حديي محتااره حق الي يعرف تلفون << iphone >> لاتخلوني

[miss.dalola]

شلوونكم .. شخباركم ..!! اعضوات المنتدى انشالله بخيير..?? :wqedqw:
ابيييكم تساعدوني بآراكوم الحلوة
انا بصرااحه حديي محتااره اشتري ولا لأ .. :eh_s(2):
انا بشتري ال..iphone او في ناس تقوولي سخييف او ناس تقولي مو شي او ناس تقولي مو قوي
فالي مجربته او عارفه مميزاته او سلبياته خل تعطينا من معلوماته الحلوة
ومالها الا الخييرانشا لله.. :eh_s(7):
وسلاامتكم..:eh_s(6): ​

 

[زلابيا]

حبوبه حطي سؤالج اب قسم الموبايل ...

وشوفي هناك التجمع اللي بنات حاطينه عن الآي فون وان شاءالله تستفيدين

 

[أم فلان]

هلا اختي دلولا

شوفي انا استخدم الجهاز من سنة تقريبا

اول ماطلع كان يبيله وحده تجابل النت تدرين فاضية وتقعد تكسر حمايته وتنزله برنامج التعريب وشغلات ثانية


الحين بعد ىخر تحديث << طبعا التحديث يبيلج تقرين عنه وفي منتديات وايد متخصصة بالآي فون وعربية ومايقصرون أعضائها

اقول بعد ىخر تحديث صار العربي الي فيه رسمي والام ام اس رسمي يعني موجودين مايحتاج برامج

طبعا مميزات الجهاز :

اذا انتي بس مكالمات ورسايل وبلوتوثات وخري عنه لأن اهما ماسووا حق هالشغلات حاله حال النوكيا

اما اذا تتابعين ايميلج وتبين برامج متخصصه تساعدج في دراستج طب وهندسة ورياضيات إخذيه

وبعد طبعا تعليق ماتعلق وخرابيط نوكيا ماكو تنسينها الى الأبد

الجهاز بطاريته حدها يوم اذا المكالمات وااايد

وبلوتوث مافيه الا مع السماعة

فيه برامج اسلامية حلوه حييييل تنزيلنها

وفيه العاب ويشيل صوتيات وفيديو وااااااااااايد يعني 16 غيغا مو شوية

يعني تلفون وآي بود مع بعض


الجهاز حلو واستعماله راقي حييييل بس انتي وحاجتج له

واي سؤال انا حاضره

 

[miss.dalola]

تسلميييييييييييين ويعطييييج العافية يا ام فلااان
اوكي راح انقلة سووووري :s