنعه مع ملفعهااا واشتري لهااا ساااعه تمشي مع العبايه

وغلفيهم عند محل الهدايااااا بتغليفف حلوو بلونها المفضل

.................................................

اشتري لها سيت بجاااماا مع مدااسهاا واتري من بودي شووب شور جيل ولوشن وعطر ومرطب الشفايف

.................................................

اشتري لهاا كفرر مع ملوت المخااد وشمووع معطره وفي عند ايكيااااا براويز ساده خشب اشتغلي عليهم بالوان غرفتها وصدقيني كل ما كان الشغل انتي مسويته لها يكون له قيمه عندهاا..تقدرين تستفيدين من توقيعي في لنك (هدية تخرج نواره)

وبس اتمنى تستفدين

 

[miss_RORO]

تسلموووون ولله
بس بعد ابي اقتراحاتكم

 

[saroona_270]

امممم مبلغج وايد حلو ...
اشتري لها بوك ماركه
والا اشتري لها مكياج ...
اشتري لها ترجيه ماركه ..
مادرى يعنى البنات ماشاء الله خياراتهم مفتوحه
وكل عام واهيا بخير ..

 

[miss_RORO]

طيب عطوون يافكار تقديم اقدر اقدم فيها الهديه غريبه تكون فيها خباااال ورجه <<< لاننا مراجيج وفناتق

 

[SOFTY^LADY]

سويلها سوار اوخاتم باسمها واذا تبين تلفينه وتدزينه بطريقه حلوه وغريبه راسليني عالخاص

 

[miss najla]

عندج 50 دينار يعني تقدرين تشترينلها من بودي شوب او زهور الريف عندكم بالسعوديه ست كامل يجي بحدود 50 دينار من العطورات والدهونات للجسم وحطيهم بعلبه ذربه مع بطاقتها )

 

[فرفووره]

بصراحه اهم شي الطريقه الي بتقدمين الهديه فيها اكثر من الهديه اختاري الالوان الي تحبها والاشكال الناعمه واختاري اللحظه الحلوه والي تكون فيه بكامل هدوئها وتقولين بنبره ناعمه وهاديه جمله تعبر عن المناسبه الي تبينها واتمنى اكون فدتج بشي وسامحينا على القصور وشكرا

 

[امونه 81]

وانا بعد هم محتاره شقدم حق رفيجتي