حجوة تقرقع بقلبي يا حلوات يا قمرات يا أمامير [ بشارة يمكن متأخرة شويتين ]

[lolowawa1234]

مو مهم راي الموجهين ولا مهم راي المعلمين بهالوقت بالذات عشان يتطبق النظام

الحين بعد سنه كامله من تطبيق النظام هل مستوى الطفل تغير ؟؟؟
في تطور بقدراته اللغويه ؟؟
في تغير بنواحي الطفل النفسيه والسيكلوجيه؟؟
ما التغيرات التي اصبحت واضحه على مستوى الاطفال الذين طبقت عليهم المناهج المتطوره؟؟



انا مع المناهج واغلب المعلمين مع ادخال المناهج بس يا ابلات احنا نسال عن الكيفيه؟؟؟

اذا بيدخلونها ويخلون النظام الحالي مثل ماهو عليه هذا خطأ الطفل ما يستحمل هذا الكم من المعلومات ولا يستحمل الجلوس فتره طويله يعني فترة حلقه وفترة لاصفي مستحييييييييييل الطفل بالاساس يتعلم عن طريق الحركه واللعب

بعدييين خلو الوزاره تعرف ان الله حق شكوو ابلة روضه تدرس انجليزي؟؟؟ احنا زين نطقطق بالانجليزي زيييين منا ذاكرين الارقام بالانجليزي

والا شكوو ندرس عربي؟؟؟

عطو الخباز خبزه يا وزاره ترقص من شدة الالم

وشكرا لج ماما عهود عالخبريه هااي وسلميلي على عصفورتج

 

[انفاسي]

السلام عليكم ادرييييييييييي بتقولين ياعهود منسن اطلعت هالداثره تغط تغط وتطلع لنا ساعه يقولون مناهج مطوره ساعه الجوده الشامله اشتطلع مادري الزبده ان التعليم بالكويت بين ادين عجايز موليه كل وحده امبحلقه اعيونها على الثانيه والقرارات ابمخباتها

 

[عهود الحب]

لولوة انتي قلتيها
اهم شي الطفل
ترى الواقع انه الطفل راح يستفيد من المناهج لوووووووووووووووووووووووووو
لو

لو تطبقت صح !
ولا ؟؟؟؟؟؟؟؟؟


خل اطرح لج مثال يبسط العملية :

شنو الفايدة من كتاااااااااااااااااااااااااااااااااب راااااااااااااائع متروس حكم بس مكتوب باللغة اليابانية والقاريء لايتقنها ؟


نفس الشي !

احنا مستعدين نغير المناهج معاهم بس احنا ما نملك الادوات ولانتقن اللغة الانجليزية كمعلمات !
خاصة بالشكل الي كان مطلوب منا نسويه للاطفال
وشنو راح تكون النتيجة على المدى البعيد
انه

الطفل راح يدرس لغة من شخص غير متخصص
وراح يدرس مباديء [ يقال انها مباديء ! ] ولكن من شخص مادرسها ؟؟؟؟؟؟؟؟؟


و للأسف يقولون انه هدفهم تطوير التعليم من اجل الطفل !
طيب فكروا صح

العبوها صح
العبوها صح يا وزارة التربية


بالله عليكم منهج مطور ويكتبونه ناس ما تخصصت بالطفل و خصائصه النفسية

ولا هل يعقل انه الطفل يقعد كأنه مسجون مو بروضة !
ومع العلم انه المدارس الخاصة مناهجهم اصعب
بس لأنهم مايهتمون بالخمبقة والخرابيط الي الوزارة الكريمة مهتمة فيها
ولا احتفالات مديري المدارس وورش العمل و الدرقن درقن مالهم
ناجحين وعيالنا يتميزوووووووون فيها




تبون مناهج !

روحوا اخذوا دورة بالمدرسة الباكستانية وعقب تعالوا تفلسفوا علينا

شاكرة لج اهتمامج حبيبتي وعصفورتي تأسف لحالنا الحقيقة والحمدلله انها مو معلمة روضة
---------------------
انفاسي

انفاسي


هههههههههههههه اشوف نيك نيمج اضحك مدري ليش
احس انتي مثل الي تحسبه مضيع دربه وبوقت صعب يطلع ناقز لك فجأة

يختي ماراح نرتاح


هذولي المومياؤات ملزقينهم بالباتكس من زمن نورية الصبيح الله يسامحها
و للأسف متحنطات وتفكيرهن متحنط
ويتحكمن بالعالم



وزارة الحريم ما تتسنع


قال يا فرعون من فرعنك قال مالقيت احد يقولي انثبر < عفست المثل

والله قهر ياخخخخخختي خليني ساكتة انا اعد الدقايق والثواني عالتقاعد
خلاااااااااااااااااااص بدأ العد التنازلي لساعة الصفر واقول للوزارة باي باي راحة راسي بمخباي

 

[ولع نجد]

مرحبا عهود الحب اشلونج------
الظاهر عصفورتج مصحصحه عدل مدل -----وان مراح يتطبق هالنظام الفاشل ان شاء الله
والسبب ---ان احنا كان عندنا اجتماع مع مشرفتنا قبل يومين وبشرتنا ان احنا المستوى الثاني راح ننزل اولى ومراح انطبق النظام السنه الجايه
وابلات المستوى الاول راح يرحون السنه الجايه الى المستوى الثاني ويكملون النظام معاهم
بس حبيت تسالين عصفورتج ----فيه دوره حقنا للنظام الجديد بشهر سته ولا لا ؟؟؟؟؟ وان شاء الله مافيه -----بشرينا عسى الله يبشرج بالجنه

 

[عهود الحب]

ولع نجد
تغير الكلام 180 درجة
الحمدلله انج اقتنعتي بالخبر

وان شاء الله نسمع من العصفورة كلام جديد


نبي منج انتي كلام اكثر عن النظام الجديد


شنو عيوبه بحكم انج مدرسة بروضة من رياض التجربة
و شنو مزاياه
ادري انتي مادرستي ولاطبقتي
بس انتي بقلب التجربة وقاعدة تشوفين الوضع عالطبيعة



كلمينا عن تجربتج

 

[خلوفه]

حبيبتي ولع نجد احنا مطبقين المنهج أبلات أولى راح يصعدون مع عيالهم لمستوى الثاني ويكملون المنهج لأنهم ماخذين الدورة وأبلات ثانية ينزلون لمستوى أول ويطبقون المنهج وراح يعطونهم دورة مع بداية العام الدراسي قبل دوام الأطفال وهذا الكلام من التوجيه وراح يطبق المنهج لأن دايما هناك زيارات من التوجيه

 

[روند]

السلام عليكم



معاج حق عهود النظام فاشل


وانا هالكلام وصلني من ناس اعرفهم عز المعرفة اكادميين دكاتررة

يقووولوون ان النظام فششششششششل وان مهنة الرياض من اشقي

مهن التدريسسسس​

 

[lolowawa1234]

هههههههههههههه
ماما عهود منوو يقول حق فرعون انثبر؟؟؟؟ مثل عجـــــــــــيب
احنا كله انقول حاضر تحت امرج...بس بقى انقول شبيك لبيك ابله فلانه بين ايديج
بس تدرين اشلون انا ريحت عمري ورفعت الجام كيــــــــــفهم منو بيحاسبني ؟؟ حسابهم مابيه
اهم شي الحساب اللي فوق حساب رب العالمين
تدرين عهود ذاك اليوم ذابحه عمري ولو اتشوفين شمسويه ويا اطفالي خصوصا انه منهم حالات خاصه كثيره ومراعيه شعورهم حيييييل وبحببهم بالدوام وبحاول ادمجهم كثر ما اقدر
تالي معطيني افاده عدم نزول مستوى الطفل لوووووووووووووووووووووول
عبالهم احنا اغبيا
تدرين شسويت
ابتسمت
وقلت
اشكركم على التنبيه
واذا بتحطونه لي بالملف ماقول لا
ههههههههههههههههههههههههههههههههه


اقصى مابخيلهم يركبونه واذا على الشغل ولله الحمد قدرت اثبت روحي بكورس واحد وصيتي واصل للرياض الثانيه
واذا الله كاتبلي اترقى مايمنع ارادة الله شي


مشكلتنااا ديناصوراااااااااااااااات ماسكه وزاااره
خلوووهااا للي قادر يغير
خلووها للي بيقوم عدل

حرااااااااااااام عليكم 30 و40 سنه
روحو بيوتكم ارتاحو سافرو جوله حول العالم ربو احفاد احفادكم بسكم تقضب بهالكرسي

اخخخ بس حلااات من يشيل الكرسي واللي قاعد علييييييه...

 

[ولع نجد]

مرحبا عهود الحب
انا والله ما غيرت كلامي مني والطريج الا لما قالت لنا المشرفة قبل جم يوم --
اما بالنسبة للنظام فيه بعض الايجابيات--مثل ان الدرس محدد بخطوات معينه ما عندهم درس عايم مثل دروسنا
مثلا الحين خبرة النفط احنا حايسين بالدروس وشلون بنقدمها وانحاتي الموجهه لما تدخل والدرس شلون بنقدمه ونطلب من الله ان تدخل علينا يا كلمه ولا عدد --ولا اذا كان الدرس عايم مثل --كيف تكون النفط ---الكويت دوله نفطية---الموانئ النفطيه ---ودروس غيرها واجد-
اما النظام الجديد ما عندهم هالدروس ---ما عندهم الا حصيله لغويه فيها 6 كلمات يقعدون يشرحون فيها ويقدمون طول الاسبوعين ويقدمون معاهم العدد وبس ---ما عندهم مفاهيم مثلنا --هذي الايجابيه الوحيده فيه ---اما السلبيات فحدث ولا حرج واهمها اللغه الانجليزيه --لان بعض المعلمات عندهم ال speeling <<والله مادري كاتبته صح ولا لا >>اللي اهي نطق الكلمه غلط بغلط وكثير من الموجهات يحرصون عليها --لان كثير من المدرسات مو شاطر باللغه الانجليزيه ---ولا يبون معلمة الروضة بتاع كله --وبعد فيه سلبيه ثانيه الا اهو الصفي والاصفي يا احنا تعبنا تعب فيه -
المهم يا طويلة العمر ان النظام مراح يتطبق على المستوى الاول وهذا اهم شي ---وبس

 

[Eva-SS]

النظام راح يتطبق مو السنة الجاية ... هم ينطرون تتخرج الدفعة الاولى اللي عليها طبقوا النظام يعني مو السنة الجاية اللي وراها وهذا اللي سمعته من موجهتنا من فترة


ولع نجد .. للتصحيح فقط السبيلنق هو كتابة الكلمة .. نطقها البروناونسيشن او يقولون اكسنت يعني لهجة

 

[*قفشة عسل *]

عهووووود ماتجيبين الا الاخباااااار الزينه > حبــه على خشـــمج اموووووووه
فديتج وفديت الاخبار الي تفررح والـــله
اصلا النضام من امه فااشل لا فووق مستــوى الطفـــل
وعساهم من فشل الي افــشل من هالانضمه المتخــبطه

 

[شوق اليوسف]

قسم بالله انش فاصله

موتيني منا لضحك على هالحجوه



يا حبي لش

 

[عبااير]

جعلج اتحيين ياااارب
يختي اذبحونا بتجاربهم والله اني كنت احاتي هالموضوع
وعصفورتج جعلها اتحيا بعد هههههههههههه

 

[mooomooo]

انزين بنات منو تعرف عن الدورة لان اليوم المشرفه خذت اسامي اللي ماراحوا الدورة

وانا منهم واهيا اسبوعين بس ابي اعرف متى ؟؟

 

[{ملاك}]

الله يسمع منج عهوود ،، قمت اخاف افرح والله ،، خوفي تنقلب فرحتي تعودنا :/
من كثر ما جربوا بأبلات الروضة حسيت ان احنا فيران تجارب عزكم الله



بس احلى شي ( الدرقن درقن ) هههههههههههههههههههه عجيبة

 

[التحدى والاصرار]

حبيبتي ولع نجد احنا مطبقين المنهج أبلات أولى راح يصعدون مع عيالهم لمستوى الثاني ويكملون المنهج لأنهم ماخذين الدورة وأبلات ثانية ينزلون لمستوى أول ويطبقون المنهج وراح يعطونهم دورة مع بداية العام الدراسي قبل دوام الأطفال وهذا الكلام من التوجيه وراح يطبق المنهج لأن دايما هناك زيارات من التوجيه

هالكلام صحيح 100%
سمعوا كلام موجهتنا خلوفه
تري عندها الاخبار الصح